tgoop.com/firyjgssMeropmm/6647
Last Update:
🔥اصدار حصري وجديد لطميه ثكيله للعليله عليها السلام (يهلال النوايب) من ديوان محزوز الوريد ٢ج🔥🔥
يهلال النوايب.... ضيعت الحبايب
بس الحزن والنوح... الي يهلال جايب
بيك افكدت الاحباب.... جبت اوياك المصاب
يهلال النوايب ٢
➖➖➖➖➖➖
من هليت يهلال.... جبت الونه والنوح
شالو كل الاحباب... اوياهم راحت الروح
مايبطل ونيني.... ضل الدمع مسفوح
ضلت تبجي العين... كل اهلي مغيبين
يهلال النوايب ٢
➖➖➖➖➖➖
ضلت تبجي العين... مايبطل دمعهه
ولله افراك العزاز... هد روحي وفجعهه
روحي بعد متهيد.... زاد الهم وجعهه
كلهم فاركوني.... خل تبجي عيوني
يهلال النوايب ٢
➖➖➖➖➖➖
شالو كل الاحباب... مارجعو عليه
ضلت موحشه الدور.... حزنانه وخليه
ضلمه عكب البدور.... توحش بالمسيه
تبجي وتهل عيناي.... محد منهم اوياي
يهلال النوايب ٢
➖➖➖➖➖➖
ابجي وتهل عيناي.... فركاهم كضاني
عني شالو بعيد.... وابعدهم زماني
اه ياشهر عاشور... بيك اشكد اعاني
حزنانه وعليله.... بس دمعي اسيله
يهلال النوايب ٢
➖➖➖➖➖➖➖
حزنانه وعليله... اخلاف الاهل ضليت
اصدن من العزاز... وحشه وخالي البيت
يهلال الكدر اه.... بحالي اسويت
خالي البيت منهم... يكتل يانزلهم
يهلال النوايب ٢
➖➖➖➖➖➖
ضل خالي نزلهم... اه يانار الاحباب
ولله تهدم الحيل.... ومن عدي الكلب ذاب
عيني تناطر الهم... ومشبوحه على الباب
مشتاكه عليهم... اهلي منين اجيهم
يهلال النوايب ٢
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6647