tgoop.com/firyjgssMeropmm/6614
Last Update:
🔥اصدار حصري وجديد
حديث مختصر مع نعي لوداع ام البنين عليها السلام
للحسين عندما انوه الرحيل الى كربلاء من ديوان الصوت الحسيني👈 ٢ج 🔥🔥
الف لا حول ولا قوه الا بالله العلي العظيم وسيعلم الذين ظلموا ال محمد اي منقلب ينقلبون والعاقبه للمتقين رحم الله المتقين من يومنا هذا الى يوم الدين
بقت نار بنا في القلب لن تنطفي ابدا
على مصابك يا ابا عبد الله
نرفع الاصوات وننادي بصوت واحسيناه
يا حال ام البنين عندما رات ضعن الحسين شده على الرحيل واخذ الحسين يحمل عياله صغيرا وكبيرا بقت ام البنين تنظر بعينها لم تتحمل هذا الموقف راح تفارك كل ولدها وراح تفارك الحسين عزيز قلبها تبقى في الديار تنظر الى مكانهم تتذكر الكعده واللمه بيت ويصبح خالي من الاحباب الله يكون بعونج يا مولاتي يا ام البنين شلون تودعهم بيا كلب تتوادع ا وياهم شو تودع واحد اثنين اعزاز وكلهم صفوا ناوين على الرحيل عنها وتعلم اذا راحوا لم يرجع منهم احد وهي عدها علم بللي يجري اخذت ام البنين لزمت ايد ابوفاضل وخلتهه بيد زينب واخذت توصي العباس عليها والنعم منج يامولاتي ربيتي ونعم التربيه ضحتي ونعم التضحيه وفيتي وكفتي يم عباس
تكله
يعباس اوصيك بوصيه
لمن تصل للغاضريه
عينك تضل عالهاشميه
➖➖➖➖➖➖
ارد اوصيك يوليدي يعباس
بيكم اريدن ارفع الراس (ارفعي راسج ياام البنين والنعم منهم)
لتعوف الاخوه لكطع الانفاس
➖➖➖➖➖➖
يعباس خل عينك عليها
هي الغاليه وانت وليها
وروحك لعد زينب افديها
➖➖➖➖➖➖
اي ياام البنين والنعم من ابو الغيره اخذت تنظر لهم مره وتودعهم مره اخرى صعب عليها الوداع وداع العزاز ماينحمل يهد الحيل شتودع شتفارك واحد ثنين اخذت تنعى وتقول
صاحت
يمه... يمه... ياااايمه
اوداعت الله يالمرحلين
اي ياام البنين
كلكم عليه شو عزيزين
فركاكم ييمه يعمي العين
➖➖➖➖➖
يعزاز كلبي وين تردون
عني ييمه لاتبعدون
بفراكم تعمون العيون
➖➖➖➖➖➖
اعزاز وتبعدون عني
عليكم ييمه يزيد وني
اااحا يوداعكم ولله كتلني
➖➖➖➖➖➖
حكهه ييمه العين تدمع
لفراكم كلبي تتكطع
هاي المصيبه حيل تفجع
➖➖➖➖➖➖
اي ام البنين شلون تصد للدار الجانت زاهيه بهلها منوره اللمه الحلوه شلون تصدها هسه موحشه مضلمه مابيها العزاز افراكهم يفجع ويهد الحيل كابلت الدار وكعدت تنعى بيها بعد رحيل الحسين عنها
ابيات على طور النمساوي
يمه يادار الاحباب
ضلمه وموحشه يادار الاحباب
يمه هاليوم غياب
ومنج صفو هاليوم غياب
يمه مصوبه اصواب
حيلي نهدم ومصوبه اصواب
➖➖➖➖➖➖
يمه وحشه وخليه
يادارهم وحشه وخليه
يمه جانت زهيه
هسه مكدره الجانت زهيه
يمه للغاضريه
شالو كفض للغاضريه
➖➖➖➖➖➖
يمه عاف الدواوين
عاف المباني والدواوين
يمه يالغالي يحسين
شيفاركك يالغالي يحسين
يمه يعمي تره العين
يومك كلف يعمي تره العين
➖➖➖➖➖➖
ونت ام عباس هاليوم
تون بحزن والحيل مهدوم
حمل اضعونه ومشه المضلوم
➖➖➖➖➖
ابو السجاد حمل شال ضعنه
ومنهم بعد تكطع الظنه
ضلت تون ونه اعله ونه
➖➖➖➖➖
كطعت كل امل والياس منهم
ضل خالي ووحش مضلم نزلهم
عليها صبح مبعد دربهم
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
اذا بعدج مماخذ هذا الديوان سارعي واحجزي ولاتترددي ديوان يخبل كلماته مفجعه 😭 وحزينه وبيه مواعظ وارشادات حسينيه ومحاضرات قيمه وسهله ومبسطه في نفس الوقت
توجد لدينا خدمة توصيل لجميع المحافظات وبسعر مناسب جداً ٥ الاف فقط يوصلكم الطلب للبيت بدون تعب ولامعاناة وفرنا لكم وسهلنه عليكم الطريق
للحجز والتواصل راسلو عالرقم
٠٧٨٦٣١٥٥٦٦٦
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6614