عابر:
وهنا نقول مساء تأنيب الضمير أيها العابر...

ركز معايا ف اللي جاي واعتبرني بنظم دماغك

لسه شهر بالظبط والسنة تخلص وحضرتك مأنجزتش ربع مخططات السنة.. عارف هتعمل ايه؟
هتمسك المخططات اللي كانت هتربيلك جناحين دي، مش هتبصلها وتعيط لا، تعالى هقولك تعمل ايه..

جلابيتك ف سنانك ويلا عندنا انطلاقة هنا حضرك مفيش وقت للتفسير..

🎀 الجانب الديني
في حاجات كتير جدا بتمحو الذنوب، لكن لكل عبد باب معين هو بيحبه في العبادة، الزم الباب ده، يعني لو محبب ليك الصدقة تصدق يوميا، لو الصيام فتقدر تصوم اثنين وخميس (أو يوم بعد يوم)... وهكذا

1⃣ الصلاة
تعمدت أكتبها ف الأول، لأنها أفضل الأعمال وأكثرها ثوابا بالإجماع
كده كده هتصلي الفروض على أوقاتها دي مش محتاجة نقاش لأنه في الأساس ربك يقول [وما تقرب إليّ عبدي بشيء أحب إليّ مما افترضته عليه]
فأكيد حضرتك مش هتركز في الكهربا ولون السقف وتنسى تأسيس البيت كويس الأول!

⬅️طيب أزود حسناتي ازاي غير الفرائض؟
-الإكثار من النوافل زي السنن الرواتب وصلاة الضحى وقيام الليل
وافتكر إنه الـ ١٢ ركعة نافلة في اليوم يُبنى لك بها بيت في الجنة أنت متخيل؟!! الله أكبر

طيب أنا مريض أو عاجز، أو بتكاسل كثيرا عن الصلاة وطول الوقت خارج البيت مش متاح ليا وقت للإكثار من النوافل؟
اللي بعده..

2⃣ الصيام
احنا مش في رمضان فـ مفيش فرائض
لكن الصيام باب رائع وعظيم للحسنات، أنت متخيل إنه صيام يوم واحد في سبيل الله يباعد بينك وبين النار ٧٠ سنة؟
+احنا في الشتا، يعني ساعات الصوم قليلة، مفيش عطش (كده كده أنت محتاج حد يفكرك تشرب أصلا)
الصيام مش بياخد وقت، مش زي الصلاة محتاج تقتطع من وقتك عشان تعمله فاهمني
فـ ايه يمنعك بجد؟
⬅️طب أصوم ازاي ومفيش وقت؟
• صيام كل اثنين وخميس
• صيام يوم بعد يوم زي صيام سيدنا داوود (يعني يوم صايم ويوم مُفطر)

طيب أنا مريض أو عاجز، أو لا أصبر عن شهوة الطعام (ده مش سبب كافي بس ماشي..)
اللي بعده..

3⃣ قراءة وحفظ القرآن
كل حرف في القرآن عليه حسنة
فأنت اقعد على المصحف ولا تغادره.
⬅️لازم يكون ليك ورد ثابت حسب مقدرتك،
لو حابب تختم فالشهر مرة.. اقرأ كل يوم جزء..
لو قرأت كل يوم ٣ أجزاء هتختم ٣ مرات ف الشهر وهكذا...

💡تنبيه: طبعا التعامل مع كتاب الله في العموم أكبر من كونه مصدر للحسنات فقط، هو للهداية والإرشاد والشفاء وكل حاجة، لكن ف البوست بتكلم عن الأعمال اللي لها أجر كبير.
💡تنبيه تاني: يجب تحريك الشفاه أثناء قراءة القرآن، لا يكفي تقرأ في ذهنك، ومش لازم تقرأ بصوت عالي، يكفي إنك تتهامس بيه

4⃣ ذكر الله والاستغفار
مش محتاج وقت، مش محتاج مجهود، مش محتاج مال، محتاج صدق بس وحضور قلب

⬅️أذكار ذات أجر عظيم
1•لا إله إلا الله = أفضل الذِكر

2•سبحان الله، الحمد لله، الله أكبر، لا إله إلا الله = الباقيات الصالحات، أحب الكلام الى الله وهي كلمات ثقيلة في الميزان

3•سبحان الله وبحمده ١٠٠ مرة = تُغفر ذنوبك ولو كانت مثل زَبَد البحر)

4•سبحان الله العظيم وبحمده = نخلة في الجنة

5•لا حول ولا قوة إلا بالله = كنز في الجنة

6•لا إله إلا الله وحده لا شريك له، له الملك وله الحمد وهو على كل شيء قدير، ١٠٠ مرة = عتق ١٠ رقاب+ تمحو ١٠٠ خطيئة+ ليك ١٠٠ حسنة + حرز من الشيطان في يومك كله.

7•الصلاة على الحبيب ﷺ = كل صلاة تُكتب لك 10 حسنات، وتُمحى عنك 10 سيئات، وترفعك 10 درجات.

8•الحمد لله = تملأ الميزان

9•سبحان الله وبحمده عدد خلقه ورضا نفسه وزنة عرشه ومداد كلماته ٣ مرات = ذكر وتسبيح ساعتين

10• الاستغفار، وله صيغ كثيرة جدا، لكن أفضل الاستغفار هو سيد الاستغفار (اللهم أنت ربي لا إله إلا أنت، خلقتني وأنا عبدك، وأنا على عَهْدك وَوَعدِك ما استطعت، أعوذ بك من شر ما صنعت، أَبوءُ لك بنعمتك عليَّ، وأبوء بذَنبي فاغفر لي؛ فإنه لا يغفر الذنوب إلا أنت] =
إذا قالها صباحًا موقنًا بذلك؛ دخل الجنة، وإذا قالها مساءً ومات عليها؛ دخل الجنة.

11• أذكار الصباح والمساء = غالبا تحتوي على معظم الأذكار اللي ذكرتها فوق، غير إنها حصن من الشيطان

💡تنبيه: لازم تحريك الشفاه أثناء قول الأذكار، وبالطبع حضور القلب واستشعار الذكر يضاعف الأجر عن مجرد النطق بها.

5⃣ الصدقة
لو كل يوم هتتبرع بجنيه، بس حط نوايا كتير زي ما تحب، زي مغفرة الذنوب وإطفاء غضب ربك سبحانه، أو الشفاء.. وهكذا

💡 في أعمال كتير لها أجور عظيمة لم أذكرها لأنها داخلة ف يومك زي
- اتباع السنة في كل حاجة (طريقة الأكل والشرب وارتداء الثياب...)
- أخذ النوايا في كل عمل تقوم به ولو كان دنيوي بسيط
-الصدقات اللي مش مالية كالتبسم في وجه المسلم (مش من الجنس الآخر أكيد يعني) وإماطة الأذى عن الطريق

-اجتناب المعاصي، وده واجب مش نافلة
-نشر الخير والدلالة عليه (زي إنك تنشر المسدج دي واللي بعدها، أو تنشر على صفحتك قرآن، أو تدل الناس على عمل أو عبادة أو شيخ ثقة يسمعوه...)
•----------------------------------------•
باقي الرسالة ⬇️⬇️

🔵الخطة العملية
•تقدر تختار عمل واحد من اللي ذكرتهم وتداوم عليه ويكون هو الأساسي ومحل تركيزك ويكون ده بابك في العبادة اللي تقابل ربك بيه..
ويكون ليك رصيد من باقي الأعمال بلا شك..

•لو حابب يكون ليك نصيب متساوي منهم كلهم، تقدر تعمل أسبوع لكل عبادة، يعني أسبوع الذكر، أسبوع الصدقة، أسبوع القرآن وهكذا

•لو أنت متفرغ بنسبة كبيرة فأنت تقدر تخليهم ف نفس الوقت ايه المانع غير الشيطان والنفس الأنارة بالسوء يعني؟

•----------------------------------------•
❓طيب والسلاسل الدينية؟
=اختار سلسلة واحدة بس من اللي كنت مخططلهم وخلصها الشهر ده، سلسلة لا تزيد عن ٣٠ حلقة.
لو أنت متفرغ برده تقدر تسمع سلسلة كمان بحيث يكون في محاضرتين في اليوم.

❓طيب والجانب الدنيوي؟
=عشان كده قولت سلسلة واحدة، الجانب الدنيوي مستمر زي الفل
لو حسبت الوقت الي هتاخده العبادات دي من يومك مش هتكمل ساعتين...
▪️اهتم بدراستك جدا
▪️لو أنت خريج شوف كورس في الجانب اللي حابب تطور نفسك فيه وابدأ
▪️دور على فرصة عمل
▪️تقدر تتبنى عادة جديدة ف حياتك ف الشهر ده، زي الرياضة أو القراءة أو كتابة يومياتك (محاسبة نفس نوعا ما)، أو تعمل تحدي أكل صحي أو تقليل السكر أو إنك تصحى كل يوم الفجر ومتنامش بعدها... لمدة شهر.. أو أي عادة أو تحدي نفسك فيه

فهمت قصدي؟ أيا كان خططك، خد خطوة فعلية وكفاية تسويف.
•--------------------------------•
⬅️نصائح عامة
▪️اقفل إشعارات كل التطبيقات
▪️احذف وسائل التواصل كلها (مش هتلاقي مفيد ومركزي ف حياتك غير حاجة أو اتنين بالكتير)
▪️متفتحش المقاطع القصيرة ولا تقرب منها ف أي مكان (في حالة أنت محتاج التطبيق ده فعلا)
▪️نام بقدر حاجتك فقط، بلاش أبو ١٢ ساعة ده
•-------------------------------•
💡شوية تنبيهات
▪️كل تركيزي ف البوست على الحاجة اللي تجيبلك حسنات أو تفيدك ف وقت قليل، في جوانب تانية متعملش نفسك مش واخد بال منها
زي طلب العلم اللي مش راضي تبدأه ده أو الأكاديميات اللي مشترك فيها ومش تبفتحها، زي تزكية النفس.. ده يقودنا للنقطة التانية
▪️إنه الهدف مش إنك تركز على نفسك ٣٠ يوم وخلاص، المفروض ده روتين حياتك أصلا، ربنا واخد الجزء الأكبر من تفكيرك وأعمالك، وبالتالي لو أنت استمريت على العبادات دي مع شوية شغل على إصلاح نفسك فالنقطة الأولى هتتحقق، وهتقرب من ربنا بجد..

أصل في عقيدتنا إنه الإيمان بيزيد بالأعمال الصالحة وينقص بالمعاصي، فأنت متقوليش أنا بعدت عن ربنا وتقعد تعيط بدون خطوة عملية، التوبة أول خطوة، طب وبعدين؟ فين اللي بتعمله عشان ترجع؟

▪️أنا ركزت على الجانب الديني ف البوست، الجانب الدنيوي موضوع طوييييل أوي لأنه مجالاتنا مش واحدة، لكن الخطوط العريضة زي ما قولتلك إنه أيا كانت خطتك للدنيا ابدأ فيها وخلاص..

▪️طب ي عم عابر مفيش تحفيز؟ كله واجبات؟
=عاوز تحفيز ايه أكتر من إنه ١١ شهر عدوا من حياتك (غير اللي قبلهم) بدون حاجة فعلية تقف بيها قدام ربك يوم القيامة؟ بدون تقدم حقيقي واضح ف حياتك؟ مبسوط وأنت زي ما أنت من كام سنة؟ ف نفس زون الراحة اللي مش بتخرج منها...
لازم تكون واقعي مع نفسك شوية، اعرف إنك لازم تجاهد، بطل تطلب كل شوية حد يعطيك جرعة تحفيز أو يطبطب عليك ويقولك كمل ي حبيبي...

👆بصوا على المسدج دي
👆ولو محتاج ترشيح سلاسل بص على المسدج دي
والسلام عليكم..

#عابر
#مجاهدة
•--------------------------------•
↗️@moroor_abir

قُل للّيالي أن تُطيلَ ظلامَها
اقترب اللّقاء ولا نُريد المُلتقى 💔🥲

الوحيد
الذي جعلني اشعر للمرة الأولى
بأن كل طباعي الحادة
وافكاري المشوهة
وهدوئي الذي يشبه هدوء الأشباح
اشياء قابلة للحب
ليست اشياء قابلة للتغيير
اعطى كل جزء مظلم مني حباً هائلاً
منحني شعوراً بأنني مميز.

‏أُقاتل أمراً عظيماً يحدُث بقاعِ قلبي.

عزيزي ومؤنسي/
أُحبك جدًّا وكثيرًا.

أُحب الأوقات التي نعود فيها لبعضنا مرةً أُخرى بعدما كُنّا نقول لن نعود ..
أُحب هذا التشبُّث وأننا لا نقوى على الحياة بدون بعض ، لا نتخيل الطريق إلا ونحنُ نمشيه سويًّا
وأُحب أن كلانا يرى الآخر قلبه ، قلبه الذي إذا فقده
سيفقد حياته والحُب.

كُن بخير ؛ لأجل أن أكون بخير. ♥️

يعرفني الموج .. ما يعرفني الساحل
و يجهلني القاع .. ما تجهلني القمّه😌

لراحة بالك..
قلل كلامك ,اقعد في حالك ,ركز ع حياتك
و خلي معاملتك بِـ الكل سطحية .. 🤎

كل التقدير للممحاة…
ومخارج الطوارئ…
… utern و
والإستقالة…
وخصائص الحذف…
و unfollow…
و unfriend….
والبلوك …
والسفر …
وكل فكرة تدعم حق الإنسان في الإنسحاب
والتراجع..
وتصحيح الأخطاء…

لا أَفتحُ قلبي لأحدٍ
إِلا وتطير مِنهُ فراشةٌ،
إِلا أنتِ،
حَينّ فتحتهُ لكِ،
طارَ عقلِي يا كُل فَراشاتِي 🫂🧡🦋

"ضائعٌ بَيني وبَيني؛ جزءٌ مني يُريد شيئًا، والآخر يُحاربه."

حجّ أعرابي فلم يدرِ مايقول في عرفة، فقال:
"اللهم إني أسألك من خير ماسألك السائلون في عرفة منذ خلقتها."

فبكىٰ من سمعهُ، وقيلَ له: قد أبلغتَ الدعاء!

"بينما كنت انتظر كوكبا واحدا
اهديتني مجرة باكملها "🪐