tgoop.com/hasankhojaBlog/1111
Last Update:
TUZ HАQQI
Usmoniylardan qolgan bir goʼzal odat bor. Erkak kishi Ramazon hayitidan uyiga qaytganida xotini uylarni tozalab, chiroyli kiyimlarini kiyib unga bir finjon qahva tutadi. Qahvani ichgan er uni boʼsh qaytarmaydi. Finjonning ichiga yo tilla uzuk, yoki tilla bilakuzuk solib qaytaradi. Bu ayolining Ramazonda qilgan mehnatlariga mukofot boʼladi.
Bu odat shaxsan menga yoqadi.
Er xotinining uy ichidagi zahmatlarini qadrlashi, xotin ham erning koʼchadagi mehnatlarining qadrlashi lozim. Yoʼqsa sakiynat qaerdan keladi?! Muhabbat va rahmat bulutlari ostida yoʼqsa qanday soyalanamiz?!
Er agar xotini tayyorlagan har-bir ovqat uchun xotinini taqdirlasa bundan hech bir zarar koʼrmaydi. Gohida shirin gap kifoya qiladi. Lutfning oʼzi ham hadyadir. Аmmo bu lutf, bu shirin soʼzlarga biror moddiy sovgʼani yoki uning pulini toj qilsangiz nur ustiga nur boʼladi!
Xonadonlarni narsaga toʼldirgandan koʼra muhabbatga toʼldirish zaruroqdir. Qalbdagi sovuqlikni dunyodagi barcha oʼchoqlar ham qizita olmaydi. Аmmo qaynoq quchoq, shirin soʼz, oʼzaro rahmat uylarimizni jannatga aylantiradi!
©️Abdulqodir
P.s. shu odatni qayta tiriltira olsak juda ham zo’r bo’lar edi…
BY Hasankhoja Muhammad Sodiq
Share with your friend now:
tgoop.com/hasankhojaBlog/1111