tgoop.com/hsyniy/3853
Last Update:
مجلس العباس ع الثاني عندما اراد الحسين ع حمله الى المخيم
السلام عليك يااباعبدالله وعلى اخيك كطيع الكفين
السلام على حامي الضعينة وناصر الحسين
السلام عليك يا ابألفضل العباس ابن امير المؤمنين
قريض
عَجَباً بَقِيتَ على الثَّرى مُتَوَسِّدَاً
ألَكَ المَنامُ بِكربَلا قَدْ طابا
عبَّاسُ أعتِبُ لا تَلُمني ياأَخي
فَلقَدْ جَرعتُ مَصائِبَاً وصِعابا
ليسَ العِتابُ على الَّذي أودى بِهِ
كفُّ الرَّدى وعن الدُّنا قَد غابا
ابوذيه
المصايب جارت وعيني عمتها
يخيمه الطاح من عدها عمتها
تون وكابلت سكنه عمتها
وعله العباس خل نلطم سويه
صاحن
............
وين الولي النكعد ابسده
وحملنه عله متونه نسنده
وصار البجه وحده وعله وحده
............
كعدن سوه وجرن الونات
وصار البجه العباس نوبات
عساه انهجم شاطي المسناة
.........
لامر يمايه والاشربناه
ولاهوت فوك الكاع يمناه
يجف اليحامينه فكدناه
............
مكابل نون وانهل دمعنه
ونبجي عله كله محنه
ونجر اعتابنه ويه الكفلنه
............
نتعاتبه وانرد بالاعتاب
اكعد ينايم فوك التراب
غفيت شلون واحنه ابين الاجناب
عمت عينها صلفه اليالي
...............
السلام عليك ياسيدي يا أبا الفضل العباس
السلام عليك يا حامل لواء الحسين(ع)
وفي بعض الكتب : أخذ الحسين عليه السلام رأسه ووضعه في حجره ، وجعل يمسح الدم عن عينيه ، فرآه وهو يبكي ، فقال الحسين عليه السلام : ما يبكيك ، يا أبا الفضل ؟ ! قال : أخي ، يا نور عيني ! وكيف لا أبكي ومثلك الآن جئتني وأخذت رأسي عن التراب ، فبعد ساعة من يرفع رأسك عن التراب ؟ ومن يمسح التراب عن وجهك ؟ وكان الحسين عليه السلام جالسا إذ شهق العباس شهقة وفارقت روحه الطيبة .
وصاح الحسين عليه السلام :وا أخاه ! وا عباساه ! ولما قتل العباس ، قال الحسين عليه
السلام : ألان انكسر ظهري ، وقلت حيلتي
ضهري يبوفاضل كسرته .
ياتجوتي وياتجوه اخيته
ذكر زينب وسالت دمعته
.........
شكلها الاخت لوناشدتني
يحسين جاوين الكفلتي
وين الحنين الزم متني
............
اكلها بعد راح التجيه
وعفته عله الشاطي رميه
يزينب طاحت جفوفه السخيه
............
اكلها
ضلت عله شاطي جفوفه
وسهم الغدر نابت بشوفه
جنها اتكول اخذني وخل اتشوفه
..............
عن لسان حال زينب ع لما جاء اليها خبر اخيها
خويه الاخت لومات اخوها
ينهد حيلها لوخبروها
روحي اتصيح وياكم اخذوها
.............
اخذوها لخوها وخل تحاجيه
وعد راس الحنين الضيم تشكيه
تكله عله فكده الكلب مابيه
..............
تكله الاخو يوجع اصوابه
والاخت ماتحمل مصابه
حنين الولي ويصعب غيابه
............
يامن فكدتي اخوان وينج
وياي خل يكثر ونينج
وخلها تهل دموع عينج
............
هلي عليهم دمع العيون
عزاز الاخوه ومن يرحلون
يشيلون حيلج من يشيلون
وانه كفيلي عافني شلون
............
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي الفاطميه
https://www.tgoop.com/joinchat-AAAAAD_jZ91aGoyFcWUhng
قناة مجالس ومحاضرات مكتوبه 👆👆👆
كروب قصائد والحان منبريه اشترك 👇👇
https://www.tgoop.com/joinchat-AAAAAD7f0FNmkN2JjlNIBw
BY مجالس ومحاضرات مكتوبه
Share with your friend now:
tgoop.com/hsyniy/3853