tgoop.com/geeehaaa/3136
Last Update:
ي بنات 🎤ركزو معاي هنا 😒اي واحده شعرها خفيف 😞بيتساقط ☹️💔?الليله جبت ليكم الحل الزيت 😎بس انتو ركزو معاي خطوه بخطوه :
اولا :الاسباب
①التوتر والسهر والنوم الغير منتظم :عايني لي هنا 😒بتساهري ل شنو? مافي حاجه اهم من شعرك وجسمك 😂لازم في اليوم تنومي ع الاقل 6ساعات تمام 🙂
②صلحي نظامك الغذائي اكلي الاغذيه البتحتوي علي البروتينات والاملاح المعدنيه والفيتامينات
③النقطه التالته دي اهم حاجه لانو دي معظم الناس البيعانو من التساقط بسبب المشكله دي بس احنا م جايبين ليها خبر 😨اللهي اضطراب الهرمونات وتكيس المبايض 😯ودي مش بتخلي الشعر يتساقط برضو هي السبب في ظهور حب الشباب لمعظم الناس 🤔
⭕️طيب العلاج شنو? ??
ركزو معاي 😴عشان تحلي المشكله دي عندك خطوات لازم تتبعيها :
1-اول حاجه لازم تنومي وقت كافي وتعدلي من نظامك الغذائي بقدر الامكان وممكن تاخدي مكملات غذائيه 😀 لو التساقط وقف الحمدلله 🙂بس تعملي ماسكات طبيعيه لشعرك (ال ح اكتبها في نهايه البوست) عشان تحافظي علي شعرك وبرضو الماسكات دي ح تدي شعرك حيويه 😍وبتغذيهو 😘
2-في حاله التساقط م وقف في الحاله دي غالبا التساقط بيكون بسبب اضطراب في الهرمونات او تكيس في المبايض زي ما زكرت قبيل .بس الموضوع م خطير 😁وزي م بقولو اي مشكله ليها حل 😍 يلا ركزي معاي ح تعملي شنو في الحاله دي 🤔?
لازم تمشي لاخصائي نساء وتوليد 😂وتعملي الفحوصات اللازمه عشان لو م اتعالجتي من مشكله الهرمونات وتكيس المبايض حتي لو عالجتي التساقط برجع ليك تاني 🙃عشان كده لازم تعالجي المشكله من جزورها تمام 😘 وتاني اعملي ماسكات طبيعيه
🛑المـــــــاسكات :
1⃣ماسك البيض والعسل :
تجيبي 2صفار بيض وملعقه عسل واحدهوملعقه زيت جوزهند او زيت بذره الكتان . ممكن تضاعفي الكميه علي حسب طول شعرك. امزجيهم مع بعض لحدي ما يبقي الخليط متجانس وحطيه ع شعرك وهو نضيف وخليهو ساعتين وبعدها غسلي شعرك بالشامبو
الماسك ده بتعمل مره واحده في الاسبوع وح تلاحظي الفرق من الاسبوع التالت 😌👌
2⃣ماســــــك الحناء والحلبه :
تغلي الحلبه وتصفيها وتجيبي كبايه من مويه الحلبه دي وضيفي ليها ملعقتين حنه او لحدي ما القوام يكون مناسب 🌝وطبيقيهو علي شعرك وغسلي شعرك بعد ساعه 👌يلا ركزي معاي بعد تغسلي شعرك جيبي ملعقتين زبادي وملعقه زيت جوز هند اخلطيهم مع بعض وطبقي الخليط علي شعرك وخليهو لمده ساعه وغسليهو بالشامبو
الماسك ده برضو بتعمل مره واحده في الاسبوع
3⃣ماسـك الثوم وزيت الخروع :
الماسك ده يحتو كعبه 😂بس صدقوني مافي احلي منو 😘
تجيبي كبايه زيت خروع +كبايه زيت زيتون +4فصوص ثوم
تسخني زيت الزيتون وزيت الخروع في النار علي درجه حراره هاديه ومعاهم الثوم لحدي ما يبقي دافئ بس م يسخن شديد عشان المركبات الفي التوم م تتفكك بالحراره. .وختيهم في زجاجه لونها غامق في مكان مظلم لمده تلاته ايام حيكون جاهز للاستخدام 🙂👍
لما تجي تختيه علي شعرك لازم يكون نضيف وغسلي شعرك بعد تلاته ساعات
الماسك ده بتعمل مرتين في الاسبوع
🌺🌺🌺🌺🌺
BY جيههه وشعر💄💅
Share with your friend now:
tgoop.com/geeehaaa/3136