👑💝 مملكة الحب والانوثة💝👑

أنا وزوجي مبقاش في ما بيننا لغة حوار ..🤦‍♀️
متجوزين بقالنا 5 سنين بس كإننا بقالنا 20 سنة عايشين مع بعض ..
هو من ساعة الخطوبة وهو كلامه قليل بس كنت بقول يمكن علشان لسه ميعرفنيش أوي أو يمكن عشان مفيش لسه ما بيننا حاجات كثير مشتركة، أكيد بعد الجواز ده هيتغير وهيتكلم معايا أكتر ويشاركني أفكاره وحياته أكتر من كده ..
لكن الوضع كل يوم بيسوء عن اللي قبله من يوم جوازنا ..كل يوم بيبقى ساكت وبيبقى هادي في البيت أكتر من اللي قبله ..
وكل يوم أنا كمان كلامي معاه بيقل وبسكت .. مبقتش لاقيه حاجة أقولها ولما بقول مش بلاقي منه الأهتمام اللي أنا محتاجة له فبقيت بسكت ..
بنبقى قاعدين في البيت كإننا إثنين أغراب قاعدين جنب بعض في أي مواصلة عامة ولو أتكلم بيتكلم عشان يطلب منى حاجة أو عشان يقولي معملش حاجة ..
لو حبيت أناقشه في موضوع ولقى إن الكلام ممكن يطول يقوم يقولي:
"خلاص أنا ماليش خلق على المناهده دي .. أعملي اللي يريحك" ..
ولو قلت له أنا مش عارفه أعيش بالوضع ده .. يرد يقولي:
" أنا مغشتكيش .. مكنتش مذيع إذاعة يعني وأحنا مخطوبين ودلوقتي فوجئتي إني مش بتكلم" ..
خلاني زهدت في الكلام معاه ومبقتش لا أقوله حاجة عني ولا اسأله في حاجة عنه ..
يا رتني أخدت نصيحة حد متخصص قبل ما اتجوز ..
حد كان يقولي إنه مش هيتغير وإني لو متقبلاه كده شخص هادي وساكت في الخطوبة يبقى عمري ما هتقبله كده في الجواز ..
.......................................................................................................................
للأسف الهدوء الشديد من طرف من طرفي العلاقة تجاه الآخر مشكلة شائعة جدا وحلها ممكن يتم عن طريق خطوات بسيطة ..

ولصاحبة هذة المشكلة أقول:👇
" الحوار هيبتدي في اللحظة اللي هتقرري فيها تبتدي حوار بجد .. 👌
حوار مفيش فيه أي تلقيح كلام زي: " أنت ما بتتكلمش معايا ليه؟ "
أو" أنت أي حد يكلمك بتتكلم معاه بالساعة ليه .. أشمعنى أنا يعني لما بفتح معاك كلام بتصدني؟ " ..
أو "أنت ليه علطول ساكت كده؟" ..

الجمل دي أحنا المحترفين بنعتبرها جمل مهمتها قفل أي حوار مش فتحه ..

أعملي الخطوات دي بهدوء :👇
١- اقعدي أربع أيام تكلميه من غير ما تلوميه على أي حاجة بتاتًا..

٢- لما الأربع أيام يخلصوا أبتدي قولي له حاجة واحدة حلوة عنه في اليوم ..
زي مثالًا: " التيشيرت ده حلو أوي عليك 😍" ..
وخدي أسبوع مركزة في الموضوع ده بس ..

ملحوظة: أول مرتين هتعملي فيهم كده هو هيستغربك و هيقاوم فممكن يتريق أو يسخف ..
ويقول حاجة زي: " أنت جرى لك إيه؟ أنت أتبدلتي ولا إيه ؟" ..
ساعتها أضحكي وعدي الموضوع و متغيريش مسار الخطة..

٣- راقبي مكالماته و حواراته اللي بتطول مع صحابه وقرايبه وأعرفي هو بيحب يتكلم عن إيه وأسمعي رأيه في المواضيع المختلفة..

٤- أختاري وقت لطيف بالنسبة له عشان تبتدي تخلقي معاه حوار ..
ممكن مثلا تختاري يوم عملتي فيه أكله بيحبها وأبدئي الكلام برأي أِنتِ سمعتيه بيقوله قبل كده ..
مثال:
" أنا سمعتك بتقول أن أبو تريكة لعيب مش هيتكرر تاني، هو ليه الناس بتحبه قوي كده؟ " ..
ساعتها هيبتدي يتحمس في الكلام ويتشجع لإنك بدأتي بحاجة هو بيحبها أساسًا وساعتها شجعيه واتحمسي للحو وقولي جمل زي:
"أنت واخد بالك قوي من كل التفاصيل 😄 "..

٥- تاني يوم افتحي حوارعن موضوع تاني من اللي أنتِ عرفتي أنه بينحمس لهم ..
وعلى اليوم التالت هتلاقيه معتبرك واحد صاحبه وبيتكلم معاكي زيهم من غير ما يقطم أو يقصر في الكلام .. أحتفظي بنجاحك ده لمدة شهر مثلا و بعدها هتبتدي خطوة جديدة جريئة..

٦- بعد ما تفتحي الحوار وتسمعيه بحماس زي كل مرة أبتدي كلام عن حاجة عايزة تشاركيها معاه ..
قولي الجملة دي:
" كلامك بيملى دماغي فأنا عايزة آخد رأيك في موضوع شاغلني وعارفة إنك هتسمعني للآخر وهتشجعني" ..

ملحوظه مُهمة : فاكرة خطوه ١؟!🤓
أنك منعتي النقد .. خليكي فاكرة إننا مش هنرجع له أبدًا تاني ..
ملحوظه لذيذة : فاكرة الخطوه ٢؟!🤩
دي زي جرعة الدواء هتديها له كل يوم طول عمره..
ملحوظه رهيبة :🧐
النتايج مضمونة -بإذن الله- لو مرجعتيش للنقد والهجوم من تاني..
ملحوظة في الصميم: 👩👦
الكلام ده تعمله الزوجة مع جوزها وكمان يعمله الزوج مع مراته .. ومتنسوش تدعوا لي 😉

وحقيقي رأي حد فاهم وعنده خبره وعلم ممكن يكون سبب في تغير حياتك للأحسن 180 درجة ..

دُمتم بخير
هويدا الدمرداش
المستشارة في العلاقات الأسرية

www.tgoop.com/houreiyat/12079

2.0K viewsنهى عباس, Jul 21, 2019 at 18:09

أنا وزوجي مبقاش في ما بيننا لغة حوار ..🤦‍♀️
متجوزين بقالنا 5 سنين بس كإننا بقالنا 20 سنة عايشين مع بعض ..
هو من ساعة الخطوبة وهو كلامه قليل بس كنت بقول يمكن علشان لسه ميعرفنيش أوي أو يمكن عشان مفيش لسه ما بيننا حاجات كثير مشتركة، أكيد بعد الجواز ده هيتغير وهيتكلم معايا أكتر ويشاركني أفكاره وحياته أكتر من كده ..
لكن الوضع كل يوم بيسوء عن اللي قبله من يوم جوازنا ..كل يوم بيبقى ساكت وبيبقى هادي في البيت أكتر من اللي قبله ..
وكل يوم أنا كمان كلامي معاه بيقل وبسكت .. مبقتش لاقيه حاجة أقولها ولما بقول مش بلاقي منه الأهتمام اللي أنا محتاجة له فبقيت بسكت ..
بنبقى قاعدين في البيت كإننا إثنين أغراب قاعدين جنب بعض في أي مواصلة عامة ولو أتكلم بيتكلم عشان يطلب منى حاجة أو عشان يقولي معملش حاجة ..
لو حبيت أناقشه في موضوع ولقى إن الكلام ممكن يطول يقوم يقولي:
"خلاص أنا ماليش خلق على المناهده دي .. أعملي اللي يريحك" ..
ولو قلت له أنا مش عارفه أعيش بالوضع ده .. يرد يقولي:
" أنا مغشتكيش .. مكنتش مذيع إذاعة يعني وأحنا مخطوبين ودلوقتي فوجئتي إني مش بتكلم" ..
خلاني زهدت في الكلام معاه ومبقتش لا أقوله حاجة عني ولا اسأله في حاجة عنه ..
يا رتني أخدت نصيحة حد متخصص قبل ما اتجوز ..
حد كان يقولي إنه مش هيتغير وإني لو متقبلاه كده شخص هادي وساكت في الخطوبة يبقى عمري ما هتقبله كده في الجواز ..
.......................................................................................................................
للأسف الهدوء الشديد من طرف من طرفي العلاقة تجاه الآخر مشكلة شائعة جدا وحلها ممكن يتم عن طريق خطوات بسيطة ..

ولصاحبة هذة المشكلة أقول:👇
" الحوار هيبتدي في اللحظة اللي هتقرري فيها تبتدي حوار بجد .. 👌
حوار مفيش فيه أي تلقيح كلام زي: " أنت ما بتتكلمش معايا ليه؟ "
أو" أنت أي حد يكلمك بتتكلم معاه بالساعة ليه .. أشمعنى أنا يعني لما بفتح معاك كلام بتصدني؟ " ..
أو "أنت ليه علطول ساكت كده؟" ..

الجمل دي أحنا المحترفين بنعتبرها جمل مهمتها قفل أي حوار مش فتحه ..

أعملي الخطوات دي بهدوء :👇
١- اقعدي أربع أيام تكلميه من غير ما تلوميه على أي حاجة بتاتًا..

٢- لما الأربع أيام يخلصوا أبتدي قولي له حاجة واحدة حلوة عنه في اليوم ..
زي مثالًا: " التيشيرت ده حلو أوي عليك 😍" ..
وخدي أسبوع مركزة في الموضوع ده بس ..

ملحوظة: أول مرتين هتعملي فيهم كده هو هيستغربك و هيقاوم فممكن يتريق أو يسخف ..
ويقول حاجة زي: " أنت جرى لك إيه؟ أنت أتبدلتي ولا إيه ؟" ..
ساعتها أضحكي وعدي الموضوع و متغيريش مسار الخطة..

٣- راقبي مكالماته و حواراته اللي بتطول مع صحابه وقرايبه وأعرفي هو بيحب يتكلم عن إيه وأسمعي رأيه في المواضيع المختلفة..

٤- أختاري وقت لطيف بالنسبة له عشان تبتدي تخلقي معاه حوار ..
ممكن مثلا تختاري يوم عملتي فيه أكله بيحبها وأبدئي الكلام برأي أِنتِ سمعتيه بيقوله قبل كده ..
مثال:
" أنا سمعتك بتقول أن أبو تريكة لعيب مش هيتكرر تاني، هو ليه الناس بتحبه قوي كده؟ " ..
ساعتها هيبتدي يتحمس في الكلام ويتشجع لإنك بدأتي بحاجة هو بيحبها أساسًا وساعتها شجعيه واتحمسي للحو وقولي جمل زي:
"أنت واخد بالك قوي من كل التفاصيل 😄 "..

٥- تاني يوم افتحي حوارعن موضوع تاني من اللي أنتِ عرفتي أنه بينحمس لهم ..
وعلى اليوم التالت هتلاقيه معتبرك واحد صاحبه وبيتكلم معاكي زيهم من غير ما يقطم أو يقصر في الكلام .. أحتفظي بنجاحك ده لمدة شهر مثلا و بعدها هتبتدي خطوة جديدة جريئة..

٦- بعد ما تفتحي الحوار وتسمعيه بحماس زي كل مرة أبتدي كلام عن حاجة عايزة تشاركيها معاه ..
قولي الجملة دي:
" كلامك بيملى دماغي فأنا عايزة آخد رأيك في موضوع شاغلني وعارفة إنك هتسمعني للآخر وهتشجعني" ..

ملحوظه مُهمة : فاكرة خطوه ١؟!🤓
أنك منعتي النقد .. خليكي فاكرة إننا مش هنرجع له أبدًا تاني ..
ملحوظه لذيذة : فاكرة الخطوه ٢؟!🤩
دي زي جرعة الدواء هتديها له كل يوم طول عمره..
ملحوظه رهيبة :🧐
النتايج مضمونة -بإذن الله- لو مرجعتيش للنقد والهجوم من تاني..
ملحوظة في الصميم: 👩👦
الكلام ده تعمله الزوجة مع جوزها وكمان يعمله الزوج مع مراته .. ومتنسوش تدعوا لي 😉

وحقيقي رأي حد فاهم وعنده خبره وعلم ممكن يكون سبب في تغير حياتك للأحسن 180 درجة ..

دُمتم بخير
هويدا الدمرداش
المستشارة في العلاقات الأسرية

BY 👑💝 مملكة الحب والانوثة💝👑