tgoop.com/firyjgssMeropmm/6662
Last Update:
هوسات جنوبيه للعليله سلام الله عليها
عليله بالنزل وحدي مخليني
وجعانه يهلنه المرض كاضيني
اصد لدياركم بويه وتهل عيني
بويه حسين دارك حيل تعميني
يبويه حسين....دارك مااصد ليهه
هاي الدار ونت وين وين اهاليهه
اصد الهه يبويه وروحي تكضيهه
خلوانه ومكدره الحزن غاطيهه
بويه اخلافكم ماضل بعد بيهه
الكبرى تنوح من يسمع بواجيهه
ماصد ليهه// حزنانه تون
➖➖➖➖➖➖
كمت اون ونه اعله ونه ودمعت عيوني جريه
حسين سافر وين عني سافر ومارد اليه
رسالة عتب وديت لرض الغاضريه
رسالة عتب من كلب مجروح للمشه وعاف البنيه
عتب وديت......للشالو وخلوني
وديت الرساله يهلي اذكروني
الغيبه اطول خافنكم وتنسوني
ازيد اعتاب للشالو ولاجوني
غيبتكم تطول وتعمي عيوني
يايوم او وكت يحبابي تلفوني
كطعت الياس يهلي وخابت اظنوني
خط عتابي// وديت الكم
➖➖➖➖➖➖➖
روحي اتون على الغياب ماتهيد
الون والبجي للغربو شيفيد
خلوني ومشو شالو اهلنه ابعيد
والونه بدليلي حيل حيل اتزيد
حزينه الروح... وتون اعله الاحباب
اعزاز وصبحو...من عيني غياب
من عيني// اعزاز وغابو
تم ✍️ الشاعره والمله ام حسين العامري
من ديوان مصائب لاتنسى الجزء الثالث
غير مبري الذمه من يحذف الاسم اويغير الكلمات وينسبها لهhttps://www.tgoop.com/+y-JH3S-fW8w4OWYy
BY قناة الشاعره ام حسين العامري
Share with your friend now:
tgoop.com/firyjgssMeropmm/6662