Audio
•|🎧
من سجدَ وجد،
ومن ألحّ على الله أُجيب،
ومن اتقى أُعطي، ومن صبرَ جُبر.
▫️ ولا يخذلُ ربك أحدًا▫️
💌 «كَمّـــل للنهايــة»
🎙 الدكتــور || حازم شومان.
⬅️ https://www.tgoop.com/AlMobadratt
#فاستبقوا_الخيرات
#مبادرة_وتزودوا
#المبادرات_التربوية
من سجدَ وجد،
ومن ألحّ على الله أُجيب،
ومن اتقى أُعطي، ومن صبرَ جُبر.
#فاستبقوا_الخيرات
#مبادرة_وتزودوا
#المبادرات_التربوية
Please open Telegram to view this post
VIEW IN TELEGRAM
👍1
📝من أخطاء المصلّين يوم الجمعة👇🏻👇🏻
الحمد لله وحده، وبعد:
فإنّ يوم الجمعة يوم عظيم، فهو عيد الأسبوع، وفيه صلاة الجمعة، وفي هذا اليوم الجامع يرتكب بعض الناس أخطاءً، رأيت أن أنبّه عليها في هذه العجالة، فمنها..👇🏻
🟢 1- تهاون كثير من الناس بهذا اليوم، مع ما فيه من الفضائل، كساعة الإجابة، وقراءة سورة الكهف، وغير ذلك، ومن مظاهر التهاون:👇🏻
🟢2- الخروج إلى النزهة قبل الصلاة، وتضييع الجمعة، وهذا محرّم إلا أن يكون في مكان النزهة جامع يُصلّى فيه.
🟠 3- التأخّر عن الحضور للصلاة، وسماع الخطبة، التي هي من أهمّ مقاصد هذا اليوم العظيم. فبعض الناس لا يحضر إلا أثناء الخطبة، وبعضهم يحضر بعد الفراغ منها، وتعمّد ذلك قد يبطل أجر الجمعة.
🟠4- ترك التطيب والتزيّن والاغتسال واللباس الحسن في هذا اليوم، فبعض الناس يحضر إلى الجمعة بلباس رثّ، أو بملابس غير لائقة، وبرائحة كريهة، فيؤذي غيره من المصلّين..
🟠 5- الانشغال قبل الصلاة بالبيع والشراء والتسوّق عند أبواب المسجد، وربّما استمرّ البيع بعد نداء الجمعة الثاني، وهذا محرّم بنصّ القرآن.
🟠6- إيقاف السيّارة في المكان الخطأ، كالوقوف المزدوج، وفي الطرق السريعة، وأمام بوابات مداخل سيارات البيوت المجاورة للمسجد، أو سدّ الطرق.. وقد يتسبّب ذلك في تعطيل مريض أو وفاته.
🟠 7- إحضار الأطفال دون السابعة.
🟠8- حجز الأماكن في المسجد.
🟠9- الجلوس في الخلف لمن جاء مبكّرًا مع وجود مكان في الأمام، إلا لعذر.
🟠10- ترك تحيّة المسجد عند الدخول أثناء الخطبة.
🟠11- تأخير تحيّة المسجد لمن دخل أثناء الآذان لإجابة المؤذّن، والصواب المبادرة بأداء التحيّة أثناء الآذان، لأنّ إجابة المؤذّن سنّة، والإنصات إلى الخطبة واجب، والواجب مقدّم على السنّة.
🟠12- تخطّي رقاب المصلّين لمن جاء متأخّرًا إلا أن يجد فرجة في الأمام.
🟠13- رفع الصوت بقراءة القرآن قبل الخطبة، ممّا يسبّب إزعاجًا للآخرين.
🟠14- التحدّث أثناء الخطبة أو الانشغال بالجوالات ونحوها، ويكثر ذلك من المراهقين وبعض الجهلة، لا سيّما في مؤخّرة المسجد.
🟠15- الهجوم على الصفوف الأولى عند إقامة الصلاة، والتضييق على المصلين المتقدّمين، إلا إذا وُجد مكان.
🟠16- الصلاة خارج المسجد مع وجود فراغ في الداخل، والواجب اتصال الصفوف.
🟠17- الصلاة بين السواري (الأعمدة)، إلا أن يكون الزحام شديدًا جدًا.
🟠18- التنفّل ركعتين بين الخطبتين لمن جاء مبكرًا، وهذه بدعة محدثة.
🟠19- رفع الأيدي عند دعاء الخطيب، إلا إذا استسقى ورفع يديه فترفع الأيدي اقتداءً به.
🟠20- إتمام ركعتين لمن فاته الركوع الثاني من الجمعة، والواجب أن يتمّ أربعًا ظهرًا، لأنّ الجمعة تفوت بفوات الركوع الثاني منها.
🟠21- سرعة الخروج من المسجد بعد الصلاة وما يتبع ذلك من تضييع الأذكار البعدية والسنّة الراتبة، والتزاحم الشديد عند الأبواب.
🟠22- جمع صلاة العصر إلى الجمعة للمسافر، وقد نصّ علماؤنا على منع ذلك، إلا إذا صلاها ظهرًا فلا بأس أن يجمع إليها العصر، كسائر الأيام.
🌷 أسأل الله عز وجل أن يوفّق الجميع لما يحبّ ويرضى، وصلّى الله على نبيّنا محمّد وعلى آله وصحبه وسلّم تسليمًا كثيرًا.
الحمد لله وحده، وبعد:
فإنّ يوم الجمعة يوم عظيم، فهو عيد الأسبوع، وفيه صلاة الجمعة، وفي هذا اليوم الجامع يرتكب بعض الناس أخطاءً، رأيت أن أنبّه عليها في هذه العجالة، فمنها..👇🏻
🟢 1- تهاون كثير من الناس بهذا اليوم، مع ما فيه من الفضائل، كساعة الإجابة، وقراءة سورة الكهف، وغير ذلك، ومن مظاهر التهاون:👇🏻
🟢2- الخروج إلى النزهة قبل الصلاة، وتضييع الجمعة، وهذا محرّم إلا أن يكون في مكان النزهة جامع يُصلّى فيه.
🟠 3- التأخّر عن الحضور للصلاة، وسماع الخطبة، التي هي من أهمّ مقاصد هذا اليوم العظيم. فبعض الناس لا يحضر إلا أثناء الخطبة، وبعضهم يحضر بعد الفراغ منها، وتعمّد ذلك قد يبطل أجر الجمعة.
🟠4- ترك التطيب والتزيّن والاغتسال واللباس الحسن في هذا اليوم، فبعض الناس يحضر إلى الجمعة بلباس رثّ، أو بملابس غير لائقة، وبرائحة كريهة، فيؤذي غيره من المصلّين..
🟠 5- الانشغال قبل الصلاة بالبيع والشراء والتسوّق عند أبواب المسجد، وربّما استمرّ البيع بعد نداء الجمعة الثاني، وهذا محرّم بنصّ القرآن.
🟠6- إيقاف السيّارة في المكان الخطأ، كالوقوف المزدوج، وفي الطرق السريعة، وأمام بوابات مداخل سيارات البيوت المجاورة للمسجد، أو سدّ الطرق.. وقد يتسبّب ذلك في تعطيل مريض أو وفاته.
🟠 7- إحضار الأطفال دون السابعة.
🟠8- حجز الأماكن في المسجد.
🟠9- الجلوس في الخلف لمن جاء مبكّرًا مع وجود مكان في الأمام، إلا لعذر.
🟠10- ترك تحيّة المسجد عند الدخول أثناء الخطبة.
🟠11- تأخير تحيّة المسجد لمن دخل أثناء الآذان لإجابة المؤذّن، والصواب المبادرة بأداء التحيّة أثناء الآذان، لأنّ إجابة المؤذّن سنّة، والإنصات إلى الخطبة واجب، والواجب مقدّم على السنّة.
🟠12- تخطّي رقاب المصلّين لمن جاء متأخّرًا إلا أن يجد فرجة في الأمام.
🟠13- رفع الصوت بقراءة القرآن قبل الخطبة، ممّا يسبّب إزعاجًا للآخرين.
🟠14- التحدّث أثناء الخطبة أو الانشغال بالجوالات ونحوها، ويكثر ذلك من المراهقين وبعض الجهلة، لا سيّما في مؤخّرة المسجد.
🟠15- الهجوم على الصفوف الأولى عند إقامة الصلاة، والتضييق على المصلين المتقدّمين، إلا إذا وُجد مكان.
🟠16- الصلاة خارج المسجد مع وجود فراغ في الداخل، والواجب اتصال الصفوف.
🟠17- الصلاة بين السواري (الأعمدة)، إلا أن يكون الزحام شديدًا جدًا.
🟠18- التنفّل ركعتين بين الخطبتين لمن جاء مبكرًا، وهذه بدعة محدثة.
🟠19- رفع الأيدي عند دعاء الخطيب، إلا إذا استسقى ورفع يديه فترفع الأيدي اقتداءً به.
🟠20- إتمام ركعتين لمن فاته الركوع الثاني من الجمعة، والواجب أن يتمّ أربعًا ظهرًا، لأنّ الجمعة تفوت بفوات الركوع الثاني منها.
🟠21- سرعة الخروج من المسجد بعد الصلاة وما يتبع ذلك من تضييع الأذكار البعدية والسنّة الراتبة، والتزاحم الشديد عند الأبواب.
🟠22- جمع صلاة العصر إلى الجمعة للمسافر، وقد نصّ علماؤنا على منع ذلك، إلا إذا صلاها ظهرًا فلا بأس أن يجمع إليها العصر، كسائر الأيام.
🌷 أسأل الله عز وجل أن يوفّق الجميع لما يحبّ ويرضى، وصلّى الله على نبيّنا محمّد وعلى آله وصحبه وسلّم تسليمًا كثيرًا.
❤5👍4
وَكَفَىٰ بِاللَّهِ وَكِيلًا 💜
9⃣ رمضان آخر روقان 🎆🌜 📝 تابع خطوات مهمة 9⃣ إبدأ بأي خطوة يعني ساعات بيكون وراك شغل أو عندك حاجة عايز تعملها سواء عبادة أو أي حاجة تانية في حياتك وبيكون عندك الوقت والجهد والمقدرة إنك تنفذها، ومع ذلك تبص تلاقي نفسك ملكش نفس ومش قادر وحاسس بكسل رهيييييب…
1⃣0⃣
رمضان آخر روقان 🎆🌜
📝تابع خطوات مهمة
1⃣1⃣ظبط نومك !
السرير الجميل🛏 ، عارفه ؟؟
هتقول: عارفه وحافظه كمان! هو أنا أعرف حد في الدنيا معرفة شخصية تفصيلية أكتر منه ، ده صديقي الصدوق!! ده اللي بينه وبينه قصة حب تتكتب في التاريخ
📢هقولك:
اوعى تحاول تعبد ربنا وإنت قاعد على السرير
أو وإنت جنب السرير أو في أي مكان في ربع سرير حتى!!
ليه بقى؟؟ لأن طبعاً زي ما كلنا عارفين ومجربين إن السرير له قوة جذب مغناطيسية🧲 لا تقاوم !!
فهتلاقي نفسك أوتوماتيكياً قعدت تريح، وكلها عشر دقايق بالكتير أوي وهتلاقي نفسك في العالم الآخر !!!
فمتجيش بعد الفطار تقول همدد بس دقيقتين على السرير، أفرد رجلي علشان أعرف أصلي التراويح، هتلاقيك بعد الدقيقتين صاحي على أذان الفجر !!! أما بقى اللي بيقول أنا هذاكر على السرير فده أكيد عايز يذاكر كتاب
"تفسير الرؤى والأحلام" ‼️
✅ولو النوم كبس عليك جامد في أي وقت وإنت مثلا قاعد بعد الفجر في جلسة الشروق أو وإنت بتذاكر أو وإنت بتقرأ قرآن، قوم اتوضا أو اغسل وشك بشوية ميه باردة كل فترة ، هتلاقي نفسك فوقت وصحصحت بفضل الله ..
✅لو كنت قاعد قوم اتمشى شوية وكذلك حاول تغيّر وضعك أو غيّر مكانك وانتقل لمكان تاني اقعد فيه .. وهكذا..
وعايزك تتيقن إنك لو سبت نفسك للنوم، هتلاقي نفسك نايم مش بس طول شهر رمضان، بل طول العمر ‼️
وده لأن النوم سلطان السلاطين، والبني آدم فينا بيموت في الكسل والأنتخة !!!! وبيعجبني أوي الفيلسوف اللي قال :
ما أجمل أن ترتاح بعد أن لا تفعل شيئاً‼️
فأي حد بينام كتييييير، لازم يظبط مواعيد نومه، ويقلل عدد ساعات نومه تدريجياً لحد ما يوصل للمطلوب، اللي هو من 6 الى 8
ساعات بحد أقصى .
- وطبعاً حد هيعترض ويقول : ٨ ساعات دول يعملوا إيه ؟؟! ده أنا بنام ١٢ ساعة ومش بيكفوني !!
- هقولك : ده لأن جسمك اتعود على كده، إنما لو عودته على النوم 6 ساعات هياخد على كده وأقل من كده كمان !
ولما تبقى عايز تشد في النوم ، افتكر الحكمة اللي بتقول :
[ أقلل من نومك ، فإن من ورائك نومة صبحها يوم القيامة ]
ومش معنى كده إني بقولك ماتنمش أو نام 3 ساعات كفاية بالعكس، لو جسمك ما أخدش كفايته من النوم مستحيل هتعرف تركز
في عبادتك أو تخشع فيها، وهتلاقي نفسك عمال تتاوب ومش قادر تفوق خالص !
والنبي صلى الله عليه وسلم هو اللي قال : ( إذا قام أحدكم من الليل، فاستعجم القرآن على لسانه فلم يدر ما يقول فلينصرف، فليضطجع ) صحيح
وده برده مش معناه سرعة الاستسلام للشعور بالتعب والإجهاد، ولكن لابد من إعطاء الجسم حقه من الراحة علشان يقدر يقوم بالعبادة بالشكل الصحيح
🟢 فنظم مواعيد نومك ..وخد الموضوع بجدية .. وإلا هتلاقي الدنيا في رمضان
كلها ملخبطة معاك !
يتبع غدًا بإذن الله
#رمضان_آخر_روقان
#صدقة جارية
رمضان آخر روقان 🎆🌜
📝تابع خطوات مهمة
1⃣1⃣ظبط نومك !
السرير الجميل🛏 ، عارفه ؟؟
هتقول: عارفه وحافظه كمان! هو أنا أعرف حد في الدنيا معرفة شخصية تفصيلية أكتر منه ، ده صديقي الصدوق!! ده اللي بينه وبينه قصة حب تتكتب في التاريخ
📢هقولك:
اوعى تحاول تعبد ربنا وإنت قاعد على السرير
أو وإنت جنب السرير أو في أي مكان في ربع سرير حتى!!
ليه بقى؟؟ لأن طبعاً زي ما كلنا عارفين ومجربين إن السرير له قوة جذب مغناطيسية🧲 لا تقاوم !!
فهتلاقي نفسك أوتوماتيكياً قعدت تريح، وكلها عشر دقايق بالكتير أوي وهتلاقي نفسك في العالم الآخر !!!
فمتجيش بعد الفطار تقول همدد بس دقيقتين على السرير، أفرد رجلي علشان أعرف أصلي التراويح، هتلاقيك بعد الدقيقتين صاحي على أذان الفجر !!! أما بقى اللي بيقول أنا هذاكر على السرير فده أكيد عايز يذاكر كتاب
"تفسير الرؤى والأحلام" ‼️
✅ولو النوم كبس عليك جامد في أي وقت وإنت مثلا قاعد بعد الفجر في جلسة الشروق أو وإنت بتذاكر أو وإنت بتقرأ قرآن، قوم اتوضا أو اغسل وشك بشوية ميه باردة كل فترة ، هتلاقي نفسك فوقت وصحصحت بفضل الله ..
✅لو كنت قاعد قوم اتمشى شوية وكذلك حاول تغيّر وضعك أو غيّر مكانك وانتقل لمكان تاني اقعد فيه .. وهكذا..
وعايزك تتيقن إنك لو سبت نفسك للنوم، هتلاقي نفسك نايم مش بس طول شهر رمضان، بل طول العمر ‼️
وده لأن النوم سلطان السلاطين، والبني آدم فينا بيموت في الكسل والأنتخة !!!! وبيعجبني أوي الفيلسوف اللي قال :
ما أجمل أن ترتاح بعد أن لا تفعل شيئاً‼️
فأي حد بينام كتييييير، لازم يظبط مواعيد نومه، ويقلل عدد ساعات نومه تدريجياً لحد ما يوصل للمطلوب، اللي هو من 6 الى 8
ساعات بحد أقصى .
- وطبعاً حد هيعترض ويقول : ٨ ساعات دول يعملوا إيه ؟؟! ده أنا بنام ١٢ ساعة ومش بيكفوني !!
- هقولك : ده لأن جسمك اتعود على كده، إنما لو عودته على النوم 6 ساعات هياخد على كده وأقل من كده كمان !
ولما تبقى عايز تشد في النوم ، افتكر الحكمة اللي بتقول :
[ أقلل من نومك ، فإن من ورائك نومة صبحها يوم القيامة ]
ومش معنى كده إني بقولك ماتنمش أو نام 3 ساعات كفاية بالعكس، لو جسمك ما أخدش كفايته من النوم مستحيل هتعرف تركز
في عبادتك أو تخشع فيها، وهتلاقي نفسك عمال تتاوب ومش قادر تفوق خالص !
والنبي صلى الله عليه وسلم هو اللي قال : ( إذا قام أحدكم من الليل، فاستعجم القرآن على لسانه فلم يدر ما يقول فلينصرف، فليضطجع ) صحيح
وده برده مش معناه سرعة الاستسلام للشعور بالتعب والإجهاد، ولكن لابد من إعطاء الجسم حقه من الراحة علشان يقدر يقوم بالعبادة بالشكل الصحيح
🟢 فنظم مواعيد نومك ..وخد الموضوع بجدية .. وإلا هتلاقي الدنيا في رمضان
كلها ملخبطة معاك !
يتبع غدًا بإذن الله
#رمضان_آخر_روقان
#صدقة جارية
👍3❤1
أن يأتي رمضان وليس بقلبي رجاء إلا وآتى
ولا حُزن إلا وانتهى والجبر ثم الجبر يا الله 🤲🏻🤎
ولا حُزن إلا وانتهى والجبر ثم الجبر يا الله 🤲🏻🤎
❤2
This media is not supported in your browser
VIEW IN TELEGRAM
||🔎🍃
◇قال الشيخ عبد الرزاق البدر -حفظه الله-:
"والناصح لنفسه يُعد برامجَ الإقبال...
ويحاول أن يستوفيها في رمضان:
•قرآنٌ: هذا برنامج يُعد لنفسه كم ختمة مثلًا مع التدبر.
•قراءة ما تيسر من كتب التفسير.
•التفقه في معاني القرآن.
•ما يفوت صلاة التراويح ولا ليلة، «من قام مع الإمام حتى ينصرف، كتب له قيام ليلة».
⭕ إذا قالت نفسه: "عندي مصالح.. أعمال دنيوية
↤يضع برنامج ثابت للصلاة والقيام مع الإمام حتى ينصرف.
🪧يضع:
↜والجانب الآخر من العمل [أقصـر]
هذا عنوانه وهذا فيه:
◉ أنت في موسم الخيرات، موسم البركات، موسم الطاعات، أقصر أي: امنع نفسك..
فلا ينتهي رمضان إلا وتخرج من هذه المدرسة المباركة بأعلى الدرجات، وأرفع الرتب، وأعلى المنازل، فيفوز بخير الدنيا، وثواب الآخرة".
◇قال الشيخ عبد الرزاق البدر -حفظه الله-:
"والناصح لنفسه يُعد برامجَ الإقبال...
ويحاول أن يستوفيها في رمضان:
•قرآنٌ: هذا برنامج يُعد لنفسه كم ختمة مثلًا مع التدبر.
•قراءة ما تيسر من كتب التفسير.
•التفقه في معاني القرآن.
•ما يفوت صلاة التراويح ولا ليلة، «من قام مع الإمام حتى ينصرف، كتب له قيام ليلة».
⭕ إذا قالت نفسه: "عندي مصالح.. أعمال دنيوية
⇐قل: أمور الدنيا، ما تنتهي وملحوقة،
لكن هذه صلاة مع الإمام حتى ينصرف،
وتكتب بقيام ليلة، هذه تفوت فلا يفوتها
↤يضع برنامج ثابت للصلاة والقيام مع الإمام حتى ينصرف.
🪧يضع:
◎برنامجًا يتعلق بالصدقات.
◎برنامجًا في حضور مجالس علم.
◎برنامجًا في برّ وصلّة وإحسان.
↜والجانب الآخر من العمل [أقصـر]
هذا عنوانه وهذا فيه:
◉مجاهدة للنفس، ومعالجة لها كلما تحركت النفس، وتهيج فيها عمل من الأعمال المنكرة،
أو المحرمة يزُّمها بهذا الزِّمام [أقصر]
◉ أنت في موسم الخيرات، موسم البركات، موسم الطاعات، أقصر أي: امنع نفسك..
فلا ينتهي رمضان إلا وتخرج من هذه المدرسة المباركة بأعلى الدرجات، وأرفع الرتب، وأعلى المنازل، فيفوز بخير الدنيا، وثواب الآخرة".
👍4❤2
أقف على أعتاب رمضان، أحمل في قلبي أملًا جديدًا، وأقول لنفسي: لا تيأسي، فقد وهبك الله ثلاثين فرصة!
ثلاثون يومًا لتجديد العهد مع الله،
ثلاثون ليلةً تُرفع فيها الحاجات إلى السماء،
ثلاثون صلاة تراويح تمسح بها أوجاع القلب،
وثلاثون بابًا من الرحمة مفتوحًا أمامك، فلا تتأخري!
اللهم بلّغنا رمضان، وأعنّا فيه على ذكرك وشكرك وحسن عبادتك، وتقبّل منا صالح الأعمال، واغفر لنا ما كان من زلل..
اللهم_بلغنا_رمضان
رسايل
ثلاثون يومًا لتجديد العهد مع الله،
ثلاثون ليلةً تُرفع فيها الحاجات إلى السماء،
ثلاثون صلاة تراويح تمسح بها أوجاع القلب،
وثلاثون بابًا من الرحمة مفتوحًا أمامك، فلا تتأخري!
اللهم بلّغنا رمضان، وأعنّا فيه على ذكرك وشكرك وحسن عبادتك، وتقبّل منا صالح الأعمال، واغفر لنا ما كان من زلل..
اللهم_بلغنا_رمضان
رسايل
👍2😢2💯1
1⃣1⃣
رمضان آخر روقان 🎆🌜
📝تابع خطوات مهمة
2⃣1⃣ موبايلك📱 مفسد العبادات !
إحنا في عصر التكنولوجيا المهولة، وتقريباً مفيش حد دلوقتي مش معاه موبايل Smart Phone
الموبايل الذكي ده ممكن يكون من أكبر نعم ربنا عليك في رمضان، وفي حياتك كلها ..
طبعاً تقدر تحمّل عليه القران بسهولة جداً وفي أي وقت تقدر تقرأ وكمان عندك برامج للتفسير و برامج الأذكار والأدعية وتطبيقات اسلامية كتير جداً
ده غير إنك ممكن تستخدم النت في معرفة التفسير أو قراءة في الفقه أو أي كتب دينية مفيدة أو الجروبات والصفحات الهادفة على
مواقع التواصل بأنواعها
وعندك كمان الموبايل نفسه ممكن تحمّل عليه كتب أو دروس أو قرآن وتسمع وإنت في المواصلات أو في الشغل وتستغل كل لحظة و كل وقت انتظار في أي مكان
وعلى النقيض تماماً .. ممكن يكون الموبايل ده أكبر نقمة في حياتك وسبب شقاءك وضياعك في الدنيا والآخرة..وده عن طريق استخدامه في معصية الله، وكلنا عارفين البلاوي السودا اللي ممكن يوصلها الإنسان عن طريقه ..!
اللي عايز أقوله إن في رمضان بالذات ، ممكن يكون الموبايل سبب ضياع رمضان منك ، لأنه :
🔸 أولاً : حرامي وقت مفيش زيه !! بيسحب وقتك ببراعة، ويقدر يسرق منك عمرك كله وانت ولا حاسس بأي حاجة !!
فاحترس وحاذر من النت ومواقع التواصل فيس-تويتر-واتس واليوتيوب لأنك لو فتحت تبص ٥ دقايق بس، هيضيعوا اليوم كله زي ما إنت مجرب 100 مرة قبل كده ...
فحاول على قد ما تقدر تحدّ منهم وتخصص لهم وقت معين في اليوم، وبعدها سلام عليكم ومتفتحش نت تاني.
🔸 ثانياً : بيفسد عليك عباداتك كلها، وبيضيع روحها وأهم ما فيها : اللي هو الخشوع والتركيز !
🔴 يعني تبقى قاعد تقرا قرآن .. وهوب نوتيفيكيشن !! تقوم سايب القرآن وتروح تشوف إيه اللي حصل ؟!
🔴 تبقى قاعد تدعي ربنا .. وهوب صوت رسالة !! تقوم مخلص دعاء وتقوم تشوف فيها إيه ؟؟؟
🔴 تبقى بتصلي وعامله فيبريشن في جيبك وعمال يرن ! وإنت خرجت عن الصلاة خالص وعمّال تفكر ياترى مين اللي بيرن؟!
🔴 تبقى قاعد في الاعتكاف وعايز تعبد ربنا ..شوية وتلاقيك فتحت نت في المسجد وقضيت الاعتكاف على الفيس !
ف إما تقفل التليفون خالص وإنت بتعمل أي عبادة أو تعمله صامت وتقفل النت، أو تسيبه بره الأوضة وتبعد عنه خالص !
واللي هيقول : أنا بستنى مكالمات مهمة جداً ؟؟!!
هقوله: اعمل مكالماتك الأول وبعدين سيب الموبايل وروح أعبد ربنا، لأن طول ما الموبايل جنبك مش هتعرف تخشع أو تركز في أي عبادة !
مستحيل هتعرف تركّز في أي عبادة إلا لو انفصلت ذهنياً وبدنياً عن الموبايل ...
الكلام ده من واقع وتجربة سنين !!
يتبع غداً بإذن الله
#رمضان_آخر_روقان
رمضان آخر روقان 🎆🌜
📝تابع خطوات مهمة
2⃣1⃣ موبايلك📱 مفسد العبادات !
إحنا في عصر التكنولوجيا المهولة، وتقريباً مفيش حد دلوقتي مش معاه موبايل Smart Phone
الموبايل الذكي ده ممكن يكون من أكبر نعم ربنا عليك في رمضان، وفي حياتك كلها ..
طبعاً تقدر تحمّل عليه القران بسهولة جداً وفي أي وقت تقدر تقرأ وكمان عندك برامج للتفسير و برامج الأذكار والأدعية وتطبيقات اسلامية كتير جداً
ده غير إنك ممكن تستخدم النت في معرفة التفسير أو قراءة في الفقه أو أي كتب دينية مفيدة أو الجروبات والصفحات الهادفة على
مواقع التواصل بأنواعها
وعندك كمان الموبايل نفسه ممكن تحمّل عليه كتب أو دروس أو قرآن وتسمع وإنت في المواصلات أو في الشغل وتستغل كل لحظة و كل وقت انتظار في أي مكان
وعلى النقيض تماماً .. ممكن يكون الموبايل ده أكبر نقمة في حياتك وسبب شقاءك وضياعك في الدنيا والآخرة..وده عن طريق استخدامه في معصية الله، وكلنا عارفين البلاوي السودا اللي ممكن يوصلها الإنسان عن طريقه ..!
اللي عايز أقوله إن في رمضان بالذات ، ممكن يكون الموبايل سبب ضياع رمضان منك ، لأنه :
🔸 أولاً : حرامي وقت مفيش زيه !! بيسحب وقتك ببراعة، ويقدر يسرق منك عمرك كله وانت ولا حاسس بأي حاجة !!
فاحترس وحاذر من النت ومواقع التواصل فيس-تويتر-واتس واليوتيوب لأنك لو فتحت تبص ٥ دقايق بس، هيضيعوا اليوم كله زي ما إنت مجرب 100 مرة قبل كده ...
فحاول على قد ما تقدر تحدّ منهم وتخصص لهم وقت معين في اليوم، وبعدها سلام عليكم ومتفتحش نت تاني.
🔸 ثانياً : بيفسد عليك عباداتك كلها، وبيضيع روحها وأهم ما فيها : اللي هو الخشوع والتركيز !
🔴 يعني تبقى قاعد تقرا قرآن .. وهوب نوتيفيكيشن !! تقوم سايب القرآن وتروح تشوف إيه اللي حصل ؟!
🔴 تبقى قاعد تدعي ربنا .. وهوب صوت رسالة !! تقوم مخلص دعاء وتقوم تشوف فيها إيه ؟؟؟
🔴 تبقى بتصلي وعامله فيبريشن في جيبك وعمال يرن ! وإنت خرجت عن الصلاة خالص وعمّال تفكر ياترى مين اللي بيرن؟!
🔴 تبقى قاعد في الاعتكاف وعايز تعبد ربنا ..شوية وتلاقيك فتحت نت في المسجد وقضيت الاعتكاف على الفيس !
ف إما تقفل التليفون خالص وإنت بتعمل أي عبادة أو تعمله صامت وتقفل النت، أو تسيبه بره الأوضة وتبعد عنه خالص !
واللي هيقول : أنا بستنى مكالمات مهمة جداً ؟؟!!
هقوله: اعمل مكالماتك الأول وبعدين سيب الموبايل وروح أعبد ربنا، لأن طول ما الموبايل جنبك مش هتعرف تخشع أو تركز في أي عبادة !
مستحيل هتعرف تركّز في أي عبادة إلا لو انفصلت ذهنياً وبدنياً عن الموبايل ...
الكلام ده من واقع وتجربة سنين !!
يتبع غداً بإذن الله
#رمضان_آخر_روقان
👍5❤2🔥1
This media is not supported in your browser
VIEW IN TELEGRAM
1⃣2⃣
رمضان آخر روقان 🎆🌜
📝 تابع خطوات مهمة
13- الخلوة نزهة الروح !
كلنا عارفين إن الصحبة الصالحة وروح الفريق والتعاون على الطاعة أمور مهمة جداً للثبات على الطاعة، ولكن خد بالك واحترس من كثرة الاختلاط بالناس فيما لا يفيد !؛ لأن ده من أهم أسباب قسوة القلب والوقوع في المعاصي !
هتقول : بس أنا هزهق لو قعدت لوحدي .
هقولك : أنا مش بقول أقعد لوحدك طول العمر
ده وقت صغير محدد من يومك، وجرّب كده الأول وشوف هتزهق ولا لأ .. ده الخلوة دي لها لذة وانسجام نفسي آخر حلاوة ..
قيل لبعض الصالحين لما أكثر الخلوة : ألا تستوحش ؟؟
قال : وهل يستوحش مع الله أحد ؟!!
وقال آخر: كيف أستوحش وهو يقول" وأنا معه إذا ذكرني"؟!
✅ فحاول يكون لك وقت ولو ساعة واحدة في اليوم، ومكان معين، تعرف تقعد فيه مع نفسك وبس، مفيش حد تاني معاكم!
ودي بيسموها الخلوة أو العزلة، يعني تختلي بنفسك وتقعد كده تعمل كل اللي إنت عايزه على روقان
تتخلص من المشتتات، وتشتغل على رفع حالة صفاء الذهن والتفكير الهادئ .
فكرة الإنعزال دي فكرة ناجحة جداً لتحقيق هدف ما🎯، وإنجازه بدقة، و تركيز، و بسرعة كبيرة ..
علشان كده حاول تطبق مبدأ الانعزال ده علي قد ما تقدر في حياتك..
يعني لو في المذاكرة مثلاً اعزل نفسك عن كل حاجة حتي لو هتعزل نفسك في أوضتك و تقفل علي نفسك بالمفتاح .
انعزال تااااااااام ما تفتحش غير علشان حد بعتلك أكل، وتاكل جوه أوضتك و ما تخرجش غير للحمام .
وطبعا الإنعزال ده أساسه إنك تسيب الموبايل بتاعك بره الأوضة و أكيد مايكونش في الأوضة تليفزيون ولا لابتوب !
ده غير إنك في الخلوة دي ممكن تروح مكان فيه مناظر طبيعية، وتقعد تمارس عبادة من أعظم العبادات وأكثرها تأثيراً في القلب والنفس "عبادة التفكر"
تأمل في ابداع ربنا العظيم في الكون، بديع السماوات و الأرض تبارك وتعالى واستشعر عظمة ربنا وملكه وقدرته قد إيه
حاول تتفكر وتتأمل في كل حاجة حواليك في الكون، هتلاقي تثبيت للإيمان في قلبك ويقين ومتعة وانشراح صدر ومقامات إيمانية عالية جدا
تأمل في الجمال، هتلاقي حياتك كلها ملاها الجمال، هتلاقي عينك بقت تشوف كل حاجة بنظرة الجمال ..
- هتقول : بس أنا ببص في النجوم والسما والسحاب والشجر والشمس والقمر ومبحسش بالكلام ده .. أعمل إيه ؟!!
- هقولك : المشكلة إنك اتعودت كل يوم تبص للحاجات دي، فأصبح الموضوع عندك عادة ومألوف حاول بقى تنسى العادة ، وتغير نظرتك وتبص لكل حاجة في الكون من جديد وكأنك بتشوفها لأول مرة !
وساعتها هتبدأ تشوف إبداع وجمال ملهوش آخر !!
يتبع غدًا بإذن الله
#رمضان_آخر_روقان
#صدقة_جارية
رمضان آخر روقان 🎆🌜
📝 تابع خطوات مهمة
13- الخلوة نزهة الروح !
كلنا عارفين إن الصحبة الصالحة وروح الفريق والتعاون على الطاعة أمور مهمة جداً للثبات على الطاعة، ولكن خد بالك واحترس من كثرة الاختلاط بالناس فيما لا يفيد !؛ لأن ده من أهم أسباب قسوة القلب والوقوع في المعاصي !
هتقول : بس أنا هزهق لو قعدت لوحدي .
هقولك : أنا مش بقول أقعد لوحدك طول العمر
ده وقت صغير محدد من يومك، وجرّب كده الأول وشوف هتزهق ولا لأ .. ده الخلوة دي لها لذة وانسجام نفسي آخر حلاوة ..
قيل لبعض الصالحين لما أكثر الخلوة : ألا تستوحش ؟؟
قال : وهل يستوحش مع الله أحد ؟!!
وقال آخر: كيف أستوحش وهو يقول" وأنا معه إذا ذكرني"؟!
✅ فحاول يكون لك وقت ولو ساعة واحدة في اليوم، ومكان معين، تعرف تقعد فيه مع نفسك وبس، مفيش حد تاني معاكم!
ودي بيسموها الخلوة أو العزلة، يعني تختلي بنفسك وتقعد كده تعمل كل اللي إنت عايزه على روقان
تتخلص من المشتتات، وتشتغل على رفع حالة صفاء الذهن والتفكير الهادئ .
فكرة الإنعزال دي فكرة ناجحة جداً لتحقيق هدف ما🎯، وإنجازه بدقة، و تركيز، و بسرعة كبيرة ..
علشان كده حاول تطبق مبدأ الانعزال ده علي قد ما تقدر في حياتك..
يعني لو في المذاكرة مثلاً اعزل نفسك عن كل حاجة حتي لو هتعزل نفسك في أوضتك و تقفل علي نفسك بالمفتاح .
انعزال تااااااااام ما تفتحش غير علشان حد بعتلك أكل، وتاكل جوه أوضتك و ما تخرجش غير للحمام .
وطبعا الإنعزال ده أساسه إنك تسيب الموبايل بتاعك بره الأوضة و أكيد مايكونش في الأوضة تليفزيون ولا لابتوب !
ده غير إنك في الخلوة دي ممكن تروح مكان فيه مناظر طبيعية، وتقعد تمارس عبادة من أعظم العبادات وأكثرها تأثيراً في القلب والنفس "عبادة التفكر"
تأمل في ابداع ربنا العظيم في الكون، بديع السماوات و الأرض تبارك وتعالى واستشعر عظمة ربنا وملكه وقدرته قد إيه
حاول تتفكر وتتأمل في كل حاجة حواليك في الكون، هتلاقي تثبيت للإيمان في قلبك ويقين ومتعة وانشراح صدر ومقامات إيمانية عالية جدا
تأمل في الجمال، هتلاقي حياتك كلها ملاها الجمال، هتلاقي عينك بقت تشوف كل حاجة بنظرة الجمال ..
- هتقول : بس أنا ببص في النجوم والسما والسحاب والشجر والشمس والقمر ومبحسش بالكلام ده .. أعمل إيه ؟!!
- هقولك : المشكلة إنك اتعودت كل يوم تبص للحاجات دي، فأصبح الموضوع عندك عادة ومألوف حاول بقى تنسى العادة ، وتغير نظرتك وتبص لكل حاجة في الكون من جديد وكأنك بتشوفها لأول مرة !
وساعتها هتبدأ تشوف إبداع وجمال ملهوش آخر !!
يتبع غدًا بإذن الله
#رمضان_آخر_روقان
#صدقة_جارية
👍2
1⃣3⃣
رمضان آخر روقان 🎆🌜
📝تابع خطوات مهمة
4⃣1⃣ عينك👀 على عينك !
يعني إيه ؟؟؟!! يعني خلي بالك دايما من عينك واحفظ بصرك عن كل ما حرم الله !
اللي بيشتكي من قسوة قلبه .. اللي مش عارف يخشع في الصلاة ..اللي مش عارف يبكي من خشية الله اللي مش قادر يقوم الليل
اللي مش حاسس بلذة الطاعة !!
عارف يا حبيب قلبي أهم سبب لكل ده إيه ؟؟؟!
أهم سبب هو المعاصي اللي عمّالة تتراكم على القلب
وأخطر المعاصي وأشدها تأثيرا على القلب هو : النظر لما حرم الله !!
اللي بيتفرج على المواقع القذرة والأفلام الهابطة و كليبات الرقص والفجور !
هنقوله: انت مستحمل تعيش إزاي
وقلبك فيه كل النجاسات دي ؟؟!!
ده إنت محتاج "عملية قلب مفتوح علشان نشيل كل ده من جذوره وننضف ونطهر ونعيد الحياة لقلبك من جديد !!
حرام عليك قلبك تعمل فيه كده !!! كفاية بقى !!!
أما اللي بيستقل بالنظر للبنات المتبرجات في الشارع والجامعة والمذيعات والممثلات في التليفزيون وصور البنات في النت ويقولك:
ياعم دي حاجة عادية جداً جداً !
هنقوله : يا أخي النظرة اللي بتسميها عادية دي هي سبب ضياع قلبك!
لأن العين منفذ القلب !! العين مراية القلب !! العين بريد القلب !!
والصور دي كلها بتنطبع في القلب وتتعلق على جدرانه وتشوش على الايمان جواه ..
وعلشان كده النبي ﷺ سمى النظرة اللي إنت بتستقل بها دي "زنا"
قالﷺ : ( العينان تزنيان، وزناهما النظر )رواه مسلم، يعني النبي ﷺ بيحذرك وبيقولك إوعى تستقل بنظرة !!
النظرة دي سهم مسموم بيدخل على قلبك يقعد يقطع فيه ! النظرة سهم مسموم بيجرح في قلبك ويبهدله،لحد ما يدمّر الإيمان في قلبك ويموته !!
وخد بالك إن كل نظرة حرام بتنظرها بتكون :
نقطة سودا على قلبك !
والنقط دي تتجمع على قلبك وتعمل: غلاف أسود !!
فتخيل بقى لو قعدت تتابع فيلم ولا مسلسل ساعة واحدة، هتنظر فيه کام نظرة حرام ؟؟؟
تخيّل قلبك بعده هيبقى شكله إيه ؟؟؟!!!
ليه تعمل في قلبك كده ؟؟!!!!
يا حبيب قلبي لو عايز بجد تحس بلذة الطاعة
وتدوق حلاوة الإيمان ...احفظ بصرك عن محارم الله !!
يا أختي .. لو عايزة تلاقي قلبك خاشع ولاقط إرسال إيماني على طول وبأعلى إشارة وتردد ... احفظي عينك وحافظي على قلبك !!
وَرَدَ في الأثر :
[من غضْ بَصَره ، أثابه الله إيماناً يجد حلاوته في قلبه ]
وعمومًا محتاجين نحافظ على قلوبنا مش من النظر الحرام وبس، بل من كل المعاصي، لأن المعاصي بتعمل حجاب وحاجز كبير جداً بين
قلوبنا وبين الاحساس بلذة العبادة ..
وهي دي أعظم عقوبة للمعاصى حرمان لذة الطاعات
وإن غفل الانسان عن رؤية العقوبة دي بسب قلة بصيرته وضعف إيمانه أو فساد قلبه .. لكنها واقع ملموس للجميع .
قال الإمام ابن الجوزي رحم الله :
[قال بعض أحبار بني إسرائيل: يارب كم أعصيك ولا تعاقبني؟!
فقيل له: كم أعاقبك وأنت لا تدري !!
أليس قد حرمتك حلاوة مُناجاتي ؟؟! ]
إزاى هتحس بمعاني القرب من ربنا وإنت بتعصيه ومش عايز تتوب ؟؟! إزاى عايز تحس بالراحة واللذة في قلبك وإنت مُصمّم تهدم كل الإيمان اللي بيتبني في قلبك بإصرارك على المعصية ؟!!!!! راجع نفسك
يتبع غدًا بإذن الله
#رمضان_آخر_روقان
#صدقة_جارية
رمضان آخر روقان 🎆🌜
📝تابع خطوات مهمة
4⃣1⃣ عينك👀 على عينك !
يعني إيه ؟؟؟!! يعني خلي بالك دايما من عينك واحفظ بصرك عن كل ما حرم الله !
اللي بيشتكي من قسوة قلبه .. اللي مش عارف يخشع في الصلاة ..اللي مش عارف يبكي من خشية الله اللي مش قادر يقوم الليل
اللي مش حاسس بلذة الطاعة !!
عارف يا حبيب قلبي أهم سبب لكل ده إيه ؟؟؟!
أهم سبب هو المعاصي اللي عمّالة تتراكم على القلب
وأخطر المعاصي وأشدها تأثيرا على القلب هو : النظر لما حرم الله !!
اللي بيتفرج على المواقع القذرة والأفلام الهابطة و كليبات الرقص والفجور !
هنقوله: انت مستحمل تعيش إزاي
وقلبك فيه كل النجاسات دي ؟؟!!
ده إنت محتاج "عملية قلب مفتوح علشان نشيل كل ده من جذوره وننضف ونطهر ونعيد الحياة لقلبك من جديد !!
حرام عليك قلبك تعمل فيه كده !!! كفاية بقى !!!
أما اللي بيستقل بالنظر للبنات المتبرجات في الشارع والجامعة والمذيعات والممثلات في التليفزيون وصور البنات في النت ويقولك:
ياعم دي حاجة عادية جداً جداً !
هنقوله : يا أخي النظرة اللي بتسميها عادية دي هي سبب ضياع قلبك!
لأن العين منفذ القلب !! العين مراية القلب !! العين بريد القلب !!
والصور دي كلها بتنطبع في القلب وتتعلق على جدرانه وتشوش على الايمان جواه ..
وعلشان كده النبي ﷺ سمى النظرة اللي إنت بتستقل بها دي "زنا"
قالﷺ : ( العينان تزنيان، وزناهما النظر )رواه مسلم، يعني النبي ﷺ بيحذرك وبيقولك إوعى تستقل بنظرة !!
النظرة دي سهم مسموم بيدخل على قلبك يقعد يقطع فيه ! النظرة سهم مسموم بيجرح في قلبك ويبهدله،لحد ما يدمّر الإيمان في قلبك ويموته !!
وخد بالك إن كل نظرة حرام بتنظرها بتكون :
نقطة سودا على قلبك !
والنقط دي تتجمع على قلبك وتعمل: غلاف أسود !!
فتخيل بقى لو قعدت تتابع فيلم ولا مسلسل ساعة واحدة، هتنظر فيه کام نظرة حرام ؟؟؟
تخيّل قلبك بعده هيبقى شكله إيه ؟؟؟!!!
ليه تعمل في قلبك كده ؟؟!!!!
يا حبيب قلبي لو عايز بجد تحس بلذة الطاعة
وتدوق حلاوة الإيمان ...احفظ بصرك عن محارم الله !!
يا أختي .. لو عايزة تلاقي قلبك خاشع ولاقط إرسال إيماني على طول وبأعلى إشارة وتردد ... احفظي عينك وحافظي على قلبك !!
وَرَدَ في الأثر :
[من غضْ بَصَره ، أثابه الله إيماناً يجد حلاوته في قلبه ]
وعمومًا محتاجين نحافظ على قلوبنا مش من النظر الحرام وبس، بل من كل المعاصي، لأن المعاصي بتعمل حجاب وحاجز كبير جداً بين
قلوبنا وبين الاحساس بلذة العبادة ..
وهي دي أعظم عقوبة للمعاصى حرمان لذة الطاعات
وإن غفل الانسان عن رؤية العقوبة دي بسب قلة بصيرته وضعف إيمانه أو فساد قلبه .. لكنها واقع ملموس للجميع .
قال الإمام ابن الجوزي رحم الله :
[قال بعض أحبار بني إسرائيل: يارب كم أعصيك ولا تعاقبني؟!
فقيل له: كم أعاقبك وأنت لا تدري !!
أليس قد حرمتك حلاوة مُناجاتي ؟؟! ]
إزاى هتحس بمعاني القرب من ربنا وإنت بتعصيه ومش عايز تتوب ؟؟! إزاى عايز تحس بالراحة واللذة في قلبك وإنت مُصمّم تهدم كل الإيمان اللي بيتبني في قلبك بإصرارك على المعصية ؟!!!!! راجع نفسك
يتبع غدًا بإذن الله
#رمضان_آخر_روقان
#صدقة_جارية
😢2👍1
Please open Telegram to view this post
VIEW IN TELEGRAM
1⃣4⃣
رمضان آخر روقان 🎆🌜
توصيات عملية
تعالوا نشوف بعض التوصيات العملية الخاصة بكل عبادة على حدة، واللي ممكن تساعدنا في تحسين أداءنا لها، وتكون خطوة على طريق
الاحساس بلذتها ومعانيها بإذن الله .
1⃣ توبة .. بروقان ..
عارف لما تكون مهموم ومتضايق ومخنوق من غير سبب !!
لما تحس إن نفسك تقعد لوحدك وتبكي يمكن ترتاح شوية ..!!
إحساس إنك تايه ومش لاقي نفسك ومش عارف تعمل إيه؟!!
إحساس رهيييب بيخليك مش حاسس بأي طعم للحياة ..!!
عارف الحل إيه ؟؟؟
✅الحل بكل بساطة: إنك ترجع للي خلقك
وهو هيصلح لك حياتك كلها
إنك تتوب لربك حبيبك اللى مفيش حد في الكون كله أحن عليك ولا أقرب لك منه سبحانه وتعالى
عارف التوبة الصادقة هتعمل في حياتك إيه ؟
🤍التوبة هتخليك إنسان مختلف بروح مختلفة تماااااااااااااماً
إنسان مقبل علي الحياة ..مُتصالح مع نفسك .. عايش معنى السلام النفسي الداخلي.
🤍التوبة هتوقف الحرب العالمية التالتة اللي دايرة جواك وعاملالك صراع نفسي منكد عليك عيشتك !!
🤍التوبة هتخليك تعيش الحياة الطيبة المطمئنة اللي ربنا وعد بها أي حد هيمشي في طريقه، أحلى حياة في طاعة الله
🤍التوبة هتخليك تحس وتدوق لذة وحلاوة العبادة .. لأنها:
أولاً : هتطهر قلبك وتزيل طبقات السواد اللي عليه
ثانياً : عدم التوبة بيخليك في قمة الاكتئاب والإحباط و بيأثر على نفسيتك جدا والاحساس بالعبادة مرتبط ارتباط وثيق بحالتك النفسية فطالما نفسيتك مش متظبطة ، هيبقى صعب تعرف تخشع وتحس بلذة العبادة؛ لأنك مش في "الموووود" أصلا ..!
✅ورمضان فرصتك .. رمضان فرصة متتفوتش للتوبة، وده لأن كل حاجة فيه بتشدّك للطاعة وبتبعدك عن المعصية
فلو مش هتتغير في رمضان .. هتتغير إمتى بعد كده ؟؟!
لو حالك مش هينصلح في رمضان .. هينصلح إمتى ؟؟!!
يتبع
#رمضان_آخر_روقان
#صدقة_جارية
رمضان آخر روقان 🎆🌜
توصيات عملية
تعالوا نشوف بعض التوصيات العملية الخاصة بكل عبادة على حدة، واللي ممكن تساعدنا في تحسين أداءنا لها، وتكون خطوة على طريق
الاحساس بلذتها ومعانيها بإذن الله .
1⃣ توبة .. بروقان ..
عارف لما تكون مهموم ومتضايق ومخنوق من غير سبب !!
لما تحس إن نفسك تقعد لوحدك وتبكي يمكن ترتاح شوية ..!!
إحساس إنك تايه ومش لاقي نفسك ومش عارف تعمل إيه؟!!
إحساس رهيييب بيخليك مش حاسس بأي طعم للحياة ..!!
عارف الحل إيه ؟؟؟
✅الحل بكل بساطة: إنك ترجع للي خلقك
وهو هيصلح لك حياتك كلها
إنك تتوب لربك حبيبك اللى مفيش حد في الكون كله أحن عليك ولا أقرب لك منه سبحانه وتعالى
عارف التوبة الصادقة هتعمل في حياتك إيه ؟
🤍التوبة هتخليك إنسان مختلف بروح مختلفة تماااااااااااااماً
إنسان مقبل علي الحياة ..مُتصالح مع نفسك .. عايش معنى السلام النفسي الداخلي.
🤍التوبة هتوقف الحرب العالمية التالتة اللي دايرة جواك وعاملالك صراع نفسي منكد عليك عيشتك !!
🤍التوبة هتخليك تعيش الحياة الطيبة المطمئنة اللي ربنا وعد بها أي حد هيمشي في طريقه، أحلى حياة في طاعة الله
🤍التوبة هتخليك تحس وتدوق لذة وحلاوة العبادة .. لأنها:
أولاً : هتطهر قلبك وتزيل طبقات السواد اللي عليه
ثانياً : عدم التوبة بيخليك في قمة الاكتئاب والإحباط و بيأثر على نفسيتك جدا والاحساس بالعبادة مرتبط ارتباط وثيق بحالتك النفسية فطالما نفسيتك مش متظبطة ، هيبقى صعب تعرف تخشع وتحس بلذة العبادة؛ لأنك مش في "الموووود" أصلا ..!
✅ورمضان فرصتك .. رمضان فرصة متتفوتش للتوبة، وده لأن كل حاجة فيه بتشدّك للطاعة وبتبعدك عن المعصية
فلو مش هتتغير في رمضان .. هتتغير إمتى بعد كده ؟؟!
لو حالك مش هينصلح في رمضان .. هينصلح إمتى ؟؟!!
يتبع
#رمضان_آخر_روقان
#صدقة_جارية
👍4
1⃣5⃣
رمضان آخر روقان 🎆🌜
تابع توصيات عملية
يالا خد قرار التوبة فورًا ، ورجع الحياة لقلبك من جديد
حط نقطة لحياتك القديمة وإبدأ من أول السطر كإنسان جديد
وخلي رمضانك السنة دي نقطة تحول و بداية لأجمل حياة
وخد شوية النصايح دي لعلها تنفعك بإذن الله
✅في كل مرة هتجدد فيها التوبة ، أول حاجة تعملها، هي إنك تحس بنعمة ربنا عليك، وتشكر ربك بجد من قلبك إنه مد في أعمارنا لحد ما لحقنا نتوب ومامتناش وإحنا بنعمل أي معصية من معاصينا اللي متتعدش !
وحس بقلبك بالنعمة العظيمة دي ، وقول يارب لك الحمد والشكر الذي لا ينتهي على نعمة الستر والامهال !
✅علشان متبقاش التوبة بمشاعر باردة ملهاش أي طعم، لازم تحقق ركن التوبة الأعظم اللي هو الندم
يعني لازم تحس بحرارة الذنب والحرقة، وينكوي قلبك بنار الاحساس بمخالفة أمر ملك الملوك جل جلاله وعصيانه ..!
ومفيش حاجة هتخليك تقدر تحس بالمعاني دي غير إنك تعرف ربنا وقدره وملكوته وجبروته وكبريائه وعظمته وعزته وجلاله،
وساعتها بس هتعرف حجم وعظمة وخطورة اللي إنت عملته، وهتلاقي قلبك بيتقطع من الندم والحياء من ربنا !
✅اللي بيقول أنا ضعيف ومش قادر أقاوم .. هقوله: أيوه إنت ضعيف جدًا جدًا واللي هيعمل فيها "سوبر مان"برده أضعف ما يكون ومعرض للفتنة في أي وقت
ربنا خلقك كده علشان متتفرعنش، علشان تنكسر وتذل وتطلب منه إنه يقويك ويعينك
وهو عزوجل القائل في الحديث القدسي :
( يا عبادي كلكم ضال إلا من هديته؛ فاستهدوني أهدكم)
✅بطل شكوي بقي ، وإبدأ العلاج ..متقعدش تقول : نفسي أصلي .. نفسي أبطل تدخين .. نفسي أبطل بنات.. نفسي أبطل مواقع .. نفسي نفسي .. !!
وبعدين؟! آخرتها إيه ؟ هتفضل طول عمرك تشتكي كده؟؟
اتحرك من مكانك وخد خطوات .. مفيش أي حاجة هتتغير وإنت قاعد في مكانك.. والكلام عمره ما كان حل..
آه هتتعب شوية بس الموضوع هو مصيرك، جنة أو نار، مش ثانوية ولا ماجستير ولا وظيفة، يعني يستاهل التعب والبهدلة كمان !
يتبع
#رمضان_آخر_روقان
#صدقة_جارية
رمضان آخر روقان 🎆🌜
تابع توصيات عملية
يالا خد قرار التوبة فورًا ، ورجع الحياة لقلبك من جديد
حط نقطة لحياتك القديمة وإبدأ من أول السطر كإنسان جديد
وخلي رمضانك السنة دي نقطة تحول و بداية لأجمل حياة
وخد شوية النصايح دي لعلها تنفعك بإذن الله
✅في كل مرة هتجدد فيها التوبة ، أول حاجة تعملها، هي إنك تحس بنعمة ربنا عليك، وتشكر ربك بجد من قلبك إنه مد في أعمارنا لحد ما لحقنا نتوب ومامتناش وإحنا بنعمل أي معصية من معاصينا اللي متتعدش !
وحس بقلبك بالنعمة العظيمة دي ، وقول يارب لك الحمد والشكر الذي لا ينتهي على نعمة الستر والامهال !
✅علشان متبقاش التوبة بمشاعر باردة ملهاش أي طعم، لازم تحقق ركن التوبة الأعظم اللي هو الندم
يعني لازم تحس بحرارة الذنب والحرقة، وينكوي قلبك بنار الاحساس بمخالفة أمر ملك الملوك جل جلاله وعصيانه ..!
ومفيش حاجة هتخليك تقدر تحس بالمعاني دي غير إنك تعرف ربنا وقدره وملكوته وجبروته وكبريائه وعظمته وعزته وجلاله،
وساعتها بس هتعرف حجم وعظمة وخطورة اللي إنت عملته، وهتلاقي قلبك بيتقطع من الندم والحياء من ربنا !
✅اللي بيقول أنا ضعيف ومش قادر أقاوم .. هقوله: أيوه إنت ضعيف جدًا جدًا واللي هيعمل فيها "سوبر مان"برده أضعف ما يكون ومعرض للفتنة في أي وقت
ربنا خلقك كده علشان متتفرعنش، علشان تنكسر وتذل وتطلب منه إنه يقويك ويعينك
وهو عزوجل القائل في الحديث القدسي :
( يا عبادي كلكم ضال إلا من هديته؛ فاستهدوني أهدكم)
✅بطل شكوي بقي ، وإبدأ العلاج ..متقعدش تقول : نفسي أصلي .. نفسي أبطل تدخين .. نفسي أبطل بنات.. نفسي أبطل مواقع .. نفسي نفسي .. !!
وبعدين؟! آخرتها إيه ؟ هتفضل طول عمرك تشتكي كده؟؟
اتحرك من مكانك وخد خطوات .. مفيش أي حاجة هتتغير وإنت قاعد في مكانك.. والكلام عمره ما كان حل..
آه هتتعب شوية بس الموضوع هو مصيرك، جنة أو نار، مش ثانوية ولا ماجستير ولا وظيفة، يعني يستاهل التعب والبهدلة كمان !
يتبع
#رمضان_آخر_روقان
#صدقة_جارية
👍1
1⃣6⃣
رمضان آخر روقان 🎆🌜
تابع توصيات عملية
✅المعصية مش بتيجي من الصدفة
بل لها مقدمات وأسباب زي أي حاجة في الدنيا .. فلو عرفت تمنع الأسباب دي ، يبقى إنت كده قطعت الحبل اللى بيشد رجلك لها كل شوية ..
يعني خلّي بينك وبين المعصية :
"عزلة شعورية" و "عزلة جسدية"
يعني تبعد عن الحاجات اللي بتوقعك في المعصية، وكذلك الحاجات اللي حتى ممكن تفكرك بها وتثير مشاعرك لها ..
اقفل أي باب🚪 ممكن يوصلك للمعصية تمااااما .. وسد نقط ضعفك اللي إنت عارفها كويس أوي وحافظها كويس، ومع ذلك سايبها بتوقعك كل مرة .. وكل واحد طبيب نفسه دي أهم نقطة عملية في روشتة العلاج .
دي الدليل الأكيد إنك عايز تتوب بجد، مش كلام وخلاص ..
✅اشغل نفسك
الواحد نفسه يصرخ بأعلى صوته ويقول لكل
الشباب إن الفراغ الفكري والفراغ العملي هو سبب كل مصيبة !!
معادلة الهلاك :
فراغ + شيطان + نفس = مصايب وبلاوي سودا
ونفسك لو لم تشغلها بالطاعة ، فتأكد مليار % إنها هتوديك للمعصية !
فحاول تشغل نفسك بأي شئ مفيد في الدنيا!!
✅المعصية بتبدأ من فكرة صغنووووونة قد كده، سبتها إنت تسرح في دماغك لحد ما كبرت واتحولت لإرادة ثم فعل !
فـ قاوم الفكرة من بدايتها، وحاول تهرب منها وتلغيها بإنك تفكّر في حاجة تانية تعملها
◀️ولو معرفتش وسيطرت هي عليك ، يبقى تعمل هجوم مضاد عليها وتواجه الفكرة بواقعية، وتعمل موازنة ومقارنة بين مقدار لذة المعصية ومدتها وتكلفتها، والعواقب اللي هتجنيها بعدها في دنيتك وآخرتك ومقدار لذة الإقبال على الله ومدتها، والعواقب اللي هتفوز بيها في دنيتك وآخرتك، و تحكم عقلك وتختار بنفسك ساعتها .. وإنت سيد قرارك !
✅لما تبقى ناوي تعمل ذنب وعارف إن اللي بتعمله ده غلط وحرام وتقول هتوب بعدها وربنا هيغفرلي، اعرف وقتها إن ده من تزيين الشيطان علشان يخليك تعمل خطوة يسحب رجلك منها للمعصية، وبعدين يغرقك في بحورها لحد ما تدمنها وتعيش أسير وعبد لها !
وبعدين يودِّيك لمعصية تانية أكبر، وهكذا لحد ما تموت وإنت على معصية وسوء خاتمة في نهاية الأمر ! وهي دي خطته المحفوظة اللي ربنا حذرنا منها ومع ذلك محدش عايز يتعظ !
يتبع
#رمضان_آخر_روقان
#صدقة_جارية
رمضان آخر روقان 🎆🌜
تابع توصيات عملية
✅المعصية مش بتيجي من الصدفة
بل لها مقدمات وأسباب زي أي حاجة في الدنيا .. فلو عرفت تمنع الأسباب دي ، يبقى إنت كده قطعت الحبل اللى بيشد رجلك لها كل شوية ..
يعني خلّي بينك وبين المعصية :
"عزلة شعورية" و "عزلة جسدية"
يعني تبعد عن الحاجات اللي بتوقعك في المعصية، وكذلك الحاجات اللي حتى ممكن تفكرك بها وتثير مشاعرك لها ..
اقفل أي باب🚪 ممكن يوصلك للمعصية تمااااما .. وسد نقط ضعفك اللي إنت عارفها كويس أوي وحافظها كويس، ومع ذلك سايبها بتوقعك كل مرة .. وكل واحد طبيب نفسه دي أهم نقطة عملية في روشتة العلاج .
دي الدليل الأكيد إنك عايز تتوب بجد، مش كلام وخلاص ..
✅اشغل نفسك
الواحد نفسه يصرخ بأعلى صوته ويقول لكل
الشباب إن الفراغ الفكري والفراغ العملي هو سبب كل مصيبة !!
معادلة الهلاك :
فراغ + شيطان + نفس = مصايب وبلاوي سودا
ونفسك لو لم تشغلها بالطاعة ، فتأكد مليار % إنها هتوديك للمعصية !
فحاول تشغل نفسك بأي شئ مفيد في الدنيا!!
✅المعصية بتبدأ من فكرة صغنووووونة قد كده، سبتها إنت تسرح في دماغك لحد ما كبرت واتحولت لإرادة ثم فعل !
فـ قاوم الفكرة من بدايتها، وحاول تهرب منها وتلغيها بإنك تفكّر في حاجة تانية تعملها
◀️ولو معرفتش وسيطرت هي عليك ، يبقى تعمل هجوم مضاد عليها وتواجه الفكرة بواقعية، وتعمل موازنة ومقارنة بين مقدار لذة المعصية ومدتها وتكلفتها، والعواقب اللي هتجنيها بعدها في دنيتك وآخرتك ومقدار لذة الإقبال على الله ومدتها، والعواقب اللي هتفوز بيها في دنيتك وآخرتك، و تحكم عقلك وتختار بنفسك ساعتها .. وإنت سيد قرارك !
✅لما تبقى ناوي تعمل ذنب وعارف إن اللي بتعمله ده غلط وحرام وتقول هتوب بعدها وربنا هيغفرلي، اعرف وقتها إن ده من تزيين الشيطان علشان يخليك تعمل خطوة يسحب رجلك منها للمعصية، وبعدين يغرقك في بحورها لحد ما تدمنها وتعيش أسير وعبد لها !
وبعدين يودِّيك لمعصية تانية أكبر، وهكذا لحد ما تموت وإنت على معصية وسوء خاتمة في نهاية الأمر ! وهي دي خطته المحفوظة اللي ربنا حذرنا منها ومع ذلك محدش عايز يتعظ !
يتبع
#رمضان_آخر_روقان
#صدقة_جارية
👍2
وَكَفَىٰ بِاللَّهِ وَكِيلًا 💜
1⃣6⃣ رمضان آخر روقان 🎆🌜 تابع توصيات عملية ✅المعصية مش بتيجي من الصدفة بل لها مقدمات وأسباب زي أي حاجة في الدنيا .. فلو عرفت تمنع الأسباب دي ، يبقى إنت كده قطعت الحبل اللى بيشد رجلك لها كل شوية .. يعني خلّي بينك وبين المعصية : "عزلة شعورية" و "عزلة جسدية"…
1⃣7⃣
رمضان آخر روقان 🎆🌜
تابع توصيات عملية
✅لما توصل لمرحلة إنك خلاص مش قادر تقاوم وخلاص هتعمل المعصية، اركب تاكسي الزمن واطلع به للمستقبل، لقدام ساعتين من
عمرك، وشوف بعد المعصية إيه اللي حصل ؟؟ ولا أي شئ !!!
المعصية اتعملت واللذة انتهت ومبقاش غير الحسرة والذنب !! وبس!!
كل اللي إنت عملته كانت آخرته شهوة وعدت وانتهت من غير أي فايدة!!
وطالما الموضوع كده كلم نفسك وقولها
ببساطة هعتبر نفسي زي ما بعملها كل مرة وبتعدي وتنتهي ، كأني عملتها المرة دي وشبعت منها وعدت خلاص ..!
✅أول ما تقع في أي معصية اجري على التوبة .. أتبع السيئة الحسنة تمحها
زي ما ربنا عزوجل قال: ﴿ثُمَّ يَتُوبُونَ مِنْ قَرِيبٍ}
ف متستناش لحظة بعد الذنب .. متفكّرش كتير .. متروحش حتة، قوم فوراً، اتوضا أو اغتسل، وهات السجادة وصلي ركعتين توبة لله
واسجد وابكي.. اسجد لربك وقوله
"ياربي أذنبت .. وقعت غصب عني يارب .. وجايلك وأنا معترف وندمان وذليل .. رجعتلك يارب لأني عبدك الضعيف ومليش رب غيرك ..
وكلي أمل ويقين إنك هتقبلني وتتوب عليا وتغفر لي يا أرحم الراحمين "
✅على وضعك
اثبت على الطريق واوعى تفكر تسيب أي طاعة بسبب الذنوب اللي بتعملها .
واعرف إن فعلك للمعصية مش معناها إنك انتكست؛ لأن مصطلح الانتكاس معناه إنك سيبت الطريق خالص ورميت طوبة الموضوع !!
إنما الضعف والعودة للذنب معصية زي أي معصية ، هتتوب منها وبإذن الله هتقدر تبعد عنها في يوم ما..
يتبع غدًا بإذن الله
#رمضان_آخر_روقان
#مصطفى_زايد
#افتح_لي_قلبك
رمضان آخر روقان 🎆🌜
تابع توصيات عملية
✅لما توصل لمرحلة إنك خلاص مش قادر تقاوم وخلاص هتعمل المعصية، اركب تاكسي الزمن واطلع به للمستقبل، لقدام ساعتين من
عمرك، وشوف بعد المعصية إيه اللي حصل ؟؟ ولا أي شئ !!!
المعصية اتعملت واللذة انتهت ومبقاش غير الحسرة والذنب !! وبس!!
كل اللي إنت عملته كانت آخرته شهوة وعدت وانتهت من غير أي فايدة!!
وطالما الموضوع كده كلم نفسك وقولها
ببساطة هعتبر نفسي زي ما بعملها كل مرة وبتعدي وتنتهي ، كأني عملتها المرة دي وشبعت منها وعدت خلاص ..!
✅أول ما تقع في أي معصية اجري على التوبة .. أتبع السيئة الحسنة تمحها
زي ما ربنا عزوجل قال: ﴿ثُمَّ يَتُوبُونَ مِنْ قَرِيبٍ}
ف متستناش لحظة بعد الذنب .. متفكّرش كتير .. متروحش حتة، قوم فوراً، اتوضا أو اغتسل، وهات السجادة وصلي ركعتين توبة لله
واسجد وابكي.. اسجد لربك وقوله
"ياربي أذنبت .. وقعت غصب عني يارب .. وجايلك وأنا معترف وندمان وذليل .. رجعتلك يارب لأني عبدك الضعيف ومليش رب غيرك ..
وكلي أمل ويقين إنك هتقبلني وتتوب عليا وتغفر لي يا أرحم الراحمين "
✅على وضعك
اثبت على الطريق واوعى تفكر تسيب أي طاعة بسبب الذنوب اللي بتعملها .
واعرف إن فعلك للمعصية مش معناها إنك انتكست؛ لأن مصطلح الانتكاس معناه إنك سيبت الطريق خالص ورميت طوبة الموضوع !!
إنما الضعف والعودة للذنب معصية زي أي معصية ، هتتوب منها وبإذن الله هتقدر تبعد عنها في يوم ما..
يتبع غدًا بإذن الله
#رمضان_آخر_روقان
#مصطفى_زايد
#افتح_لي_قلبك
👍4