tgoop.com/hkwarofindependence/156
Last Update:
首先感謝各位仍未放棄嘅手足同埋活動搞手，冇大家就冇琴晚嘅前哨戰，本人琴晚喺旺角一帶見有唔少手足冒住ss風險仍有行出嚟，亦感謝有手足提我天橋有戰術背心小隊狗，雖然琴晚咩事都冇發生但至少得知狗方昨夜行動部署。
引用九西admin昨晚旺角估算：警方人手不足，從東九龍調動PTUD到旺角支援，出動警力：PTUD Platoon 1 2 3 4 /MK，戰術：警方高調巡邏，並進行截停行動，便衣警員亦在附近一帶埋伏。於內街形成布袋戰術。
本人昨晚確實認同上述情況，而以下係*內街布袋戰術*資料補充以及小小分析 : 警方大包圍網巡警分散而便衣隱匿各處，根據活動前1hr哨台加埋琴晚我同隊員經油麻地旺角太子三區視察，發現昨晚警方部署係: mk放狗，大約3組戰術背心狗及4組普通軍裝狗，每組約3-7隻狗。約4-5輛衝車及幾架豬籠駛經或停泊附近，而近油麻地及太子方向亦有狗車停泊但數量相對少，主要係天橋同內街分散巡視及ss途人，而狗分散巡邏嘅間隔入面本應係手足落手嘅位，但依啲位置正正係隱形狗作為[眼]去佈置，唔睇真啲唔知佢哋身上有記號作為識別物，因此原計劃係旺角亦無從落手。
本人是次活動建議方面，由於monposir常在，如果繼續用以往抗爭嘅思維局限地方聚人進行，尤其係活動日期地點時間預先公佈，啲狗就更加易喺佢哋估算我哋落手嘅地方部署，手足計劃好嘅行動自然泡湯。因此，假如可以換新嘅方法進行較好，例如參考遊擊戰方法 : 小規模主動襲擊嘅機動戰為主要手段，高流動性、靈活、主動嘅擾敵，地區同埋時間不限，即係搞手提出18區各自選擇進行而時間可能係當天任意時段，老實講活動提早一星期定兩三個月狗一定會知，但係嗰兩三個月唔係畀狗睇，而係畀手足組隊預先準備計劃行動嘅地點時間.撤退路線.更衣地點.最終目標等等，只要係有計劃有把握嘅，就佔盡天時地理優勢。當對方無法準確估算我方動員人數,時間,地點，已經能令狗疲於奔波而又制止唔到類似嘅事再發生，而我哋作戰計劃be water而唔硬碰，虧損嘅一定係佢地。
我個人認為搞手確實有不足地方，但肯嘗試對比起已經放棄既人好好多，可能你哋會認為佢係鬼，即使係咁，其實你哋要自願行動嘅自然會郁手，根本唔需要搞手搞活動，淨係最簡單嘅罷食罷買紅藍都做唔到，因為失敗跌低唔再起返身重回港豬，甚至到今時今日仲捉鬼搞分化嘅冷氣軍師，憑咩評論别人過錯？與其吐口水倒不如唔好浪費時間做啲有用嘅嘢，睇睇日程表大把嘢做，你放棄唔代表人哋已經放棄，挫折一定有，唔少人都仲堅持緊，鍛練自己係為他人而用。光復香港唔係口號，只有三分覺唔半吊子心態嘅你哋，香港人，問下自己當初為咩事而走出嚟。
一位仍未放棄嘅手足
BY 香港獨立革命
Share with your friend now:
tgoop.com/hkwarofindependence/156