Сёлета 30-гадовы юбілей адзначае кафедра гісторыі Беларусі новага і навейшага часу. З гэтай нагоды 24 снежня на гістапычным факультэце БДУ быў праведзены міжнародны навуковы круглы стол “Новая і навейшая гісторыя Беларусі: актуальныя пытанні і напрамкі даследаванняў”.

Мерапрыемства сабрала звыш 80 удзельнікаў, сярод якіх навукоўцы, выкладчыкі, прадстаўнікі дзяржаўных арганізацый, аспіранты, магістранты і студэнты, большасць з якіх — выпускнікі, супрацоўнікі, ветэраны кафедры.

Адкрыў круглы стол дэкан гістарычнага факультэта прафесар Аляксандр Каханоўскі, які адзначыў важную і адказную місію кафедры. Віншавальныя словы прагучалі ад партнёраў — ВНУ Расійскай Федэрацыі, загадчыкаў кафедраў гістарычнага факультэта, ганаровых гасцей, студэнтаў. Прафесары Сяргей Ходзін і Алег Яноўскі расказалі пра гісторыю станаўлення кафедры і інстытуцыаналізацыю вывучэння і выкладання айчыннай гісторыі ў БДУ.

Праца секцый працягвалася да позняга вечара. Па выніках работы круглага стала плануецца выданне навуковага сборніка