tgoop.com/firyjgssMeropmm/6632
Last Update:
🔥لطميه حزينه للنزله من ديوان زينب والطفوف ١٨ج على طور (حجت وي نحر ابنها)
لاتبني الخيم ردني يخال ابني
اراضي كربله هضمات تشبعني
بيها يزيد نوحي ولايفل وني
حيل مابيه
حيل مابيه
(يخويه اعله المصايب//حيل مابيه)
➖➖➖➖➖➖
رجعني يكافل حيل مابيه
ادري بهالارض اشبع مهضميه
خاف ارجع يخويه وحدي مسبيه
بساع دوني
بساع ردوني
(امروتكم يخويه //بساع ردوني)
➖➖➖➖➖
لاتبني الخيم عباس يالوالي
هاي الكاع خويه تبهذل احوالي
بيها يضيع عزي وفگد ادلالي
دمعت عيوني
دمعت عيوني
(بيها اضل جريه//دمعت عيوني)
➖➖➖➖➖➖
من هالساع حست بالخطر روحي
ماتكطع دمعتي ولايفل نوحي
راح يزيد وني وتكثر اجروحي
حسين اشوفنه
حسين اشوفنه
(عالغبره رميه//حسين اشوفنه)
➖➖➖➖➖➖
عالغبره يضل مرمي بذواريها
روحي الهالمصيبه حيل مابيها
اشوفن جثته بعيني مكطعيها
تنزف اجروحه
تنزف اجروحه
(اشوف حسين اخيي//تنزف اجروحه)
➖➖➖➖➖➖
صيوان الفواطم لاتنصبونه
رجعونه يخويه لاتخلونه
يخويه بدار غربه لاتيتيهونه
من يحامينه
من يحامينه
(نضل نسوان خويه//من يحامينه)
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6632