tgoop.com/gddaogt/23557
Last Update:
،، ﷽.قصائد محرم( ثكيله
اللهم صل على محمد وال محمد
وزن ميمر)
$••★┈┈•
ياناكه بالله اتمهليلي ابممشاج
وخليني لو لحضات اسولف وياج
طول الدرب محتاره
جمر العذاب ابناره
┈•┈┈★•$ ✿ $••★┈┈•
┈•┈┈★•$ ✿ $••★┈┈•
هونج يناكه تر يضيلي اشويه
روحي تظل من الحزن مجويه
افراك الاخو هيج جروح البيه
امشي بحزن ورويحتي مدميه
شحمل بعد من القهر حاجيني
ونيت ون الثاكله تدريني
كلبي ايعثر بخطاره
جمر العذاب بناره
┈•┈┈★•$ ✿ $••★┈┈•
┈•┈┈★•$ ✿ $••★┈┈•
كلبي تكطع ونتظر ملكاهم
موانه اختهم موربيت وياهم
ياناكه روحي من الحزن تنعاهم
وسفه الدهر هليوم مني اخذاهم
السفره طويله وياهو ليدليني
مكطوع كلبي ولدموع بعيني
دمع الحزن يتجاره
جمر العذاب وناره
┈•┈┈★•$ ✿ $••★┈┈•
┈•┈┈★•$ ✿ $••★┈┈•
ابهودج خوارج امشي مامتعوده
وين البطل عباس ياهو يرده
ويشوف حالي ولكفر مشتده
وسفه الجفوف اتكطعت من زنده
دمعي يصب من الحزن واسيني
ظليت لاوالي وحمه تدريني
كفالي ماكو خباره
جمرالعذاب وناره
┈•┈┈★•$ ✿ $••★┈┈•
┈•┈┈★•$ ✿ $••★┈┈•
بعيني دموع الماتبطل تجري
وسفه تغيب عني والي خدري
ابروحي لوعات المصايب تسري
مستعره جمرات الاحزان بصدري
ريضي عل هونج بالله وعينيني
محنيه من كثر الهظم شوفيني
درب الحزن واسفاره
جمر العذاب وناره
┈•┈┈★•$ ✿ $••★┈┈•
┈•┈┈★•$ ✿ $••★┈┈•
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
https://www.tgoop.com/gddaog
BY الشاعره مريم العبوديه اسيرة الاحــزان💔
Share with your friend now:
tgoop.com/gddaogt/23557