tgoop.com/giltaj/3380
Last Update:
■ ایی نمونه جه گیلکی نیویشته‌یان گیله‌وا مییان ( گیله‌وایی خط مره)
● زندگی جدول
صادق هدایت تعریف کودی:
ایتا مجلس دورون ، ایی جرگه آدمان مییان نیشته بوم و خیلی بی حوصله بوم. ایتا مجله اوسادم ورق بزم. اون لا، جدول صفحه مییان مداد نهابو، اوسادم کی جدول حل بوکونم. هتوکی می لب جیر بخاندم سه تا حرف، سوکّی [عمودی] ایی نفر بوگوفت: بولند تر بوگو
بوگوفتم ایتا لغته، سه تا حرف داره: جی همه چی بهتر چیسه؟
حاج آقا بوگوفت: پول
مجلس مییان ایتا تازه عروس نیشته بو بوگوفت: عشق
اون شوهر، تازه داماد ، بوگوفت: یار
ایتا جاغله مدرسه شو ایسابو بوگوفت: علم
حاج آقا تترج گوفتی: پول، پول. اگرم پول نوخورد، بینویس طلا، سکه
بوگوفتم نه حاج آقا اشان نیئیدی
بوگوفت پس بینویس مال، سه حرفه ده خاب.
بوگوفتم: ا نم نوخوره، ده حرفان مره جور نایه.
بوگوفت: پس جاه ایسه. نه، پست!
خسته بوستم بوگوفتم: نه، انم نییه، ده حرفان مره جورنایه. حاجی تام بزه، ده گب نزه.
پیله آبجی بوگوفت: عمره زای جان، عمر
سیاوش کی تازه ایجباری جا، باموبو، بوگوفت: کار
ایی نفر بولند بوگوفت: وخت
ایی نفر ده بوگوفت: آدم
هنده ایی نفر بوگوفت: خدا
ایتا تلخ خانده بوکودم و مدادا بنام اون جا سر، ولی مرا دس بامو کی هر کی خو زندگی ره، خو جدولا داره. تا اون زندگی جدولا نشناسی، ایتا سه حرفی کلمه یم جورنایه! جدولا نیصفه نیمه نیهی دیمه.
شاید ایتا پا برانده زای بگه: کفش
کشاورز بگه: برف
لال بگه: سخن
کر بگه: صدا
کور بگه: نور
من هنی فکرا درم می زندگی جدول سه حرفی چی ایسه؟
@giltaj
BY Giltaj
Share with your friend now:
tgoop.com/giltaj/3380