tgoop.com/geeehaaa/4076
Last Update:
*العروكات* 😍
- عروكة الجذر ..تسلقي تلاته جذرات وليمونه وتخلطيهم بباقي موية السلق في خلاط تضيفي ليهم كبايه سكر ونص كوب ملح ورغيفه ناشفه تخلطيهم كلهم وتختيهم في جردل في التلاجه كل يوم تشيلي ملعقه تحليها بحبة مويه وتضيفي نص ملعقه باكينج ياودر وتعركي بيها ..صعبه شديد وبتطلع بعد تعب ومرات بعرك بس وبغسلا بالمويه لكن بتنضف بعد بمسح جسمي بجلسرين أوأي كريم مرطب والله فيها نضافه رهيييييبه
-👵عروكة العجين المُر 👵
#ختي مقدار كباية كبيرة عجين مُر (عجين الكسرة )في حلة صغيرة وكبي معاها كوبايتن كبار موية ،،ختي الحلة في النار وحركي الخليط أضيفي للخليط مقدار كباية قشر برتقال مسحون وإستمري في التحريك لمدة 10دقايق على نار متوسطة ،،حتلاحظي إنه الخليط بقى سميك ، نزليهو من النار وخليهو يبردبعد مابرد الخليط بيكون جاهز للإستعمال ...بعد ما تنتهي وتأخدي الشاور ...ماتنسي وجسمك لسه لين إتمسحي بكريم مرطب
-عروكتي الخاصه
تسلقي رز ومعاه جزر ومعاه منقا وبرتقال مسحون وترمس وفي النار هاديه بعد يتجانسو مع بعض ف الاخر تضيفي ليمونه كبيره تخلطيهم وتضيفي جلسرين رجا الاخضر وع التلاجه وتقسمي جزو برا ف قزازه للاستخدام اليومي
-تجيبي 10ليمونات تسلقيهم تخلطيهم تضيفي جلسرين بعدها تختيها ع جسمك بعد الحمام وتطلعيها بي كربونات وملح يوكو
-عروكة البن
تحمصي الدقيق لحد ما لونو يبقا اصفر تضيفي البن و تحفظيها
تشيلي الكمية العايزاها تبليها شوية و تتعركي
-عندي ابسط حاجه محافظه بيها علي نضارة وشي..وحاجات متوفرة.دي وقتي وبس
ما ينفع تطول.
ملعقه صغير لبن بودرة..م صغيرة حنه منعمه..م كبيرة كاستر..شوية من البيض
ورشة سكر..نقطتين ليمون.
وتضربيهم شديد وتخليهم 5 دقايق
وتمسحي وشك ..عبارة عن قناع جميل تخلي لمدة ربع ساعه وتغسلي غسيل
اذا وشك بستحمل عركي.
والنتيجه رهيبه.
-في عروكة النشا والليمون بعملوها المغربيات حلووووه والله انا عملتها مرتين بس بالجد ظريفه. .بتجيبي الليمون 4 حبات أو على حسب كميتك وتقطعي الواحده اربعه أقسام وتسلقيها في النار وبعد كده تخلطيها وتضيفي ليها النشاء بعد الخلط وتجيبي علبه فاضيه أو الحاجه البتستعمليها للعروكات وختيهم فيها واتعركي 😍😍😍 بالجد حلوه
-عروكه الابري بعد تصفي العصير تجيبي الابري تختي في حلة وتكبي مويه تخلي ينجض بعداك تنزلي وتشيلي ع قدر العاوزاو وتكبي ليو جردقه ورمان مسحون وبرتقال وترمس كمان مسحونات .
- شفتي الدقيق العيش ،، تجييي وتقلي في النار لحدي مايبقي لونو بني محروق ، تضيفي مويه لحدي لحدي مايبقي خليط متماسك تخين ، تخلي ينجض مع المويه ، تنزليها تبرد شويه ، تجيبي قشر بتقال ورز مدروش ناجض وترمس مسحون وكركم وتكبيهم في الخليط ، وتخلطيهم لحدي مايتماسك 👑
BY جيههه وشعر💄💅
Share with your friend now:
tgoop.com/geeehaaa/4076