💔😭اصدار حصري وجديد حديث مفجع وحزين🔥 مع نعي للعليله عليها السلام من ديوان الصوت الحسيني 👈 ٢ج😭💔

صلى الله عليك يا مولاي وابن مولاي يا ابا عبد الله يا من نحرك منحور وصدرك بحوافر الخيل مكسور وعيالك سبايا من بلد الى بلد تدور سيدي يامن لك الدموع الساكبات يا من لك الاه والعبرات وتبقى صرختنا مدى الحياه
حسين ياحسين... حسين ياحسين

كم من عزيز رحل ولم يعد الينا
وتركوا نارا في القلب والما
بقيت ديارهم خاليه وتوحشنا
كم من عزيز لم يعد ولم يكونوا بيننا

اوووف. اوووف. يمه ياااايمه

احايانارهم ولله جوتنه
هدمت الحيل وخمدتنه
فركه الحبايب المتنه
➖➖➖➖➖
نون ونصيح كمنه احا يهلنه
ضل مضلم علي موحش نزلنه
صار افراك وي اهل المحنه


انا لله وانا اليه راجعون عظم الله اجورنا واجوركم يا شيعه يا محبين بمصاب سيد الشهداء وابن الاوصياء
يا حال مولاتنا العليله الطفله الوجعانه المنكسره التي فارقوها كل الاحباب كل الاهل حملوا بالضعينه ورحلوا عنها وتركوها في الديار الخاليه لانها لم تستطيع على السفر معهم اخذ الحسين عليه السلام يجمع عياله واهل بيته وشدوا عا الرحيل وهي تنظر لهم ولما علمت بانها لم ترحل معهم يا حالها بهاي الساعه وهي طفله وعليله وبقيت بالديار وحيده المريض يحتاج اهله يمه يحتاجله احد يباريه يدير باله عليه يعدل غطاه العليله من بقى وياها روحي لها الفداء حالها يكسر كل كلب من علمت بانها لم ترحل معهم اتت الى والدها الحسين عليه السلام قالت له ابي هل نويت على الرحيل قال نعم يا فاطمه قالت و ماخذ كل العيال قال لها نعم يا فاطمه قالت و اني ما اروح اوياكم هنا بقى الحسين متحير كلها بنيه فاطمه انك طفله وعليله ولا تستطيعين السفر معنا عندما اصل واستقر ارسل اليك عمك العباس واخاك علي الاكبر لياتوا بك الينا هنا العليله من سمعت من سمعت كلام الحسين ونت وانكسر كلبها ونت وصاحت
تكله

بويه. بووويه يااااابويه
مو تدري بيه انه عليله
من المرض روحي نحيله
كلي افراكم شلون اشيله
➖➖➖➖➖➖
ماحسبت يابوي بيه
اضل بدياركم وحشه وخليه
ولله اكسرت كلب البنيه
➖➖➖➖➖➖
تحمل اضعونك عني وتروح
اونن اضل مابطل النوح
حيلي نهدم والكلب مجروح


اي هنا تكلم وياها الحسين وصبرها وشد المحامل وسار الضعن وهي تنظر لهم اه واويلاه مكسور خاطرها شافت الضعن سار صدت للديار ما بقى معاها بس ام البنين وام سلمه صدت للديار خاليه ظلت من وجوه الاحباب خله البيت من صوتهم من لمتهم من ضحكتهم البيت اللي جان زاهي و مزهر بوجود الاهل ما تحملت ركضت خلف الضعينه وتنادي حسين يا حسين قف الي الضعينه فخذت تنادي ابي ابي يا حسين ارحم حالي وضعفه بدني يقول سمع الحسين صوت العليله تنادي خلف الضعن وكف الضعينه ورجع لها
شتكلهه

ريضو ضعنكم يالمرحلين
ارحم بحالي بويه يحسين
عن فاطمه بويه رحت وين
واويلاه. ويلي ويلي

➖➖➖➖➖➖
شلون تروح بويه بعيد عني
هذا السفر ولله كتلني
يفراكم كلش هدمني
➖➖➖➖➖➖
ارحم يبويه حال بتك
تشبع حزن واهموم بعدك
رد الضعن بويه اعله بختك
➖➖➖➖➖➖
هنا انكسر قلب الحسين رجع لها وقال لها

يكلهه بويه بوووويه يااابويه
يافاطمه حيلي هدمتي
بعتبج لعد كلبي كسرتي
يافاطمه نزلت دمعتي
➖➖➖➖➖➖
بويه ادري بيج وجعانه وعليله
رحلتنه يبويه شكد طويله
وهذا السفر مابيج حيله
➖➖➖➖➖➖
تكله مارد مارد
ولله يبويه يحسين مارد
وعيني عليكم تبقه تصد
ولمن ضعنكم عني يبعد
➖➖➖➖➖➖
مارد لمن عني تبعدون
ومنكم تأيس بويه العيون
وتبعد عليه كل الضعون
➖➖➖➖➖➖
يحسين بويه صعب الفراك
روحي عليكم حيل تشتاك
وفراكم للكلب حراك
➖➖➖➖➖➖
هنا العليله سار عنهه الضعن وايست منهم ورجعت للدار بس بيا حال رجعت ويلي عليها

نعي على طور النمساوي

يمه شلون اصدها
هاي المباني شلون اصدها

يمه غياب اهلها
وعني اصبحو غياب اهلها

يمه وخاب املها صدك بويه
روحي تون وخاب املها

➖➖➖➖➖➖
يمه دار العزيزين
ضلمه اصبحت دار العزيزين

يمه تعمي تره العين
حزينه مكدره وتعمي تره العين
يمه يالغالي يحسين
شيفارك يالغالي يحسين

➖➖➖➖➖➖
يمه هالدار بيها
ماريد اضل هالدار بيها

يمه غايب وليها
عني صبح غايب وليها

يمه مامر عليها
اخلاف المشو مامر عليها

➖➖➖➖➖➖
يمه يادار العزاز
ضلمه وخليه دار العزاز

يمه للعين بزاز
وفراكهم للعين بزاز

يمه وكلبي يعتاز
احنان وعليهم كلبي يعتاز


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

كتاب يخبل ونااار 🔥😭 بقمة الروعه والحزن والنعي المفجع اليوجع الكلب تصوري تقربن بالمجلس مثل هيج كلام والكل فاقد تصوري شراح يكون مجلسج

توجد لدينا خدمة توصيل لجميع المحافظات وبسعر مناسب جداً ٥ الاف فقط يوصلكم الطلب للبيت بدون تعب ولامعاناة وفرنا لكم وسهلنه عليكم الطريق

للحجز والتواصل راسلو عالرقم

٠٧٨٦٣١٥٥٦٦٦



https://www.tgoop.com/firyjgssMeropmm

😭لطميه ثقيله لمسلم ابن عقيل عليه السلام عن لسان حال ابنته حميده من ديوان زينب ولطفوف 👈 الجزء السادس 😭



اليوم اون  للدللاني..... فراكه شو  كلش عماني

اليوم الفراكه اون..... روحي ظلت بالحزن

اليوم اون للدللاني.... اليوم اون للدللاني

😭😭😭😭😭😭😭
اليوم الفراكه اون زايد ونيني

بعيد شال الوالي عني وما يجيني

وياه راحت فرحتي وانعمت عيني

وياه راحت فرحتي..... اليوم اجر بونتي

اليوم اون للدللاني.... اليوم اون للدللاني

😭😭😭😭😭😭

شال للكوفه الولي ما رد ا ليه

وظلت دموعي على غيابه جريه

الروح لغيابه تون صبح ومسيه

بلوعتي واحزاني..... لابو خلاني

اليوم اون للدللاني.... اليوم اون للدللاني

😭😭😭😭😭😭
خله كلبي بالحزن والدمعه بالعين

طول غيابه علي ما ردلي الحنين

رحت ابجي وناشدت يا عمي  يحسين

راح عودي وما رجع..... والكلب مني انصدع

اليوم اون للدللاني.... اليوم اون للدللاني

😭😭😭😭😭😭
راح عود وما رجع واتهدم الحيل

عيوني سهرانه لغيابه ودمعي يسيل

الروح لغيابه تون ما نايمه الليل

دمعتي بجفوني..... ما تنام عيوني

اليوم اون للدللاني.... اليوم اون للدللاني

😭😭😭😭😭😭
دمعتي بعيني ولا نشفت دمعتي

مكسره بصدري عليه ظلت عبرتي

للابو تلهب ولا تطفي جمرتي

جمرتك لهابه..... من شلت يا يابه

اليوم اون للدللاني... اليوم اون للدللاني

😭😭😭😭😭😭😭

جمرتك لهابه ما تطفي يوالي

وياك ضاع اليوم كل عز ودلالي

فراكك ا عليه صعب تدري يغالي

وياك ضيعت الدلال...... والدمع من عيني سال

اليوم اون للدللاني.... اليوم اون للدللاني



تمت ✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له



خادم اضل لحسين ماامل هيهات

يبقه القلم منذور ويخط هالابيات




اضغط على رابط قناة اليوتيوب ليصلكم كل جديد

👇👇👇
https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

🔥اصدار حصري وجديد لطميه ثكيله لمسلم ابن عقيل عليه السلام عن لسان حال ابنته حميده (ابعيد سافر) من ديوان محزوز الوريد 👈٣ج 🔥🔥

ابعيد سافر... مارجع عودي عليه
ابعيد سافر... خله دمعاتي جريه
وليفارك فرحته.... حكه يهمل دمعته
ابعيد سافر... ابعيد سافر

➖➖➖➖➖➖
وليفارك فرحته شله بحياته
يضل هالونه يجرها الحد مماته
والابو لوشال ذلن غالياته
الكلب جر بونته... حكه يهمل دمعته
ابعيد سافر... ابعيد سافر
➖➖➖➖➖➖
الكلب جر بونته للشال عنه
ضل يون وينوح للي بيه محنه
لاخبر مكتوب لاطارش وردنه
اعليه طالت غيبته.... حكه يهمل دمعته
ابعيد سافر... ابعيد سافر

➖➖➖➖➖➖
اعليه طالت غيبته مارد علينه
الروح لغيابه تون ضلت حزينه
رحت يم حسين كتله عودي وينه
مثلي جر بحسرته... حكه يهمل دمعته
ابعيد سافر... ابعيد سافر

➖➖➖➖➖➖
مثلي جر بحسرته وهملت العين
كلي مايرجع بعد كثري بالونين
بفكد ابوج اشبيدي عمي خان هالبين
حيل كلفه فركته... حكه يهمل دمعته
ابعيد سافر... ابعيد سافر

➖➖➖➖➖➖
حيل كلفه فركته وتهدم الحيل
العين سهرانه وجفن مايغمض الليل
حكه دمعي اعله الابو لو ضل دمه يسيل
روحي عزها فكدته... حكه يهمل دمعته
ابعيد سافر... ابعيد سافر

ابعيد سافر... مارجع عودي عليه
ابعيد سافر... خله دمعاتي جريه

تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له



https://www.tgoop.com/firyjgssMeropmm

🔥اصدار حصري وجديد لطميه لمسلم عليه السلام تنقره با الطور الموشح او الرده الحماسيه( غدرته الخياله) وتنقره رجالي ونسائي من ديوان محزوز الوريد 👈 ٣ج 🔥


حيف مسلم غدرته الخياله
ظل يون عا الكاع محد شاله
حيف مسلم غدرته الخياله
___
اليوم مسلم بس يدير عيونه
ما هم الخوان ويحضرونه
ما دره العباس حاله شلونه
عالوطيه مكطعات ا وصاله
حيف مسلم غدرته الخياله
__
ما دره العباس هاليوم شجره
طاح مسلم بين زمره الكافره
جثته بحبال ويلي مجرجره
بالشمس محد وكف فياله
حيف مسلم غدرته الخياله
___
بالشمس مطروح يا حيف البطل
لعد مير حسين علمه ما وصل
بين غربه الحيد هاليوم انكتل
عليهم عيونه بقت هماله
حيف مسلم غدرته الخياله
___
ظلت عيونه تهل بس الدمع
ما دروا بالحيد ظل بيا وضع
اليوم من عالي القصر مسلم وكع
محد اليمه كعد ينعاله
حيف مسلم غدرته الخياله
__
ابعاد اهله محد اليمه حضر
ما دره يا حيف ابن فارس مضر
ما وصله وراح لحسين الخبر
حالت عضيده صدك كتاله
حيف مسلم غدرته الخياله
___
حالت عضيده تفطر كل كلب
مات مسلم وحده ما بين الغرب
جثه مرضوضه ودمه ظل يصب
برض كوفه ومحد ادناله

حيف مسلم غدرته الخياله
ضل يون عالكاع محد شاله


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


https://www.tgoop.com/firyjgssMeropmm

🔥اصدار حصري وجديد فزاعي سريع بدايتها هوسه لمسلم عليه السلام (طول عليه غيابه) من ديوان الميدان الزينبي 👈 ٥ج 🔥


حميده تون لابوها من عدها الدمع يجره
طول الغيبه عليها وحيل متكدره
تريد الولي يرد ليها وعن الحال اهي تخبره
تكول العاف بته وراح اعتبه اليوم ماعذره

(نزلت الفزاعيه)

من شال عزي وهيبتي
طول عليه غيابه
➖➖➖➖➖➖
من شال عودي مارجع
والكلب لغيابه نفجع
والحمل من عدي وكع
بالكلب ضل اصوابه
من شال عزي وهيبتي
➖➖➖➖➖
والروح مالومه وتون
حكهه تضل بس بحزن
عالعين الطم والمتن
للبيه كل اهيابه
من شال عزي وهيبتي
➖➖➖➖➖➖
بالكدر ضل ياحالي
من شال عني الوالي
بس الدمع ضل هالي
حكي من اونن يايابه
من شال عزي وهيبتي
➖➖➖➖➖➖
ضلت تهل يادمعتي
وياه راحت هيبتي
شالت العزه وفرحتي
ياناره الهابه
من شال عزي وهيبتي
➖➖➖➖➖➖
اخلافه روحي بالهضم
والكلب ون وملجم
والحيل مني منهدم
للنايم اعله اترابه
من شال عزي وهيبتي
➖➖➖➖➖
تدي عليه اجروحي
مايفل وني ونوحي
بالحزن ضلت روحي
الوالي من سد بابه
من شال عزي وهيبتي

(بغيابه//طول والينه)

(هد حيلي //من يوم السافر)

(طول بغيابه//ومارد لينه الوالي)

(شال العز اوياه//يوم الشال الهيبه)


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


https://www.tgoop.com/firyjgssMeropmm

🔥اصدار حصري وجديد هوسات ميدانيه المسلم عليه السلام من ديوان الميدان الزينبي 👈 ٥ج 🔥🔥

ضل مسلم يدير العين مفرد برض كوفان
خانت بيه انصاره يمه مابقه عوان
اويلي اعله الغريب الضل وحيد ابين هالعدوان
مايمه اهل وانصار عنه ابعيده الخوان

(خانت بيه//كل انصاره)

(ماكو اخوان يعينونه//وحده بديرة غربه)
➖➖➖➖➖➖
نقضو بيعته العدوان ضل مسلم يدير العين
وحده ومااله انصار مفرد بين الملاعين
راد اطروش لن توصل لعد مير حسين
يرجع عيلته ابن الميامين

(يرد بيها//وحسين اضعونه)

(وين اطروش التوصل ليه//تكله بمسلم خانو)

➖➖➖➖➖➖
ضل مسلم غريب الدار يون ومحد اليمه
ضل مطروح عالتربان ويلي وغارك بدمه
بس كوم الاعادي اعليه ملتمه
وين اللي يصل ويروح ويخبر ابو اليمه

(بعلومه//لحسين يخبر)

(شوف اصاير بحواله//الحك يحسين المسلم)

➖➖➖➖➖➖
الف وسفه والف ياحيف من عالي القصر شمروه
كطعو راسه العدوان مارحموه
بنص السوك جثمانه صدك جروه وااماماه. واغريباه
هذا ابن الرساله ليش ماهابوه
(جثمانه //بالسوك انجرت)

(جرو جثمانه //الحيد وكطعو راسه)
➖➖➖➖➖➖
حميده تون لابوها وتهل دمع العين
ماعاود عليه تكول ابوي الزين
خلاني يتيمه وكلبي حيل احزين
روحي مكدره وضلت للونين

(الوليها//وتون الروح)

(دمعات عيوني//تهل للغالي)
➖➖➖➖➖➖
خلاني بيتم عودي وخلاني بمهضميه
من يوم المشه ماعاود اعليه
ضلت دمعتي اعله الغالي مجريه
ضلت بالحزن وتنوح البنيه

(اعله افراكه//حزنانه الروح)

(ضليت اخلافه//الدمعه بعيني تلالي)

➖➖➖➖➖➖
هوسه طلب حاجه من باب الحوائج مسلم ابن عقيل


بابك باب للحاجات وجيت اليوم ادكنه
ادري بغيرتك مولاي ولله ماتفلشنه
جثيره اهموم وي الالام عدنه وحيل اذتنه
ندك بابك يمسلم حاشه تردنه

(عنايه//ولبابك كاصد)

(بابك للحاجات//مجرب عدنه مجرب)

➖➖➖➖➖➖
اجيتك ياسبع ياحيد ياجيدوم
ادك بابك يمسلم جيت هذا اليوم
احلفك بالمشت مسبيه وي الكوم
تفرح كل كلب ناداك ومنه تزيل كل اهموم

(نادينه//مولاي ادخيلك)

(حاشه ترد طلاب//مجرب ياابو الغيره)


تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://www.tgoop.com/firyjgssMeropmm

💔اصدار حصري وجديد نعي مع حديث مختصر المسلم عليه السلام من ديوان الصوت الحسيني 👈 ٢ج 💔

صلى الله عليك يا مولاي وابن مولاي يا ابا عبد الله يا من نحرك منحور وصدرك بحوافر الخيل مكسور وعيالك سبايا من بلد الى بلد تدور سيدي روحي وارواح العالمين لك الفداء يا غريب كربلاء يا من راسك على القناه ارتفعا وشيبك الطاهر بالدماء تخضبا السلام على الدماء الزاكيه السلام على الاعضاء المقطعه السلام عليك يا ابن رسول الله وابن الاوصياء يا سيد الشهداء

اشتد بنا البكاء على جسمك السليب
وعلى خدك التريب
وشيبك الخضيب يا حسين
حسين ياحسين... حسين ياحسين
نعي

مصابك اليم ودوم ننعاه
نذكر الراس برمح شالاه
وصدرك يغالي الشمر داساه
المعذره يامولاتي المعذره يامولاي ياصاحب الزمان
➖➖➖➖➖➖
يحسين لك دمعات العيون
كوم العدا بصدرك يدوسون
وبراسك صدك كاموا يهوسون


انا لله وانا اليه راجعون عظم الله اجورنا واجوركم بهذا المصاب الاليم يا شيعه يا محبين لما وصل الخبر الى الحسين عليه السلام بمقتل مسلم انكسر قلبه ودمعت عيناه وعرف بغدر الاعداء لهم وتالم ليومه وفراقه ولم يكن حاضر معه ولم يشاهد ما جرى عليه روحي له الفداء لو تعلم يا ابا عبد الله ماذا جرى عليه لقد سحبوا جثمانه بالشوارع والطرقات وشمروا جثته من عال القصر واويلاه ومسلماه وبقي مسلم وحيدا فريدا بين الاعداء لا ناصر له ولا معين بكى الحسين ونادى جيبوا لحميده حميده بنت مسلم اتت حميده الى عمها واخذ الحسين يمسح على راسها تعرفون المسح على الراس دلاله على اليتم حس قلبها بالخوف ونت حميده

تكله

تمسح على راسي بجفك
كلي من خبر عمي شعدك
هم جالك خبر من ابن عمك

➖➖➖➖➖➖
شنهي الجره كلي يعمي
شفتك حزين وزاد همي
مني ثكل هاليوم وني
➖➖➖➖➖➖
شفتك تهل دمعات العيون
ناديتني والكلب محزون
شفتك حزين مغير اللون
➖➖➖➖➖➖
عن والدي عمي اخبرني
عودي يعمي راح مني
خلاني يتيمه بزغر سني

➖➖➖➖➖➖
صاح الحميده وون الحسين
بيده مسح يادمعت العين
كلهه يعمي لاتهمين
➖➖➖➖➖➖
انه ابوج وعماتج هذني
اشبيدي اعله ابوج الراح مني
يومه كسر كلبي وهدمني
➖➖➖➖➖➖
عمي ابوي اليوم اريده
علي شوفته صارت بعيده
كلبي عليه بعد شيهيده
➖➖➖➖➖➖
من راح شو مارد عليه
ضلت دمعتي اعالخد جريه
بالظيم ضل حال البنيه
➖➖➖➖➖➖
لارد عليه وودعاني
لاخبر لاطارش اجاني
لفراك الابو ضليت اعاني
➖➖➖➖➖➖
افراكه كلف وشلون احمله
الروحي كضه بيه شخله
دربه بعيد ومااندله
➖➖➖➖➖➖
عودي عليه بعيد دربه
عيوني عليه اليوم تربه
كاس المر يعمي راح اشربه

➖➖➖➖➖
نعي كرناوي

طالت غيبتك يابوي ماجيت
ولانشديت عن حال البنيه

ضلت دمعتي تجري اعالخدود
اون اعليك كل صبح ومسيه

يبويه اخلاف عينك حالي ياحال
كلبي ينوح ودمعاتي جريه

اتذكر يبويه الكعده وياك
راحت ماترد يابوي اليه

انت احزام ضهري وسند دنياي
رحت ابعيد ماتنشد عليه

ماجيت ونشدت اصار ماصار
اخلافك ياالابو هم واذيه


تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


https://www.tgoop.com/firyjgssMeropmm

🔥اصدار حصري وجديد قصه وموعظه عن ذكر وفضل الصلاة على محمد وآل محمد
((اللهم صلِّ على محمد وآل محمد)) من ديوان الصوت الحسيني 👈 ٢ج 🔥🔥

قال امامنا الصادق عليه السلام ((لو تعلمون ما فضل الصلاه على محمد وال محمد لما نقطعتو عن ذكرها))
ان الصلاه على محمد وال محمد تهدم الذنوب هدما اختي الفاضله
دائما رددي وخلي لسانكم يردد بذكر الصلاه على محمد وال محمد فانها تريح النفوس وتنور القلوب وتشفي المرضى وتقضى بها حوائج تقضى بها حوائج ذكر الصلاه على محمد وال محمد اذا عندك حاجه بس رددي الصلاه على محمد وال محمد باللي تكدرين عليه وان شاءلله تقضى حاجتكي بفضل تلك الصلاه وخصوصا خصوصا اذا تهدين هذه الصلوات بالنيابه الى صاحب العصر والزمان (عجل الله فرجه) فانها تسهل وتقضى حاجتك ان شاء الله واذا كان عندك مريض جيبي كوب مي واقرا عليه سوره الفاتحه ورددي الصلاه على محمد وال محمد باللي تكدرين عليه وشر بيه للمريض اللي عندك راح تلاحظين فرق وشفاء ونور وبركه بفضل تلك الصلاه دائما وانتي تمشين وانتي تشتغلين رددي الصلاه على محمد باللي تكدرين عليه سوف تكتب لك حسنه يعني تحصلين حسنات بدون تعب وكل هذا ذخر الك ومنفعه الى يوم لا ينفع به مال ولا بنون اهواي اهواي فضائل لتلك الصلاه سوف اروي لكم قصه قصيره وان شاء الله تكون موعظه لنا ولكم وشوفي فائده تلك الصلاه شلون اللهم صل على محمد وال محمد

((القصه))

كان هناك رجل كثير الذنوب والخطايا .. وكانت الناس قليلا ما تقبل عليه.! وبعد مرور سنوات مرض هذا الرجل ، أصابته حمى وبنفس اليوم اختاره الله ..

حزن الأهل عليه كثيرا... ليس فقط لأجل فراقه وإنما لأجل مرضه الذي لم يستغرق أياما طويله ... ليكفر بها عن ذنوبه ... لأن المرض يمسح جميع الذنوب.

وتم تشييع الرجل بحضور عدد قليل من الناس .! وعند الصلاة عليه كانت هناك صفوف كبيرة جدا...من الناس !! يصلون عليه.. مما أذهل الشيخ والناس.

وعندما ذهب الشيخ للنوم رأى رؤيا ان الرجل قد مسحت جميع ذنوبه فتعجب الشيخ من الرؤيا.

وذهب في الصباح مسرعا إلى بيت الرجل يسأل زوجته عن السبب !!

فأجابته الزوجة : انه في يوم من الأيام سمع زوجي حديث عن الإمام الرضا عليه السلام:

«من لم يجد ما يكفر به ذنوبه فليصلي على محمد وآله فإنها تهدم الذنوب هدما».

فكان زوجي يداوم على الصلاة على محمد وآل محمد في كل لحظه صباحا ومساءا.

فقال الشيخ: زوجك مسحت جميع ذنوبه في الدنيا وله في الآخرة منزلة عظيمة.. ويأتي يوم القيامة على هيئه نور بفضل الصلاة على محمد وآل محمد .

اللهم صل على محمد وآل محمد وعجل فرج مولانا الإمام المهدي المنتظر يالله


تمت اعداد وتنظيم ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


https://www.tgoop.com/firyjgssMeropmm

🚫الى كل خادمات الحسين روحي له الفداء 🚫

ومن يعظم شعائر الله فانها من تقوى القلوب

قال امامنا الصادق عليه السلام ( حيوا امرنا رحم الله من احياء امرنا)

بسم الله الرحمن الرحيم والصلاه والسلام على سيد المرسلين وعلى اهل بيته الطيبين الطاهرين

عظم الله اجورنا واجوركم بهذا المصاب الاليم وهذه الفاجعه الاليمه احباب كلبي يا احباب الزهراء

اخواتي الفاطميات الى كل من تدعي بانها خادمه حسينيه فاطميه علويه مهدويه اخواتي مقبل علينا شهر عاشور شهر الفاجعه شهر المصاب واخواتي خادم الحسين هذا اللقب مو هين هذا شرف هذا وسام وهنيئا لمن نال هذه المرتبه عند الزهراء هنيئا له من نالها بصدق نيه وقلب سليم اخواتي خلوا خدمتكم خالصه للحسين خلي نيتك خالصه وصادقه للحسين ومعازاه للزهراء مصاب الحسين مصاب اليم مصاب عظيم مصاب بكت عليه الارض والسماء مصاب اجرح قلب مولاتنا الزهراء مصاب اجرح قلب مولانا صاحب العصر والزمان عج فلا نتخذ دم الحسين تجاره لنا ولا نتخذ دم الحسين وتضحيه الحسين من اجل شهره لنا اخواتي خل خدمتكم خالصه للحسين ومصابه اخواتي الفاطميات هالله هالله بالمبتدئات مقبل علينا شهر عاشور وهواي من الاخوات جاي يعانون وخابروني بكثره خابروني بكثره على هذا الموضوع لمن هي مبتدئه اختي لمن هي مبتدئه وجاي تتعلم جاي تتقوى مجالس الحسين مدارس مجلس الحسين ما متوقف علي وعليك مجالس الحسين من جيل الى جيل وهذه مدرسه لازم تبقى مستمره انت لمن الله انطاك هالموهبه وامكانيه وصوت وجراه وشعبيه فلا ياخذج الغرور اختي ساعدي المبتدئه شجعي المبتدئه هذا طريق حسيني طريق فاطمي اللي تشوفين عنده ضعف انت شجعيها قويها مو تضحكين عليها تجرين السماعه من ايدها ما تنطيها مجال الحسين حسين الكل مجالس الحسين يجب ان تبقى عامره محد يبقى كلنا نموت فمجالس الحسين لازم تحيا شلون نحيها احنا وراح من نعطي مجال للمبتدئه راح تتقوى راح تتعلم ما راح يبقى منبر الحسين خالي من جيل الى جيل وصدكي صدكي يا اختي هذا كله اختبار لنا و ما يضيع شيء عند الزهراء انت قدمي وساعدي انت شاركتي بالمصيبه شاركتي بعزاء الحسين زين لا تخلين بس الج مثل ما تحبين لنفسج حبي لغيرك فالمبتدئه شلون التلميذه وعند المدرس المدرس اذا تلميذه ضعيف يعيفه لو يقويه في سبيل ينجح فانت هكذا يا اختي قوي المبتدئه شجعيها ادعميها انطيها دعم منك مو تكسرن بالمبتدئات اخواتي احنا مو ندعي بين خدام الحسين لازم نكون خدام قلبا وقالبا احباب كلبي وبعد شغله ثانيه اختي لا تتخذين مجلس الحسين ودم الحسين تجاره اختي لا تطلبين مبلغ على المجلس انت من تدخلين للبيت اقري قدمي معازات قدمي مواساه قدمي خدمتك للزهره واللي يجي من رزق الحسين اكتفي بيه له الحمد والشكر يكفي بان انت حملتي اسم خادم الحسين اجرك يم الزهراء محفوظ اجرك يم الزهراء هناك تكون شفيعه ان شاء الله فهذا المال مال دنيا زائل زائل والله زائل ما يبقى بس ذكر الحسين واسم الحسين هو الشفيع هو المنقذ فاحنا لا نتخذ دم الحسين تجاره لنا اخواتي رجاء في هذه الحاله لا تطلبون مبلغ على المجالس اللهم اجعلنا من الخالصين مع الحسين ومن الصادقين مع الحسين ومن الراكبين في سفينة الحسين

اللهم اجعلنا من الخالصين والصادقين في خدمة الحسين

يحسين بخدمتكم ماادور مال
اضل انعى المصابك والدمع همال

اضل طول العمر خادم الك يحسين
اعازي امك البضعه وهل دمع العين

خادم منبرك والكل يعرفوني
اتباها وافتخر لمن يسموني
خادم حسيني


تمت✍️ الشاعره والمله ام حسين العامري

لطميه ثكيله لاولاد مسلم عليهم السلام من ديوان مصائب لاتنسى 👈الجزء الثالث



بالغاضريه......بالغاضريه...
ضاعو يتامه اثنين بالغاضريه


ضلت سريه.......ضلت سريه...

والنار بالدلال ضلت سريه

*
ضاعو اولادي اثنين... من هجمت الخيل
شحال اليتامه بالخلي....من جلجل الليل
روحي عليهم هل كضت... ماضل بعد حيل
اصفك بديه........اصفك بديه..

ضليت اونن عالولد واصفك بديه

*
ضليت اونن عالولد.. والحيل مهدوم
حكي من اونن وانتحب...للضاعو اليوم
يانور عيني وسلوتي....ياحلو الارسوم
مارد اليه........مارد اليه....

ناديت يمه يالولد مارد اليه

****
ناديت يمه يالولد....ارحم بحالي
ياهو اليدوركم الي....ماعدي والي
شيردكم اعليه بعد...يمه يغالي
يصعب عليه........يصعب عليه..

وفراكم يمه صعب يصعب عليه

***
افراكم يمه صعب....مابيه اشيله
روحي عليكم صبحت...كلش نحيله
ماضل ولي عدي بعد...يمه اشتيكيله
يهل الحميه........يهل الحميه..

ناديت ماواحد كعد يهل الحميه
*
ناديت ماواحد كعد....لاكال يختي
مدري اروح الياكتر...ضليت وحدي
حيرانه هاليوم انتحب....وايدي اعله خدي
هاياشفيه.......هاياشفيه..

اكعد ودورلي الولد هاياشفيه
***
اكعد ودورلي الولد....عباس اجيتك
لحضاني رجعلي الولد....خويه اعتينيتك
عباس مني تعذرت...من حشيميتك
ماتدري بيه........ماتدري بيه..

نايم يخويه اعله النهر ماتدري بيه


تمت ✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له



اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

🔥اصدار حصري وجديد لطميه ثكيله لاولاد مسلم عليه السلام (جلجل الليل) من ديوانمحزوزالوريد👈 ٣ج 🔥🔥


جلجل الليل ييمه جلجل الليل
مابعد حيل ييمه مابعد حيل
وين رحتو يالصبيايه.... ناركم تسعر اهوايه
جلجل الليل ييمه جلجل الليل
_
جلجل الليل ييمه وماكو رده
والكلب يسعر عليكم وشيبرده
والكفيل اعله النهر بعد شيكعده
روحي يايمه نحيله... بالخلي يمه الليله
جلجل الليل ييمه جلجل الليل
__
روحي يايمه عليكم ضلت تلوب
اطفال كطعيتو ييمه هاي الدروب

جلجل الليل بضلامه وصار الغروب

اطفال واويلي عليه... شلونكم هاي المسيه
جلجل الليل ييمه جلجل الليل
_
شلونكم هاي المسيه هايالازغار
وين فريتو ييمه بشبت النار

روحي مهدومه عليكم كلبي محتار

من يدوركم اليه... مابقه والي وتجيه
جلجل الليل ييمه جلجل الليل
__
من يدوركم اليه ياضوه العين
والكفل ضعني رميه بدون جفين
اه يحالي ويامصابي وعملت البين
ضعتو يمه بهالبراري.... اه ياحالي ويامراري
جلجل الليل ييمه جلجل الليل
____
ضعتو يمه بهالبراري وحالي ياحال
من يدروكم اليه ماكو كفال
عالنهر مرمي الشفيه والحمل مال
يومكم يمه كضاني... وين وداكم زماني
جلجل الليل ييمه جلجل الليل
__
وين وداكم زماني وضيعتكم
هايلب احشاي يمه فاركتكم
بالعجل يمه مشيتو ماشفتكم

وينكم هسه ييمه... الدنيا صارت حيل ضلمه
جلجل الليل ييمه جلجل الليل


تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://www.tgoop.com/firyjgssMeropmm

لطميه بقفلة الهوسه لاولاد مسلم عليهم السلام من ديوان مصائب لاتنسى 👈 الجزء الثالث



يهد الحيل..... يا يوم المداليل

سهرانه وون..... ما نايمه الليل

🌼🌼🌼🌼🌼🌼

يهد الحيل يوم الولد تدرونه

ضيعت العزيز وصدت عيونه

اريد ا حنان لوليدي يدورونه

بالوادي //خلوني وناموا

🌼🌼🌼🌼🌼🌼
سهرانه وتون اعله الولد عيني

فراكك يا العزيز الحيل كاضيني

اصد يمه المكانك خالي يعميني

لعميها //والعين عليهم

🌼🌼🌼🌼🌼🌼
طاهر ضاع مني وضاع يا طوله

روح امه تون وعليه معلوله

امه ما تهيد عليه كلوله

معلوله// روحي على فراكه

🌼🌼🌼🌼🌼🌼🌼
يتام صغار ضاعوا وين الاكيهم

ما ظلي ولي احشمه ويدورهم

ظلت بالحزن هاليوم روح امهم

حزنانه// روح امهم ظلت

🌼🌼🌼🌼🌼🌼
احا يا نارهم بالكلب لهابه

يوجع بالدليل ويلجم اصوابه

للمدلول اون بدمعه سجابه

على غيابه// شيصبر كلبي

🌼🌼🌼🌼🌼🌼🌼

على غيابه اجر ونه بأثر ونه

كلبي من الولد خل يكطع الظنه

لا يرجع بعد لا من اشوفنه

الحزنانه // ونت يا روحي

هدم حلي و اذاني.// فراكك يمه فراكك

ضاع الغالي// خل كلبي يون


تمت✍️ الشاعره والمله ام حسين العامري غير مبرا الذمه من يحدف او يغير او يتلاعب بالكلمات او يحذف اسم الشاعره وينسب الكلام له



اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

فزاعي سريع لاولاد مسلم عليهم السلام من ديوان زينب ولطفوف 👈 الجزء السابع
وتنقره رجالي ايضا على طور ((عباس العقابي))((من هجمت الخياله))



اللطميه

زينب حشمت عباس

من ضاعوا يتاماها

✏️✏️✏️✏️✏️✏️
ما تكعد يبو الشيمه

ضاع الولد بالهيمه

احا يا كلبي وضيمه

عيني الولد بجاها

✏️✏️✏️✏️✏️✏️
عيني الولد عاميها

ما تكعد يواليها

نار البزر تجويها

وتعذر الكفلاها

✏️✏️✏️✏️✏️

يل دكيت صدرك كوم

ضاع الولد خويه اليوم

حيل اختك صبح مهدوم

يوم الولد اذاها

✏️✏️✏️✏️✏️✏️

خويه انطي الوجه لا وين

وانتم عالثره منومين

ضاع الولد نور العين

وروحي الحزن غطاها

✏️✏️✏️✏️✏️

زينب نادت الوراد

فروا بالخلي الويلاد

كلبي اعله الولد ما هاد

روحي تلوب خلاها

✏️✏️✏️✏️✏️✏️
ما تكعد يخال ابني

صواب الولد صوبني

يا عباس جاوبني
كوم وجيب ظنواها

مهضومه //يا الكافل جيتك

يا من صدرك دكيته// اكعد وافيني


تمت✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له




خادم منبرك يحسين يامولاي

اقبل خدمتي وسجلهه يمك هاي

اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

هوسات لاولاد مسلم عليهم السلام

من ديوان مصائب لاتنسى 👈الجزء الثالث


فريت انادي... والدمع بالعين

مره اصيح يا عباس مره اصرخ  يخوي حسين

فر الولد بالهيمه ما ادري مشى لا وين


ضاع الولد خويه وين وين الكاه

طوله ضاع مني وما يرد ملكاه

احس حيلي انهدم هاليوم واويلاه

وين الكاه//  الضاع بهيمه

ضاع ا وليدي وين الكاه// اكعد يالكافل ليه

🪸🪸🪸🪸🪸🪸🪸

فريت الكفيلي اليوم احشمنه

ابني ضاع خويه اليوم اريدنه

حرمه بالبراري شلون ادورنه

كوم ليه وانت منطيني وعد

كوم خويه كوم دور لي الولد

وحق عينك خويه احس حيلي انمرد

دورلي اوليدي// اكعد يا البيك الغيره


🪸🪸🪸🪸🪸🪸🪸
يا كتر شط المسيب يا كتر

طاحوا الويلاد بايدين الكفر

والولد مذبوح كالوا عا النهر

اريد اوصل واشوف شلون يا حال البزر

بيوم الشال السيف عليه// المن دارت عينه

مكطعيها// بالسيف الركبه


🪸🪸🪸🪸🪸🪸🪸🪸
يا حال اليتامى بهالمسيه

ازغار اشحالهم وكت المنيه

هم طلب طاهر اظن شربت ا ميه

يتامى وعا لنهر ظلوا رميه

يا ذباحه// وبهيده اوياه



تمت ✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له


خادم اضل لحسين طولت حياتي ✍️

اقره وون اعليه حتى بمماتي✍️




اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n



اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

🔥 اصدار حصري وجديد هوسات ميدانيه لاولاد مسلم عليهم السلام مت ديوان الميدان الزينبي 👈٥ج🔥🔥


صدت للنهر زينب وتنادي يخال ابني
ضاع الولد مني اليوم ومصابه صدك هدني
ياكفال حملي كوم خويه اليوم جاوبني
شنهي الراي ياعباس ابد لاتتعذر مني

(ياكفالي//اعليك عتب)

(اكعد لاتتعذر //يامن صدرك دكيته)
➖➖➖➖➖➖
ضل اعله النهر مذبوح ماتدري الولد هاليوم
ماواحد اجاها وجاب الهه اعلوم
كطعو ركبته ياحلو الرسوم
حكه مايضل كل حيل منهه الحيل ضل مهدوم
(مذبوح يون//ضل عالشاطي)

(كعدي وني اعليه//كطعو راس الغالي)

➖➖➖➖➖➖
اه يزينب اه يحالج من فكدتي للولد
حشمتي الكفل ضعنج ماسمع لامن كعد
والولد بالهيمه ضايع ليج ماظنه يرد
روحج نحيله عليهم والكلب منهه نمرد
(ورسومه//ضيعتي الغالي)

(روحج ممروده//تون الفراك الغالي)
➖➖➖➖➖➖
زينب بالبراري اليوم ادور عالولد ضلت
فكدت طاهر ومطهر من خيل العده هجمت
الله يعينهه بياحال للويلاد من فكدت
والكافل حملهه ام عون شو ندبت
(وتحشم //للبيهم غيره)

(فرت مرعوبه//اليوم ادور اعليهم)
➖➖➖➖➖➖
اه يانار الولد صدك تسعر بالدليل
والفكد غالي يضل حيله نحيل
الولد ماكو بغلاته ويهد ولله الحيل
الله يعين زينب فكدت امداليل
(اعله غيابه//مالومه وتبجي)

(الله يساعد زينب //فكدت غاليها)

➖➖➖➖➖➖
بالكلب نار الولد مثل الجمر
يعين زينب ضيعت ويلي البزر
حيل ماضل عدها لامن ضل فكر
بعد يومهم ياريت لاطال العمر تكول زينب
(لغيابه//الحال تكدر)

(تلهب بالدلال//احا يانار الشالو)
➖➖➖➖➖➖
شط المسيب ياكتر ياناس دلوني
ارد اوصل واشوفن بيه ضوه عيوني
عالجرف مذبوح طاهر بيه خبروني
نهد حيلي عليه ومن خطف لوني
(دلوني//المسيب وينه)

(عدي عتاب اوياه//الشاطي الضيع ولدي)


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://www.tgoop.com/firyjgssMeropmm

🔥 اصدار حصري وجديد حديث مع نعي حزين ومفجع لاولاد مسلم عليهم السلام من ديوان الصوت الحسيني 👈 ٢ج 🔥🔥


الف لا حول ولا قوه الا بالله العلي العظيم وسيعلم الذين ظلموا ال بيت محمد اي منقلب ينقلبون والعاقبه للمتقين رحم الله المتقين من يومنا هذا الى يوم الدين

يبقى ذكرك على مر العصور يتجددا
جيل بعد جيل يقام لك العزاء
انت حسينآ ابن سيدي الاوصياء
وتبقى صرختنا مدى الحياه

حسين ياحسين... حسين ياحسين

نعي

ننعه لمصابك دوم يحسين
ما تنشف ابد يا دمعه العين
انت ابن الحياده والسلاطين
➖➖➖➖➖➖
انعازي الزجيه لزهره امك
يمن عالكاع ظل يسيل دمك
بخيل انهشم يحسين عظمك


انا لله وانا اليه راجعون عظم الله اجورنا واجوركم يا شيعه يا محبين بيوم اولاد مسلم ابن عقيل لما قتل اصحاب الحسين واهل بيته ولم يبقى سوى الاطفال والنساء هجموا الاعداء على بنات الرساله لقد احرقوا الخيام وسلبوا النساء وروعو الاطفال حتارت مولاتنا زينب بين تروح للاجساد الذي بقيت موذره وبين تلم العيال وبين تطفى النيران تلم زينب يا طفل يا طفله كلها تتصارخ عمه زينب عمه زينب اطفال وخافت من هجمت الخيل من النيران الملتهبه بس اتصوري تلك الحاله اروحلج فدوه وخلي حالج حال زينب شراح يكون حال زينب وهي مكسوره ومنفجعه وحيلها منهد على فقد العزاز زينب انشده بالها لما جن الليل اخذت تتفقد الاطفال واذا باولاد مسلم ابن عقيل ما هم وي الاطفال اكو ملاحظه اخواتي اولاد مسلم ابن عقيل مو اولاد زينب احنا هسه لماشي عندنا نعي اللطم بان زينب امهم بس هي لا زينب تكون خالتهم امهم رقيه اخت زينب بنت الامام علي عليه السلام بس لعظم المصاب كثره الفاجعه التمركز كله على مولاتنا زينب لان هي صاحبه الفاجعه الاليمه اخذت زينب تنادي دورت عليهم ماكو زينب وين تروح تحشم من تنخى من يفزع لها لا اهل كلهم نومه لا ناصر لا معين بس الاعداء اخذت تنعى وتقول روحي لها الفداء

نعي

كوم الحك عليه هنا يعباس
هجمت علينا كوم الارجاس
ضليت حرمه بين هالناس

➖➖➖➖➖
طاهر ومطهر فاكدينه
كوم الحك علينا يا ولينا
جيب الولد عباس لينه
➖➖➖➖➖➖
ضاع الولد من هجمت الخيل
يعباس ما ظلي بعد حيل
تلهب بالكلب نار المداليل

➖➖➖➖➖
نار الولد بالكلب تسري
حكه اليوم دمع العين يجري
لعب بيه يخويه وخان دهري

➖➖➖➖➖➖
هذا كلام
يا احباب كلبي يوم الولد ما ينحمل الولد قطعه من القلب الله يساعد قلب مولاتنا رقيه يوم فقدت اولادها فقدت الاثنين في وقت واحد من بعد فقد اخوانها واهلها وما جرى عليها نواسيها ونعازيها ونعلي الونه وياها على اللي جرى بيهم

هذه الابيات نعي على طريقة الشيخ النمساوي


يمه يعينها اليوم
الفكدت ولدها يعينها اليوم
يمه والحيل مهدوم
ضلت تون والحيل مهدوم
يمه مالوم مالوم
ضل الكلب للغالين مالوم

➖➖➖➖➖➖➖
يمه الضايع ولدها
ياحالها الضايع ولدها
يمه يجري اعله خدها
بس الدمع يجري اعله خدها
يمه كلش مردها
يوم الولد كلش مردها

➖➖➖➖➖➖
يمه واعليه نحيله
ضلت تون واعليه نحيله

(اي حكهه حكهه من تون ام الولد)

يمه للغالي تسيله
دمع العين للغالي تسيله

يمه شنهي اليشيله
افراك الولد شنهي اليشيله

➖➖➖➖➖
يمه تربي الاولاد
سمعنه الوالده من تربي الاولاد
يمه للكبر يراد
للعازه الولد وللكبر يراد
يمه ساكن بلوهاد
ازغير الولد ساكن بلوهاد

➖➖➖➖➖➖
هذا عن حال امهم اما عن حال الاولاد لما اتى بهم الظالم الى شط المسيب واراد قطع رؤوسهم وهم اطفال وصغار يخافون من لمعه السيف وهم اطفال تتراوح اعمارهم بين الخامسه او سبع سنوات اطفال من بعد السجن والفراق والعذاب اتى بهم الظالم لقطع رؤوسهما ويلاه اخذ واحد ينظر الى الثاني امهم بعيده عنهم اهلهم كلهم ضحايا في كربلاء

نعي

اليوم الزغير شلون حاله
والسيف ليهم يوم شاله
ون الولد والدمح ساله

➖➖➖➖➖➖
شلون الولد كبل المنيه
ضلت دمعته اعلخد جريه
وعينه اعله درب امه ا ربيه

➖➖➖➖➖➖
شحال الصبايا وكت الوداع
اثنينهم من هوو للكاع
ما يمهم محب ويكون فزاع

➖➖➖➖➖➖
والوالده يا من يكلها
واعله الجرف مذبوح املها
بالدنيا عكب الولد شلها

➖➖➖➖➖➖
ركاب الصبايا مكطعيها
وبالشط جثثهم شامريها
ما رد الولد من راح ليها

➖➖➖➖➖
نعي كرناوي

صدك من عيني غابو يالمداليل
مالهم بعد للدار جيه

صدك طول الولد من عيني شو غاب
ضلت جمرته تلهب سريه

احا يانار فكده تجوي الضلوع
اونن ونتحب صبح ومسيه

ياناس الولد للعازه مريود
بعده ازغير وشايلته المنيه

حسبت احساب بيهم لن يكبرون
يوفون التعب والدين اليه

تالي من وكت شالو للگبور
عليهم دمعتي ضلت جريه

وي اعزاز كلبي صار الفراك
ضيعت الولد وابعد عليه

اووويلاه صحت من نار كلبي


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


https://www.tgoop.com/firyjgssMeropmm

💥لطميه  بقفلة الهوسه للعباس
عليهالسلام💥

لما رجع الحسين عليه السلام من مصرع العباس رجع محني الضهر
تلكته زينب هنا زينب بياحال من شافت الحسين بهاي الحاله
اخي ياحسين اين حامل لواك اين كفيل خدري شجاوبهه الحسين شيرد عليهه كأني عن لسان حال الحسين شيكلهه

اللطميه

يخت عباس....شيال الحمل طاح
تعاي اليوم....خل نلطم على الراح

➖➖➖➖➖➖
يخت عباس طاح اليوم المجنه
على الكافل حملجن زيدي الونه
مايرجع بعد كطعي الامل منه
اعله الهامه// لطمي العباس

➖➖➖➖➖➖
على الكافل الطمي هنايالحزينه
على الشاطي كفيلج صوبو عينه
ضل اعله النهر متكطعه جفينه
اعله لشاطي// مطروح الحيد

➖➖➖➖➖➖
ضل اعله النهر والرايه ملفوفه
اخبرنج يزينب طاحت اجفوفه
خل نروح يم الضيغمي نشوفه
يم جفينه// والرايه تون

➖➖➖➖➖➖
خل نروح للعباس نتعنه
اكله وين خوتك ورد انشدنه
هاذي نومتك لو هم ترد النه
رد لينه// يالبيك انزامط

➖➖➖➖➖➖
شلون تنام وعضيدك بلايه معين
تدري بروحتك كسريت ظهر حسين
ضل مكسور كلبه وبس يجر اونين
حليته// وحزام الخوه

➖➖➖➖➖➖
وها يم عون الطمي وشدي احزام
على اللي عاف حمله وعالنهر نام
تهون اعليك زينب هايضرغام
تخليهه// محزونه ام عون

طايح شياله// البيرغ ون وتكدر
شال البيه هيبه// ام عون تون الليله


تمت ✍️ الشاعره والمله ام حسين العامري
من ديوان زينب ولطفوف الجزء الثالث
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء



اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

لطميه للعباس عليه السلام بقفلة الهوسه

شال اليوم...شيال الكلافات
شال اوياه.. خدر الفاطميات

➖➖➖➖➖➖➖
شيال الحمل طاح وغفت عينه
طاح اعالنهر جف اليحامينه
نحشمن بعد لو عالو اعلينه 
يحمينه// ياجف البعدك

➖➖➖➖➖➖
شيال الحمل ضل بالمسنايه
عالشاطي طريح ويمه الرايه
ياعباس شنهي نومتك هايه
مضيعينه// شيال الكلفه

➖➖➖➖➖➖➖
شلون تشيل ياعباس ياحيد
وانت التكضي كل كلفه يصنديد
لاعين البقت عدك ولاايد
ياهو اليكضيهه// الكلفه اخلافك

➖➖➖➖➖➖➖
ياعباس اكعد للحمل شيله
بسيفك كوم رجع عنه العيله
زينب رادتك وتحشم الليله
رد العياله// اكعد يل بيك انزامط

➖➖➖➖➖➖➖
عين الضيغمي بسهام صابوهه
وجفوفه بسهم ياحيف كطعوهه
والهامه بعمد نصين طبروهه
لاهامه// لاجف العده

➖➖➖➖➖➖➖
اكعد ياسبع موش الك هالنومه
سل سيفك يوالي ورجف الحومه
تزامط بيك زينب هايجيدومه
راس اختك شيله/_ اكعد يالهيبه

ياهو اليحمينه// نامت عين الكافل
تون ومهظومه// ام عون اعليك الليله


تمت ✍️ الشاعره والمله ام حسين العامري من ديوان زينب ولطفوف الجزء الخامس
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء




اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

لطميه طلب حاجه لقضاء الحوائج للعباس عليه السلام  من ديوان زينب والطفوف 👈 الجزء السابع

اليوم ياعباس يمك حاجتي
بجاه زينب لاتردلي طلبتي

➖➖➖➖➖➖
اليوم يم بابك اجيت وهل اصيح
بجاه نحر حسين والطفل الذبيح
والكلب تعبان لا مامستريح
جيت يم بابك واهلن دمعتي

➖➖➖➖➖➖
جيت يم بابك ورايد فزعتك
اليوم متعنيه وريدن وكفتك
ادري ياعباس حلوه غيرتك
بجفك المهيوب شافي علتي

➖➖➖➖➖➖
بجفك المهيوب امسح عالجروح
جيت ادك بابك الغيرك مااروح
اهموم كثرانه وكضت مني الروح
ادري بس اسمك يبرد لهفتي

➖➖➖➖➖➖➖
جيت يلي اسمك دوه ويشفي العليل
جيت يم بابك واصيحن يالكفيل
ضاكت الدنيا علي حملي ثكيل
جيت ليك وادري تفرج شدتي

➖➖➖➖➖➖
اليوم متعنيه اعله بابك ياشهم
جيت ليك وبيه كثران الالم
ماترد طلاب منك والنعم
نظره انظر يالكفيل بحالتي

➖➖➖➖➖➖
نظره انظر ياكفيل العايله
اهموم بالدلال كثره شايله
اريد ياعباس فزعه الليله
بجاه خدر ام عون اسمع نخوتي

تكضيهه// كل شده بجاهك

للهز شباكه// الكافل يكضي الحاجه


تمت ✍️ الشاعره والمله ام حسين العامري

غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء


اضغط على رابط قناة اليوتيوب ليصلكم كل جديد

👇👇👇

https://www.youtube.com/@user-sw9pj5uh2n


اضغط على رابط قناة التلكرام ليصلكم كل جديد

👇👇👇

https://www.tgoop.com/firyjgssMeropmm

♦️تم نشر قصائد منبريه هنا 👇
👉 https://www.tgoop.com/Bany_Hashime