tgoop.com/firyjgssMeropmm/6648
Last Update:
لطميه ثكيله للعليله سلام الله
يادار الاهل يادار....حزنانه وتبجيني
من عكب الاهل يادار....ضلمه وحيل تعميني
➖➖➖➖➖➖➖
يادار الاهل يادار....وحشه اليوم حزنانه
ضلت موحشه بعيني....وسد الوالي بيبانه
ماترجع بعد هيهات....لمتنه وحجايانه
ضل بس الحزن والنوح....والدمعه التسليني
➖➖➖➖➖➖
ضل بس الحزن والنوح... اصد البيتهم خالي
اصد للدار حزنانه....الدمعه بعيني اتلالي
وين الجانو اويانه....وين الجانو اكبالي
واذكر كعدتي اوياهم....نار الهجر تجويني
➖➖➖➖➖➖➖
واذكر كعدتي اوياهم....من نكعد العصريه
حن كلبي ويون اليوم....مشتاك الغواليه
وداهم زماني وين....شالو واكطعو بيه
حزينه بعيني هايادار....وبحزنج كتلتيني
➖➖➖➖➖➖
حزينه بعيني هايادار....وين الاهل لمتهم
ضلت بالحزن روحي...ومحتامه اعله شوفتهم
هم يرجع زماني الفات...هم ترجع يكعدتهم
اجيت اونشد اعليهم....شالو وين حاجيني
➖➖➖➖➖➖
اجيت اونشد اعليهم...وين الجانو امنورين
لكيت الدور حزنانه...بشوفتهه عمتلي العين
ناديت وصحت يادار....شايل وين ابوي حسين
مارديتي ليه اجواب....اسهام بكلبي صبتيني
➖➖➖➖➖➖➖
مارديتي ليه اجواب....مانشفتي الدمعه
اعاتب والعتب شيفيد....والشايل شني يرجعه
غيابه صوب الدلال....وخله بالكلب صدعه
يادنيا شعملتي اوياي....من اهلي حرمتيني
تمت ✍️ الشاعره والمله ام حسين العامري من ديوان زينب ولطفوف الجزء الخامس
غير مبري الذمه من يحذف الاسم اويغير كلمات القصيده وينسبها لهhttps://www.tgoop.com/+y-JH3S-fW8w4OWYy
BY قناة الشاعره ام حسين العامري
Share with your friend now:
tgoop.com/firyjgssMeropmm/6648