8⃣ 1⃣ رمضان آخر روقان 🎆🌜

تابع توصيات عملية

✅ متجلدش نفسك .. متحطمش حياتك

طبيعي إنك ممكن تقعد فترة كويس جدا وبايمانيات عالية كمان، ولكن تقع بعدها في أي معصية
كل بني آدم خطاء.. كلنا بشر وبنغلط.. مفيش حد معصوم من الغلط....كل الناس بتغلط

ومش معنى الكلام إني بهوّن الموضوع أو بقولك إعمل اللي إنت عايزه، لأ طبعاً، المقصد هو إنك مش المطلوب منك إنك متغلطش، المطلوب إنك تجاهد نفسك على قد ما تقدر، ولو وقعت في أي وقت تقبل الواقع وتقوم بسرعة وتكمل طريقك ..

✅ إيااااااااك واليأس

إياك والإحباط .. إياك والقنوط .. إياااااك
تقول مفيش فايدة !! إياااااااك تقول أنا مش نافع !! إياااااااااااااك تقول تعبت وكرهت نفسى وكرهت حياتى !!
اليأس ده أكبر جريمة وأبشع ذنب ممكن تعمله في حياتك !!
فإوعى تيأس حتى لو وقعت في جميع الكبائر.. ارجع وتوب وربك هيقبلك مهما عملت .. وافضل كده لحد آخر نفس في عمرك.. لحد ما تلقى الله وإنت بتجاهد نفسك وبتتوب.. اغلط وتوب.. واغلط وتوب .. واغلط وتوب مليون مرّة .. وافضل كده طول عمرك تتوب وتندم وتستغفر
بس المهم إنك لا تتمادى في أي ذنب وتتوب بسرعة أول ما تقع فيه

✅ خليها لازمة على لسانك " اللهم طهرني" ، اللهم "قني شرَّ نفسي وألهمني رشدي" ، وصدقني هييجي الوقت وربنا هيتقبل منك..

يتبع غدًا بإذن الله
#رمضان_آخر_روقان

​​​​​​​​​​​​​​​​​​​​​​​​​​​​​​​​​

1⃣9⃣

رمضان آخر روقان 🎆🌜

تابع توصيات عملية 🍃

٢_قراءة قرآن .. بروقان..

رمضان هو شهر القرآن، وكتيييييير مننا لما بيسمع إن فيه ناس بتختم القرآن أكتر من مرة في رمضان، بيبقى عايز يعمل زيهم وأكتر منهم كمان

ولكن للأسف حرصه على الختم بيخليه يقرأ بسرعة، وياكل الحروف، ويضيّع التجويد، ويعطل العقل عن إنه يفهم، والقلب عن إنه يتدبر ولو آية واحدة !! لأن كل همه وقتها بيبقى نهاية الصفحة أو نهاية السورة !!

تسمعه وهو بيقرأ وكأنه في سبق و حد بيجري وراه !!!

يا أخي ده إنت لو بتقرأ خبر في جريدة هتركّز فيه وتقرأه باهتمام وتمعن أكثر من قراءتك للقرآن بالطريقة دي !

لو بتقرأ مذكرات الدراسة مش هتقراها بالشكل ده !!!

يا شباب .. لازم نعرف إن ختم القرآن مش مطلوب لذاته !! يعني مش هو الهدف !!

مش مطلوب إني أقعد ساعة واتنين وتلاتة كل اللي بعمله إني بقلب في صفحات ورق ورا بعض، وبعدين أقفل المصحف وأقول الحمد لله ختمت القرآن !!

✅ الهدف يا حبيب قلبي هو إنك تقرأ بتركيز وخشوع، وتحاول تفهم وتتدبر، وتعمل باللي فهمته، وبالتالي يأثر فيك القرآن ويغير
حياتك للأفضل طبعاً
كما قال تعالى :
{كتَابٌ أَنزَلْنَاهُ إِلَيْكَ مُبَارَكٌ لِيَدِّبِّرُوا آيَاتِهِ وَلِيَتَذَكَّرَ أُولُو الْأَلْبَابِ}

✅ يعني إنك تقرأ آية واحدة بتدبر وتأمل وفهم وتعمل بها أفضل من إنك تختم القرآن كله من غير ما تكون فاهم ولا واعي أي شئ من اللي بتقرأه !!
ولذلك كان بعض الصالحين يقول :
[ آية لا أتفهمها ولا يكون قلبي فيها، لا أعد لها ثوابا !]
✍ قال الإمام ابن القيم رحمة الله في مفتاح دار السعادة :
[ لو علم الناس ما في قراءة القرآن بالتدبر، لاشتغلوا بها عن كل ما سواها ؛ فقراءة آية بتفكر خير من ختمة بغير تدبر وتفهم، وأنفع
للقلب، وأدعى إلى حصول الإيمان وتذوق حلاوة القرآن ]
فمتخليش تفكيرك وهمّك كله في عدد الختمات، مش مهم هتختم كام مرة

🟢 المهم هو قلبك هيدخل فيه كام آية من القرآن ويتعلق بيها ؟؟؟

🟢 المهم هو هتقرّب من ربنا قد إيه بسب القرآن ؟؟؟

🟢 المهم هو حياتك كام حاجة هتتغير فيها بسبب القرآن ؟؟
عايزين نخرج من رمضان متعلقين بكل سورة من القرآن

فلو قولتلك انطباعك عن السورة ديه إيه؟، يكون في قلبك مشاعر ومعاني ناحيتها يكون فيه بصمات سابتها السورة على قلبك
يكون فيه آيات منها أصبحت شعارات تعيش بها حياتك



يتبع غدا بإذن الله
#رمضان_آخر_روقان
#صدقة_جارية

محاضرة بعنوان

يومك_في_رمضان❤️

2⃣0⃣

رمضان آخر روقان 🎆🌜

تابع قراءة قرآن .. بروقان..


✅ عايزك تقف مع آيات القرآن.. تفهم وتخرج بتوصيات، وبعدها تطبق عملي في حياتك .. يعني تخلي القرآن هو خُلقك وفعلك

❎ مش تقرأ {وبالوالدين إحسانًا} ، وتطلع تقول لأمك وأبوك إنتو دقة قديمة ومش بتفهموا حاجة ..!!

❎ مش تقرأ ﴿وَعَاشِرُوهُنَّ بِالْمَعْرُوفِ} ، وبعدها تطلع تزعق لزوجتك وتهملها وتعاملها أسوأ معاملة ..!!

❎ مش تقرأ {فامشوا فِي مَنَاكِبِهَا وَكُلُوا مِن رِزْقه}، وبعدها تخرج تجري على الدنيا جري الوحوش وتتكالب عليها

❎ مش تقرأ {إِنْ مَعَ الْعُسْرِ يُسْرًا ﴾، وانت لسه قاعد حزين ومهموم وشايل مشاكل الدنيا كلها فوق كتافك !!

❎ مش تقرأ ﴿ هُوَ عَلَيَّ هَيِّنٌ }، وترجع تقول ده مرضي صعب وملهوش علاج !! أنا فقير ومستحيل هقدر أتجوز !!

❎ مش تقرأ {قل اللهُ يُنجِيكُم مِّنْهَا وَمِن كُلِّ كَرَّب}، وتسئ الظن بالله في كل أزمة تقع فيها وتقول أنا ضعت خلاص !!

فين بقى أثر القرآن في حياتك ؟؟
فين كل الختمات اللي قرأتها ؟؟!

انسی بقى كل اللي فات
وإبدأ حياة جديدة تماماً مع القرآن ..

وهنقسم النصائح في موضوع القرآن إلى ٤ عناصر :

• أولاً : القراءة

⭐️ لو عرفت تخلي القرآن هو رقم واحد في أولوياتك في رمضان قبل أي شئ تاني فافعل .. خليه شغلك الشاغل أطول وقت ممكن في الشهر ده.. خليه صاحبك ورفيقك في كل زمان ومكان .. أكثر حاجة تركز
عليها طول رمضان هي القرآن ..

⭐️ خصص وقت مناسب للقراءة ، وليكن مثلاً بعد كل صلاة .. المهم تحاول إنه وقت يكون ذهنك فيه صافي ومهيئ نفسياً زي ما اتفقنا
وأي حد بيزهق بسرعة، ممكن يوزع الكمية اللي هيقراها على أوقات الصلوات الخمس لو خصص (١٥) دقيقة بعد كل صلاة ..هيكون قرأ على آخر اليوم ٧٥ دقيقة، وده وقت كويس جداً للمشغولين .

⭐️ جدد وضؤك لو تقدر قبل ما تبدأ قراءة، واستخدم السواك، وحاول تستقبل القبلة ، وابدأ بالاستعاذة ثم البسملة، واستحضر في نيتك فضل وثواب قراءة القرآن .

يتبع غدا بإذن الله
#رمضان_آخر_روقان
#صدقه جارية

2⃣1⃣
رمضان آخر روقان 🎆🌜
تابع قراءة قرآن .. بروقان..

⭐️ حرك لسانك أثناء القراءة، لأن قراءة العين لا تجزئ، وخلّي صوتك وسط، لا عالي أوي فتتعب وتشوش على اللي حواليك، ولا
منخفض أوي فتمل وتنام، وكذلك سرعتك وسط، لا سريعة أوي ولا بطيئة أوي .

⭐️ للقرآن هيبة ووقار، فاستحضر في قلبك إن ده كلام الله، يعني ربنا الملك الجليل بيكلمك وبيخاطبك إنت، هل هتسمع لكلامه بقلبك ؟؟ ولا هتغفل وتسرح وتفكر في غيره؟؟

⭐️ ومن تعظيم القرآن في قلبك إنك إذا بدأت قراءة متحاولش تلتفت لأي حد، ماتقطعش قراءتك بالكلام مع فلان وفلان .. ولو حد عايز يكلمك، شارور له بإيدك واعتذر له
ومن عدم احترامك لكلام ربك إنك تقرأ آيتين وبعدين تبص على الفيس والتويتر و... وبعدين ترجع تقرأ آيتين، وبعدها تمسك الموبايل وهكذا
عظم کلام ربك اللي بتقرأه علشان تلاقي له تأثير في قلبك

⭐️ ياريت لو تشتري مصحف جيب صغير يكون معاك في شنطتك على طول، لأن عن تجربة ناس كتير، إحساسك وإنت ماسك المصحف في إيدك وبتقرأ فيه
غير وإنت ماسك الموبايل وبتقرأ منه خاااااااااااااالص !!
ولو عايز تقرأ من الموبايل ، فاقفل الشبكة والنت زي ما قولنا قبل كده علشان تعرف تركّز ومفيش حاجة تقاطعك

⭐️ لازم تكون واثق وإنت بتقرأ إن القرآن هو طريق التغيير الأكيد وفيه الحل لكل مشاكل حياتك ..جرب تسقط الآيات على حياتك واللى بيحصلك وتشوف فيها الحل لمشاكلك أو لأي شئ متعسر قدامك
لازم تغيّر نظرتك للمصحف على إنه مجرد كتاب بتاخد حسنات لما تقرأه !!! إنسى النظرة دي تمااااما !!

✅ ربنا عزوجل قال عن القرآن {رُوحًا مِنْ أَمْرِنَا} .. فإبدأ اتعامل مع القرآن على إنه هو اللي هيرجع لك روحك هو اللي هيحيي قلبك .... هو اللي هيصلح أمور حياتك كلها

✅ ربنا عزوجل قال عن القرآن إنه {شفاء لما في الصدور}، فابحث وإنت بتقرأ عن السعادة والراحة .. ابحث عن أمراض قلبك اللي تعباك، وهتلاقي دواها وشفاءها في آيات القرآن .

✅ ربنا قال عن القرآن إنه "نور" و "هدى"، فحاول تخلي آياته تنوّر لك قلبك وتهديك وترشدك للطريق الصح في حياتك..

📝 جرب كده وإنت بتقرأ القرآن يكون جنبك ورقة وقلم وكل خاطرة تجيلك أو حاجة تفهمها من الآيات تسجلها..دي من أهم النقط اللي هتحببنا في القرآن وتحسّن علاقتنا به..
اقرأ الآية ، وأقف شوية عندها تشوفها بتتكلم عن إيه ؟؟ وحاول وطلع الدروس المستفاده منها على قد ما فهمت وحسيت، واطلع من الدروس دي بواجبات عملية وحاول تطبقها في حياتك

🟢 جرب تكتب عن إحساسك ناحية الآيات .. الآية دي فرحتك وبشرتك، والآية دي خوّفتك، والآية دي شوّقتك، ودي زوّدت يقينك ودي رجعت لك الأمل .. وهكذا

🤎 جرب كده تعمل الحاجات دي وبإذن الله هتستمتع بكل آية وكل لحظة مع القرآن ..
اعمل كده في كل مرة تقرأ فيها القرآن وشوف النتيجة هتبقى رائعة إزاى
هتدوق حلاوة القرآن بجد وهتعرف ساعتها إن القرآن ميتشبعش منه أبدًا كما قال سيدنا عثمان رضى الله عنه:
[والله لو طهرت قلوبكم ، ما شبعت من كلام ربكم ]

📢وطبعا لازم تصبر على الفهم والتدبُّر .. مفيش حاجة بتيجي من أول مرة بسهولة فاصبر وبإذن الله هتلاقى أثر القرآن في قلبك وفي القرب من ربنا والحياة بمعانى إيمانية جميلة إنت مكنتش حاسس بيها قبل كده

⭐️ حاول تتفاعل مع القرآن ..تتفاعل مع الآيات زي ما حبيبك النبي صلى الله عليه وسلم كان بيتفاعل معاها يعني أثناء القراءة هتعدي عليك آيات رحمة وآيات فضل وآيات نعيم أقف عندها وارفع يديك واسأل ربك إنه يرزقك من فضله
وهتعدي عليك آيات وعيد وعذاب وتخويف أقف عندها واستعيذ بالله من عذابه واسأل ربك النجاة والسلامة

⬅️ لما تمرّ بآية عن الصادقين أو المتقين، تقول "اللهم اجعلني منهم"

- لما تقرأ ( سَبِّح اسْمَ رَبِّكَ الأَعْلَى)، تقول "سبحان ربي الأعلى"

- لما تقرأ (فَبِأَيِّ آلَاءِ رَبِّكُمَا تُكَذِّبَانِ )، تقول "ولا بشيء من نعمك ربنا نكذِّب، فَلَكَ الحمد"

- لما تقرأ (أَلَيْسَ ذَلِكَ بِقَادِرٍ عَلَى أَن يُحْيِيَ الْمَوْتَى)، تقول بَلَى قادر
(أَلَيْسَ اللهُ بِأَحْكَمِ الْحَاكِمِينَ) ، تقول "بلي".. وهكذا.

⬅️ ولو مريت على قصة من قصص السابقين أقف عندها وشوف هما عملوا إيه ؟ شوف إيه العبرة والموعظة منها ؟ وليه ربنا ذكر القصة دي وخلّدها في كتابه ليوم الدين ؟

⬅️ ولما تمرّ على اسم من أسماء الله الحسنى، فاعرف إن ربنا عزوجل بيعرفنا بنفسه .. أقف مع الموضع اللي اتذكر فيه وعيش معناه بقلبك
وشوف الاسم ده ممكن يغير إيه في حياتك
وخليك على يقين تام إن القرآن هو أكتر حاجة ممكن تعرفك بربنا عزوجل .. فتدبر في الآيات اللي بتوصف المولى تبارك وتعالى وعظمته
وقدرته وحكمته ورحمته وكرمه

⭐️ كرّر الآيات اللي تلاقيها لامست قلبك مرة واتنين وعشرة..كرر الآيات اللي بتأثر فيك لحد ما قلبك يلين، ويا سلام لو عصرت عينيك
علشان تبكي وتخشع لكلام الله اللي لو نزل على جبل هيخشع ويتشقق من خشية الله !

#رمضان_آخر_روقان
صدقة_جارية

🪞🤍..


‏من أراد أن يظفر بالسبق لأبواب الجنة ويخفّ عليه البذل يوم اجتماع الغنائم في رمضان ، فليروّض نفسه من قبل، ويأخذها بحزم فالنفس علىٰ ما اعتادت عليه.

📚 قال ابن رجب في نور الإقتباس:

"و أعلم أن نفسك بمنزلة دابتك، إن عرفت منك الجد جدت، وإن عرفت منك الكسل طمعت فيك، وطلبت منك حظوظها وشهواتها.

.

أعاده الله علينا وعليكم بالخير والمسرات
‏.
هل هلالك يا رمضان ونوَّر دارنا وداركم عساكم من عواده.
اللهم أهله علينا بالأمن والإيمان والسلامة والإسلام والعون على الصلاة والصيام وتلاوة القرآن،
اللهم سلمنا لرمضان وسلمه لنا وتسلمه منا متقبلاً يا رب

مبارك عليكم الشهر🌙🌙

{تِلۡكَ ءَايَٰتُ ٱلۡكِتَٰبِ ٱلۡمُبِينِ * نَتۡلُواْ عَلَيۡكَ مِن نَّبَإِ مُوسَىٰ وَفِرۡعَوۡنَ بِٱلۡحَقِّ لِقَوۡمٖ يُؤۡمِنُونَ * إِنَّ فِرۡعَوۡنَ عَلَا فِي ٱلۡأَرۡضِ وَجَعَلَ أَهۡلَهَا شِيَعٗا يَسۡتَضۡعِفُ طَآئِفَةٗ مِّنۡهُمۡ يُذَبِّحُ أَبۡنَآءَهُمۡ وَيَسۡتَحۡيِۦ نِسَآءَهُمۡۚ إِنَّهُۥ كَانَ مِنَ ٱلۡمُفۡسِدِينَ * وَنُرِيدُ أَن نَّمُنَّ عَلَى ٱلَّذِينَ ٱسۡتُضۡعِفُواْ فِي ٱلۡأَرۡضِ وَنَجۡعَلَهُمۡ أَئِمَّةٗ وَنَجۡعَلَهُمُ ٱلۡوَٰرِثِينَ}

في قصص القرآن هناك القصة والدلالة، يعرفها ويتلقاها المؤمنون؛ فيزدادون إيمانًا..
ويجحدها الكافرون؛ فيزدادون كفرًا وطغيانًا...

وهكذا دائما تبدأ حكايات القرآن..
بصراع بين النور والظلام، نور الحق وظلام الكفر والطغيان..

وفي حكاية نبي الله موسى عليه السلام
كان فرعون هو الطاغية، وكان بنو إسرائيل هم المستضعفين، وأراد الله سبحانه أن يتفضل عليهم بأن يُزيل عنهم أسباب الاستضعاف، ويُهلِك من قاومهم، ويجعلهم أئمة في الدين..

ولكن لكي يتحقق ذلك فلابد من تمكين في الأرض، وقدرة تامة..

وللحكاية بقية..

انتظرونا مع تكملة القصة #قصة_موسى

-🧡🌙📿



#همســـة_رمضانيـــة:🌙📚


‏أوهَنُ الناسِ عزيمةً من هُيِّئ له طريقُ النجاة ؛فظلَّ مُتقاعِسًا كما هو!

قال ﷺ: "إذا جاء رمضان، فُتِّحت
أبواب الجنة، وغُلِّقت أبواب النار،
وصُفِّدتِ الشياطين". (صحيح مسلم)

فلم يبقَ إلا نفسُك تأُزُّك!
فاستعن بالله ولا تعجز،
وإنك لن تَستدِرَّ معونةَ الله
بمثل قولك: لا حول ولا قوة إلا بالله.


#مـزن_لـ_فؤادك:🫀💦


‏شهرُ رمضان فرصةٌ نادرةٌ، وغنيمةٌ باردةٌ، ينبغي أَن يَعْمَلَ الصائمُ فيه عَمَلَ من يظنُّ أَنه لن يبلغهُ مرةً أُخرىٰ؛ لذا لا يصح أَن يكون أَخسر الناس صفقة فيه، فيُقصر في الإِحسان، ويُضيِع أَيام الغُفران، فهذا هو الغبنُ بِعينه الذي ليس لِكسره جبران، إِلا التوبة واِغْتنام شرف الزمان.

أروا الله من أنفسكم خيرًا، واستغلوا ساعات شهركم، وأيامه ولياليه، بفعل ما يرضيه عنكم.


🌿📿

{وَأَوۡحَيۡنَآ إِلَىٰٓ أُمِّ مُوسَىٰٓ أَنۡ أَرۡضِعِيهِۖ فَإِذَا خِفۡتِ عَلَيۡهِ فَأَلۡقِيهِ فِي ٱلۡيَمِّ وَلَا تَخَافِي وَلَا تَحۡزَنِيٓۖ إِنَّا رَآدُّوهُ إِلَيۡكِ وَجَاعِلُوهُ مِنَ ٱلۡمُرۡسَلِينَ * فَٱلۡتَقَطَهُۥٓ ءَالُ فِرۡعَوۡنَ لِيَكُونَ لَهُمۡ عَدُوّٗا وَحَزَنًاۗ إِنَّ فِرۡعَوۡنَ وَهَٰمَٰنَ وَجُنُودَهُمَا كَانُواْ خَٰطِـِٔينَ * وَقَالَتِ ٱمۡرَأَتُ فِرۡعَوۡنَ قُرَّتُ عَيۡنٖ لِّي وَلَكَۖ لَا تَقۡتُلُوهُ عَسَىٰٓ أَن يَنفَعَنَآ أَوۡ نَتَّخِذَهُۥ وَلَدٗا وَهُمۡ لَا يَشۡعُرُونَ}

 إن من دلائل رفق الله سبحانه وتعالى ورحمته هي رحمته بقلب أم موسى، طمئن قلبها وأسكن روعها وجعل ابنها من المرسلين..
فيا أم موسى لا تخافي من فراقه، ولا تجزعي من فقده؛ فالله رادّه إليك، وسيكون سيدا في قومه.

وكان في تربيته بقصر فرعون عظيم الفائدة والمصالح لبني إسرائيل؛ فقد منع كثير من التعديات عليهم قبل رسالته، وصار من كِبار المملكة!

ولله في أقداره شئون وحكم لا يعلمها إلا هو، ولا يمنع حذر من قدر.

وللقصة بقية..

 #قصة_موسى
د محمد الغليظ

🌙

⏰ كيف تنظم وقتك في رمضان !!؟

اسعد الله مسائكم
اذكار المساء تزوادو بها

ممكن السنة دي تستمتع بمعنى " احتسابًا " ؟!

يعني نزولك كل يوم الشغل في رمضان علشان تكسب بالحلال ممكن جواك تقول ( احتسبتها ) بدل ما تقول ( شغل و صيام و بهدلة ) ؟

.
يعني وقفتك في المطبخ و انتي صايمة قولي جواكِ ( احتسبتها ) بدل ( واقفة اتعب في المطبخ و انا صايمة) ؟
.

ممكن لمّا حد يعصّبك أو يضايقك و تكتم غيظك علشان انت في رمضان تقول جواك ( احتسبتها ) بدل ( والله لولا اننا في رمضان كان زماني عملت و عملت ؟ ) .

.

ممكن لمّا يظهرلك حد محتاج لك في رمضان سواء محتاجك نفسيًا أو محتاج منك مساعدة في امر تقول جواك ( احتسبتها ) بدل ( هو انا ناقص ؟ ) .

.

ممكن لمّا تجوع أو تعطش في رمضان تقول جواك ( احتسبتها ) بدل ( امتى المغرب يأذن ؟ ) .

احتسابًا : يعني ليك يارب احسبها لي عندك .

رمضان شهر ( ترك ) و شهر ( صبر ) .. أنت محتاج معنى ما تعيش معاه علشان كل موقف ( ترك و صبر ) يزيد ايمانك أكتر و تعلقك بربك أكتر، مش مجرد اعمال بعملها مضطر، و المعنى ده هو ( احتساباً ) .