tgoop.com/genisdhamr1/4004
Last Update:
اليوم راح نبدي بأدوية الجهاز الهضمي واول مجموعة بيه هي ⬇️♥️
🍒 | Antacids.
مضادات الحموضة : هي عباره عن مواد قاعدية نستخدمها حتى نعادل حموضة المعدة، يعني من يكون افراز الحامض بشكل مبالغ بي نستخدمهم.
تتميز بشغلتين:
1 - نستخدمها لفتره قصيره من ( ٢ - ٣ ساعة ) يعني يكون مفعولها قصير
2- مثل ماكلنه نستخدمهم حتى نعالج حموضة المعدة
حسب قانون برونشيد لوري ⬇️🍒
حامض قوي( HCL ) + قاعدة ضعيفة ( Antacids ) = ملح + ماء💧
هسه نجي المن نستخدمهم وي يا حالات ؟
1- عسر الهضم😖
2-قرحه المعدة🥴
3- الاسترجاع المري🤢
4- حرقه معدة😵💫
وها صدك عسر الهضم من يكون ماكل شي ثكيل مثل الدهون واللحوم وهالاشياء
يعني مختصر من يجيك واحد يكلك عندي حركة بمعدتي او عندي جالي او احس بحرارة تنطي مضادات حموضة اوك 🫡🍒
زين شنو الي يسوي قرحة معدة او حرقة المعدة؟
- التدخين🚬
- الاجهاد او التعب😮💨
- الاكل الحار😬
- ادويه المفاصل وخافضة الحرارة تسوي قرحه رمزهم NASID
- السمنة
- الحامل
زين هسه لازم نعرف شنو مكونات مضادات الحموضة ؟
1- sodium bicarbonate. ↪️ systemic
2- calcium ( Ca )
3- magnesium ( Mg) 🔀 non – systemic ( locally )
4 – aluminum ( AL)
اول واحد الي هو بيكاربونات الصوديوم ليش يكون systemic
لأنو بكل بساطة يكدر يروح لمجرى الدم ويسوينه ارتفاع بضغط الدم
ولازم ممننطي بهاي الحالات
- تليف الكبد
- فشل كلوي
- الي مسوين دايت وعدهم التزام بكميه الصوديوم
- الي عدهم قصور القًلب الاحتقاني
اخر ثلاثه يكون عملهم موضوعي يعني شغلهم بالمعدة ميطلعون لمجرى الدم مثل الصوديوم
🍒 | لازم ناخذهم عند الحاجه بس يعني اذا مابيك شي وتاخذهم هنا حتصير كارثة 🫡
لازم بعد الاكل لانو هي تشتغل من ينفرز الحامض بااعتبار ماكو عمليه هضم قبل الاكل يعني ماكو افراز
مدة عملها توصل لثلاث ساعات
🍒 | افضل طريقة ننطي بيها هي اما شراب او بودر افضل من الاقراص لانو البودر يكون سريع العمل ومايحتاج يتكسر بحمض المعده
بس مرات مثلا يكون بالعمل حمل الاقراص اسهل من اخذ الشراب 🫡
الاقراص مالازم تبلعها كبل لازم تكرطها علمود تتكسر ويكون هظمها بطيء قبل لاتوصل للمعدة ولازم تشرب بعدها مي، أتفقنا ؟
🍒 | لازم نبتعد عن اي دوه ينوخذ وي مضادات الحموضة
لانو مثل ماتعرفون كلنه انو هي مواد قاعديه يعني راح تسوي المعده وسط قاعدي لانو راح تعادل الحموضة
مثلا ادوية
enteric coated tablets او granules
هذولة. يكون شغلهم بالامعاء والامعاء يكون وسطها قاعدي فاذا انطيناها وي المعده حتنحل بالمعدة بدل الامعاء وهذا الشي مانريدة
فلازم نفصلهم عن اي دوه يعني من ناخذ مضادات حموضة لازم اقل شي 3 ساعات يلا ناخذ الدوه الثاني اوك..؟
Side effects of antacids:
magnesium (Mg ) causes diarrhea -1
aluminum ( AL ) causes constipating -2
الشركات اتفقو وكالو لازم وين مانلكه مغنيسيوم نلكا ويا ألمنيوم علمود واحد
يلغي شغل الثاني ومايصير عدنا سايد افيكت
🍒 | الكالسيوم افضل مضاد حموضة بس شنو مو تنطي لفتره طويله لانو راح يسوي زياده الكالسيوم بالجسم
وبنفس الوقت الكالسيوم مفيد للحامل لانو يغذي الطفل ويفيدة مثل Rennie
🍒 | مرات تلكا وي مضادات الحموضة موجوده ماده اسمها simethicone
هاي الماده كلش مهمه للي يعانون من غازات
يعني هم انطيته مضاد حموضه وهم انطيته مضاد غازات بنفس الوقت
🍒| شايفين واحد من بطنه توجعه ويجيبوله لبن 😂🫶🏻ويطيب
اللبن يعتبر افضل مضاد حموضة اذا مجان يمك صيدلية او جنت بمكان بعيد راح يفيدك
#ملتقى_طلاب_جامعات_اليمن
#زكاة_العلم_نشرة
BY ملتقى طلاب جامعات اليمن
Share with your friend now:
tgoop.com/genisdhamr1/4004