tgoop.com/genisdhamr1/4307
Last Update:
تتخيلوا أول
#طبيبة 👩🏻⚕️
بالتاريخ الحديث ما كانت مهتمة بالطب أبداً؟
#إليزابيث_بلاكويل كانت مدرسة، وعم تدور على مستقبل مهني محترم. بس كل شي اتغير لمّا صديقتها المقربة مرضت وقالتلها:
"لو كان في طبيبة تهتم فيني، كنت ارتحت أكتر." 🩷
بهديك اللحظة، إليزابيث قررت تكسر القواعد، و تفوت مهنة كانت حكر على الرجال، مو بس كرمال صديقتها بل كرمال كل النساء يلي ما كان عندهم فرصة يتعالجوا بكرامة.
<<< بس الطريق ما كان سهل...
أكثر من 20 كلية طب رفضوها بس لأنها امرأة!
لكن كلية صغيرة اسمها Geneva Medical College بنيويورك، قررت تترك القرار بيد طلابها الذكور.
وفعلاً، الطلاب وافقوا على قبولها و الملفت إنه وافقوا على سبيل المزاح، مفكرين إنو وحدة ما رح تقدر تصمد بينهم!
لكن المفاجأة كانت لما أثبتت إليزابيث إنها أذكى وأقوى من كل التوقعات، وتخرجت سنة 1849 كـأول طبيبة في الولايات المتحدة.
وما وقفت هون…
أسست مستشفى خاص بالنساء والأطفال، وافتتحت مدرسة لتدريب الطبيبات، وكرّست حياتها للدفاع عن حق المرأة بالعلم، بالمهنة، وبكرامتها الصحية.
📌 اليوم، لما نشوف طبيبات قديرات بالمستشفيات، لازم نعرف إن وجودهن ما كان صدفة، بل نتيجة كفاح نساء شجاعات متل إليزابيث، يلي آمنوا بحالهن وقدروا يغيروا نظرة
العالم. 💪🏻
https://www.tgoop.com/genisdhamr1/4304
#ملتقئ_طلاب_جامعات_اليمن
#زكاة_العلم_نشرة
#غزة_قضيتنا 🇵🇸
#طبيبة❤️
BY ملتقى طلاب جامعات اليمن
Share with your friend now:
tgoop.com/genisdhamr1/4307