tgoop.com/geeehaaa/4147
Last Update:
لمن تكوني في المطبخ جلبطي وشك 😠
جلبطي وشك لمن تكوني في المطبخ 😒
في المطبخ جلبطي وشك لمن تكوني فيهو 😪
ما بقصد جلبيط الكريم لالالالا بقصد جلبيط طبيعي دقيق ليمون برتقال شاي بن ...إلخ ااي ما تتخلعو دا كلو تلطخي في وشك عشان تستفيدي من الفيتمينات والمعادن الموجوده فيها.. ما تذلعي من المطبخ الا ووشك مجلبط ...
نشوف الحاجات الطبيعيه البنتفع مع كل نوع بشره
#البشره_الدهنيه
قبل ما ندخل في الخلطات لازم لااااااازم تعملي بالنصايح دي لانو مهمه والبشره دي محتاجه عنايه خاااااصه الشي المهم يا ناس البشره الدهنيه انك دايما لمن تجي تغسلي وشك غسلي بمويه بارده وتبعدي لي المويه الحاره دي خااااالص لانو بتقوم ليك حبوبك وتبقي في الحبوب ما بتروح وبتاع 😒.. ثاني شي اثبتي علي صابونه واحده وتكون مخصصه للبشره الدهنيه يعني كل بومين تغيري صابونتك او غسولك وتجيبي ليك صابونه لبشره تانيه وتجي تقولي ما نفعت وسوت لي و عملت لي 😒... ثالث حاجه ماااا تهبشي الحبوب الحبوووووب ما تهبشيها ماااااااااااا تفقعيها قلنا لانو حتبقى سودت وبخلق ليك اثر وحتقوم في حته ثانيه .قامت ليك حبه شفتي القطره حقت العين او حق الجيوب الانفيه بس نقطي فيها في الحبه دي ما عندك جيبي ملح ومويه كبيها في قطاره وقطريها في الحبه لكن مااااااااااااا تهبشششي ياخ ..الشطه ثم الشطه ثم الشوكلاتات والاكل الفيها دهون كثييره خففي منها لانها السبب في الحبوب دي وبرضو زي ما زكرت المويه الحاره برضو سبب لظهورها ... المكياج الدهني بتعرفيها من ملمسها ابعدي منها ما تستخدمي بدارة واحده ثانيه لانو لو عندها حبوب حتعاديك ... والشي الاهم الموويه ثم المووويه ثم المووووووووويه اشربي مويه كثيره حتى لو ما عطشانه اشربي مهمه شديد ما للبشره دي بس لكل البشرات الثانيه ... واهم شي قبل تنومي غسلي وشك بصابونتك ومرري ثلجه.
#الخلطـــــات_الطبيعيـــه::
الخلطات دي للتفتيح:-
1. الحليب وعصير الليمون
2.العسل والقرفة(رشه بس)
3. النشا وماء الورد
4. العسل و بياض البيض
5. بياض البيض وعصير الليمون
6. الشوفان وبياض البيض
7. الطحين والحليب
اختاري اي واحده من ديل وخليها نص ساعه في وشك و غسلي وشك عادي واعمليها يومذا او 3 مرات في الاسبوع
#المسامـــات::
1. الثلج (مرريها على وشك مده دقيقتين واعمليها في اليوم مرتين ويوميا لو عاوزه مفعول سريع)
2. الطماطم(اقسميها النص وادعكيها في وشك كده دقيقتين لثلاثه دقايق و حرتين في اليوم ويوما لو عاوزه مفعول بسريع)
BY جيههه وشعر💄💅
Share with your friend now:
tgoop.com/geeehaaa/4147