“Бугунги кунда ҳамкорлигимиз деярли барча соҳаларни қамраб олган” — Хитойнинг Ўзбекистондаги элчиси

Унинг сўзларига кўра, Хитой Ўзбекистондан юқори сифатли қишлоқ хўжалиги маҳсулотларини импорт қилмоқда. Масалан, мамлакатда етиштирилган гилослар ҳозир Хитой бозорида катта талабга эга экани таъкидланган.

https://www.tgoop.com/hudud_inform

🔎Омбудсманнинг Наманган вилоятидаги минтақавий вакили томонидан бир қатор ёпиқ муассасаларда мониторинг ташрифлари ўтказилди

Жумладан, Уйчи туманида жойлашган 6-сон тергов ҳибсхонаси, Наманган вилояти ИИБ вақтинча сақлаш ҳибсхонаси (ВСҲ), Поп туманида жойлашган 6-сон жазони ижро этиш колонияси ҳамда ИИБ маъмурий қамоққа олинган шахсларни қабул қилиш ва сақлаш махсус қабулхонасидаги шароитлар ўрганилди.

➡️Уйчи туманида жойлашган 6-сон тергов ҳибсхонасида янги бино ишга туширилиб, 200 нафардан ортиқ шахслар учун шароитлар яратилган. Шунингдек, вояга етмаганлар учун ўқув машғулотлари ташкил этилган.

➡️Наманган вилояти ИИБ вақтинча сақлаш ҳибсхонасида 98 та видеокузатув камераси ва радио эшиттириш тизими соз ҳолда ишламоқда.

➡️Поп туманида жойлашган 6-сон жазони ижро этиш колониясида “Ошпазлик” йўналиши бўйича ўқув курсини якунлаган 30 нафар маҳкумга сертификат топширилди.

📎батафсил    

https://www.tgoop.com/hudud_inform

Фуқаролар ўртасида бино, иншоот ёки уларнинг бир қисмини, турар жойни ижарага бериш шартномаси, текин фойдаланишга бериш шартномасининг мавжуд эмаслиги ёхуд давлат солиқ органларида ижарага бериш шартномасининг мажбурий ҳисобга қўйилишига риоя этмаслик:

➖ БҲМнинг 5 бараваридан 10 бараваригача миқдорда (2 млн 060 минг сўмдан 4 млн 120 минг сўмгача) жарима солишга сабаб бўлади.

‼️ Қонунни билмаслик жавобгарликдан озод қилмайди...

https://www.tgoop.com/hudud_inform

Лондондан қайтарилган афсонавий Зандана матолари, Темурийлар ва Бобурийлар даврига оид артефактлар ҳамда миллий кашталар Ислом цивилизацияси маркази экспозициясига қўшилди.

https://www.tgoop.com/hudud_inform

Картошка етиштириш давлат томонидан қўллаб-қувватланади

“Республикада картошка етиштиришни кўпайтириш ва уруғчилигини янада ривожлантиришга доир қўшимча чора-тадбирлар тўғрисида”ги Президент қарори (269-сон, 08.09.2025 й.) қабул қилинди.

🔰 Қарорга кўра, республикада картошка етиштиришни кўпайтириш ва уруғчилигини ривожлантиришнинг асосий мақсадли кўрсаткичлари этиб қуйидагилар белгиланди:

🔹 2028 йилдан ҳар йили унувчанлик даражаси 85% дан паст бўлмаган камида 10 млн дона картошканинг мини-туганакларини етказиб бериш;

🔹 2030 йилга бориб республикада картошканинг ўртача ҳосилдорлигини 16–17 тоннадан 25–30 тоннага ошириш.

✅ Қишлоқ хўжалиги вазирлиги ҳар йили 1 декабргача кейинги йилда етиштириладиган картошканинг “in-vitro” ўсимликлари, микро ва мини-туганакларининг ҳажмлари бўйича илмий муассасалар ва тадбиркорларга буюртма беради.

💰 2026 йил 1 январдан Қишлоқ хўжалигини давлат томонидан қўллаб-қувватлаш жамғармаси ҳисобидан тижорат банклари орқали картошка етиштириш харажатларини молиялаштириш учун ҳосил қийматининг 50% игача йиллик 12% ставкада 6 ойлик имтиёзли давр билан 12 ой муддатга суғурта полиси асосида кредитлар ажратилади.

✔️ Шунингдек, 2026 йил 1 январдан картошка етиштирувчилар томонидан қуёш панеллари ўрнатиш харажатларининг 50 фоизигача, бироқ 50 млн сўмдан ортиқ бўлмаган қисми Давлат бюджетидан қоплаб берилади.

https://www.tgoop.com/hudud_inform

❗️Ижтимоий тармоқларда айрим қурилиш ташкилотлари фуқароларни хабардор қилмасдан ишчи сифатида расмийлаштираётгани ҳақидаги хабарлар юзасидан

Қурилиш ва уй-жой коммунал хўжалиги вазирлиги ахборот хизмати расмий муносабат билдирди.

Қурилиш ва лойиҳа ташкилотлари рейтинги Вазирлар Маҳкамасининг 2020 йил 9 ноябрдаги 699-сон қарорига асосан шакллантирилади. Рейтинг автоматик равишда бир қатор вазирлик ва идоралар маълумотлари асосида ҳисобланади.

“Shaffof qurilish” тизими эса маълумотларни ўзгартириш ёки сохталигини аниқлаш ваколатига эга эмас, фақат мавжуд маълумотларни жамлаб reyting.mc.uz орқали эълон қилади.

Бундай ҳолатларнинг олдини олиш учун Камбағалликни қисқартириш ва бандлик вазирлиги билан ҳамкорликда фуқаролар розилигисиз ишга расмийлаштиришни чеклаш ҳамда бир шахснинг бир нечта ташкилотда асоссиз расмийлаштирилишини бартараф этиш тартиби ишлаб чиқилмоқда.

Шунингдек, Вазирлар Маҳкамасининг 2022 йил 31 январдаги 46-сон қарорига мувофиқ, агар ташкилот тендер ёки рейтинг жараёнида сохта маълумот тақдим этгани аниқланса, тегишли идоралар хулосаси асосида электрон баённома бекор қилиниб, қонунчиликда белгиланган чоралар кўрилади.

https://www.tgoop.com/hudud_inform

Суд-экспертлик фаолияти рақамлаштирилади

“Cуд-экспертлик фаолиятини янада такомиллаштириш ва соҳага замонавий технологияларни кенг жорий этиш чора-тадбирлари тўғрисида”ги Президент қарори (ПҚ-270-сон, 08.09.2025 й.) қабул қилинди.

🔰 Суд-экспертлик фаолиятини ривожлантиришнинг асосий мақсадлари этиб қуйидагилар белгиланди, жумладан:

🔹 суд-экспертлик фаолиятини рақамлаштириш ва сунъий интеллектдан фойдаланиш орқали тадқиқотларнинг тезкорлиги, холислиги ва тўлиқлигини таъминлаш;

🔹 суд-экспертиза ташкилотлари ва экспертиза тайинловчи органларнинг ахборот тизимларини ўзаро интеграция қилиш орқали соҳада электрон ҳужжатлар алмашинуви ҳажмини 100 фоизга етказиш.

✅ Қарорга кўра, судлар, терговга қадар текширув, суриштирув, дастлабки тергов ва маъмурий ҳуқуқбузарликлар тўғрисидаги ишларни кўриб чиқишга ваколати органлар билан электрон ҳужжатлар алмашинувини таъминловчи “E-ekspertiza” ахборот тизими суд-экспертиза ташкилотлари фаолиятига тўлиқ жорий этилади.

🔗 “E-ekspertiza” платформаси ва экспертиза тайинловчи органларнинг ахборот тизимлари ўртасида электрон ахборот алмашинуви қуйидаги босқичларда йўлга қўйилади:

🔸 2026 йил 1 январдан республика даражасидаги экспертиза тайинловчи органларда;

🔸 2026 йил 1 июндан Қорақалпоғистон Республикаси, вилоятлар ва Тошкент шаҳри даражасидаги экспертиза тайинловчи органларда;

🔸 2026 йил 1 сентябрдан туман (шаҳар) даражасидаги экспертиза тайинловчи органларда.

https://www.tgoop.com/hudud_inform

Таълим тизимини ислоҳ қилиш масалаларига оид тақдимотдан:

🔹 Ўқувчиларнинг бўш вақтини мазмунли ташкил этиш учун “Келажак” марказлари ташкил этилади, ўқувчиларнинг ташаббусларини қўллаб-қувватлаш бўйича мактаб маслаҳатчиси лавозими жорий қилинади.

🔹 Янги уйларда аҳоли сонига мос боғчалар қурилади, боғча мутахассислари учун дуал таълим ва малака ошириш тизими жорий этилади.

🔹 Қамров паст бўлган ҳудудларда хусусий боғчаларни давлат-хусусий шериклик асосида очиш қўллаб-қувватланади; ер бепул, имтиёзли кредитлар берилади.

🔹 14 та ҳудудда муҳандислик мактаблари ташкил этилади;

🔹 2026 йилдан Президент соврини учун “Илғор муҳандислик мактаби” танлови ўтказилади.

🔹 Тошкент шаҳрида М.Э.Бауман номидаги Москва давлат техника университети филиали, “ToshTech” техника университети ҳамда Олмалиқ давлат техника институти очилади.

🔹 Педагогика талабалари учун Абдулла Авлоний стипендияси жорий этилади.

🔹 Докторантура квоталари миллий ривожланиш устуворликларига қараб белгиланади.

https://www.tgoop.com/hudud_inform

Андижон вилояти Бўстон тумани ҳокимининг икки нафар ўринбосари пора билан қўлга олинди.

https://www.tgoop.com/hudud_inform

Кўп қаватли уй-жойларнинг зилзилабардошлиги ва сейсмик хавфсизлигини таъминлаш бўйича назорат ишлари олиб борилмоқда.

396 та сифатсиз объект аниқланиб, улар юзасидан ҳуқуқни муҳофаза қилувчи органларга материаллар юборилди. 200 дан ортиқ ҳолатда судларга бузиш тўғрисида даъво киритилди, 100 дан ортиқ ноқонуний қурилиш бузилди.

40 дан зиёд ҳолатда жиноят иши қўзғатилиб, айни пайтда тегишли тергов ҳаракатлари олиб борилмоқда.

https://www.tgoop.com/hudud_inform

❗️ Нодавлат суд-экспертиза институти роли янада оширилади

🏛 Қарорга кўра, нодавлат суд-экспертиза ташкилотларининг ихтиёрий аъзолигига асосланган Ўзбекистон суд экспертлари палатаси ташкил этилади.

☑️ Нодавлат суд экспертларининг касбий ва амалий тайёргарлик даражасини аниқлаш, уларнинг ноқонуний ҳаракатлари билан боғлиқ ҳолатларнинг адолатли кўриб чиқилишини таъминлаш учун Адлия вазирлиги ҳузурида Эксперт-малака комиссияси фаолияти йўлга қўйилади.

📝 2025 йил 1 ноябрдан маъмурий ҳуқуқбузарлик тўғрисидаги ишлар бўйича шартнома асосида адвокат сўровига кўра суд-экспертиза ташкилотларида экспертиза ўтказиш тартиби жорий этилади.

⚠️ 2025 йил 1 декабрдан нодавлат суд экспертларига якка тартибда суд-экспертлик бюроси шаклида фаолият юритиш ҳуқуқи берилади.

📑 2025 йил 15 декабрдан шахслар учун Х.Сулаймонова номидаги Республика суд экспертизаси марказига экспертиза тадқиқотлари ўтказиш бўйича “Sud-ekspert” портали орқали онлайн мурожаат қилиш имконияти яратилади.

📷 2026 йилдан 1 январдан Республика суд экспертизаси маркази суд экспертлари объектларни кўздан кечириш учун жойларга чиққанда мажбурий равишда мобил видеокамера (бодикамера)лардан фойдаланиши тартиби йўлга қўйилади.

https://www.tgoop.com/hudud_inform

Олий таълим, фан ва инновациялар вазирининг барча ўринбосарлари – биринчи ўринбосар Шохруҳ Далиев, ўринбосарлар Отабек Маҳкамов ва Сарвархон Бузрукхонов ишдан олингани эълон қилинди.

Шунингдек, Президент фармони ва қарори билан Президент Администрацияси ҳузуридаги Таълим сифатини таъминлаш миллий агентлиги директори Адхам Худайкулов бошқа ишга ўтиши муносабати билан ҳамда Олий таълим, фан ва инновациялар вазирлиги ҳузуридаги Инновацион ривожланиш агентлиги директори Шароф Ражаббаев лавозимидан озод этилди.

https://www.tgoop.com/hudud_inform

Касбий таълим агентлиги ташкил қилинади

Мутасаддилар зиммасига вилоят ва туман ҳокимлари билан биргаликда Президент ва ихтисослашган мактабда орттирилган тажриба асосида жорий йилда 598 та техникумга халқаро стандарт бўйича замонавий касбга ўқитиш муҳитини олиб кириш вазифаси қўйилди.

Умуман, вилоят ва туман ҳокимларига келгуси ўқув йилида 9-синф битирувчиларининг камида 50 фоизини, ҳозиргига қўшимча яна 200 минг ўқувчини техникумга қамраб олиш топширилди.

Бу ишларни ягона сиёсат асосида олиб бориш учун Касбий таълим агентлиги ташкил қилинади.

https://www.tgoop.com/hudud_inform

❗️ТИВ: Ўзбекистон Исроилнинг Қатарга нисбатан ҳужумларини қоралайди

Ўзбекистон Республикаси Исроилнинг Доха шаҳридаги турар жой ҳудудига уюштирган ҳужумларини кескин қоралайди ва бу ҳолатни Қатар Давлати суверенитетини бузиш, чегаралар дахлсизлиги ҳамда хавфсизлигига тажовуз деб баҳолайди.

Бундай хатти-ҳаракатлар мутлақо номақбул бўлиб, БМТ Низоми ҳамда халқаро ҳуқуқнинг асосий меъёр ва тамойилларини қўпол равишда менсимаслик ҳисобланади.

Ўзбекистон халқаро муносабатларда куч ишлатишнинг ҳар қандай кўринишига ва Яқин Шарқдаги мураккаб вазиятни янада кескинлаштирувчи қадамларга изчил равишда қарши эканини таъкидлайди.

Ташқи ишлар вазирлиги Ахборот хизмати.

https://www.tgoop.com/hudud_inform

❗️ Қирғизистондан ноқонуний олиб келинган 5,7 млрд сўмлик заргарлик буюмлари тўхтатиб қолинди

ДХХ Фарғона вилояти бошқармаси ходимлари ва Божхона органлари ҳамкорлигида ўтказилган тезкор тадбирда 5 кг 706 гр, қиймати 5 млрд 746 млн сўмлик тилла заргарлик буюмлари ноқонуний айланмадан чиқарилди.

Айбдор шахслар қўлга олинган бўлиб, ҳозирда терговга қадар текширув ҳаракатлари олиб борилмоқда.

Давлат хавфсизлик хизмати Ахборот хизмати.

https://www.tgoop.com/hudud_inform

⚠️ Қонунчиликка кўра, қуйидаги ҳаракатлар жисмоний ва юридик шахсларнинг мурожаатлари тўғрисидаги қонун ҳужжатларини бузиш ҳисобланади:

➖ мурожаатларни қабул қилиш ва кўриб чиқишни қонунга хилоф равишда рад этиш;
➖ мурожаатларни кўриб чиқиш муддатларини узрли сабабларсиз бузиш;
➖ мурожаатларга ёзма ёхуд электрон шаклда жавоб юбормаслик;
➖ мурожаатлар тўғрисидаги қонун ҳужжатларига зид қарор қабул қилиш;
➖ жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик.

💰 Ушбу ҳаракатларни содир этиш мансабдор шахсларга БҲМнинг 1 бараваридан 3 бараваригача (412 000 сўмдан 1 236 000 сўмгача) миқдорда жарима солишга сабаб бўлади.

https://www.tgoop.com/hudud_inform

Раджапбай Нуразизов Қорақалпоғистон Республикаси Жўқорғи Кенгеси Раисининг ўринбосари лавозимига сайланди.

Бунгача у Қорақалпоғистон Республикаси Вазирлар Кенгаши раисининг Жамоат ва диний ташкилотлар билан алоқалар бўйича ўринбосари лавозимида ишлаб келган.

https://www.tgoop.com/hudud_inform

❗️ Ҳуқуқий тарғибот соҳага масъул давлат органи томонидан амалга оширилади

🔰 Фармонга кўра, 2026 йил 1 мартдан норматив-ҳуқуқий ҳужжатлар матнларини ижрочиларга етказиш, уларнинг моҳиятини ижрочилар ва аҳолига тушунтириш ишларини “Ijro.gov.uz” идоралараро ягона электрон ижро интизоми тизими орқали назорат қилиш тартиби йўлга қўйилади.

✅ Бунда норматив-ҳуқуқий ҳужжатлар матнлари “Ijro.gov.uz” тизими ва “Рақамли маҳалла” платформаси орқали “республика-вилоят-туман-маҳалла” тамойили асосида давлат органлари ва ташкилотлари ҳамда фуқароларнинг ўзини ўзи бошқариш органларига юборилади.

📋 Шунингдек, эндиликда ҳуқуқий тарғибот ишлари соҳага масъул бўлган давлат органлари томонидан амалга оширилади. Уларнинг бу фаолияти Адлия вазирлиги томонидан “Ijro.gov.uz” тизимида Ҳуқуқий ахборотни тарқатиш картотекаси орқали назорат қилиб борилади.

📝 Картотекада Адлия вазирлиги томонидан норматив-ҳуқуқий ҳужжат дахл қиладиган субъектлар тоифаси, уларга ҳуқуқий ахборотни етказиш усуллари ҳамда тарғиботни ташкил қилишга масъул давлат органлари ва ташкилотлари белгиланади.

📲 Бундан ташқари, интернетдаги оммабоп платформаларда ҳуқуқий ахборотни ижтимоий тармоқлар орқали етказиш қамровини ошириш мақсадида “Adliya TV” саҳифаси ишга туширилади.

https://www.tgoop.com/hudud_inform

❗️ Абдулла Авлоний номли давлат стипендияси таъсис этилади

“Педагогика йўналишидаги олий таълим ташкилотларининг талабалари учун Абдулла Авлоний номли давлат стипендиясини таъсис этиш тўғрисида”ги Президент Фармони (ПФ-162-сон, 10.09.2025 й.) қабул қилинди.

💸 Фармонга кўра, 2025/2026 ўқув йилидан педагогика йўналишидаги олий таълим ташкилотлари талабалари учун Абдулла Авлоний номли давлат стипендияси таъсис этилади.

✅ Мазкур стипендия педагогика йўналишидаги ҳар бир олий таълим ташкилотининг бакалавриат йўналишида таҳсил олаётган 1 нафар охирги икки курс талабасига тайинланади.

📝 Маълумот учун: ушбу стипендияни тайинлаш учун талаблар Президентнинг “Ўзбекистоннинг ўқувчи ёшларини рағбатлантириш чоралари тўғрисида” 1993 йил 5 февралдаги ПФ–555-сон Фармонида белгиланган.

https://www.tgoop.com/hudud_inform