tgoop.com/firyjgssMeropmm/6607
Last Update:
🔥اصدار حصري وجديد لطميه للنزله تنقره بعدة اطوار حسب طور الملا (اراضي كربله) من ديوان محزوز الوريد ١ج 🔥🔥
اراضي كربله. وصلتهه ام عون
ضلت خايفه. وتهل العيون
➖➖➖➖➖➖➖
زينب خايفه من يمر طاريها
شلون اليوم طبتهه وجت ليها
تدري احزان واهموم وذبح بيها
اخوتهه اعله الثره. بيها يضلون
➖➖➖➖➖➖
اخوتهه اعله الثره وتتوسد الحومه
الله يعينهه زينب المهضومه
موعوده بعمل كربله الميشومه
اخوها من القفا. راسه يكطعون
➖➖➖➖➖➖
اخوها من القفا راسه يكطعونه
شلون حسين بالطف نزل اضعونه
حكهه ام عون حكهه تضل محزونه
براضي كربله. اخوتهه يموتون
➖➖➖➖➖➖
براضي كربله ينسلب كل عزها
واعزاز الكلب ترحل صدك عنها
اتضل للهضم ماينكطع ونها
كلب زينب يون. وحيل محزون
➖➖➖➖➖➖
كلب زينب يون يامثكل الونه
تون لحسين مدري تون للمجنه
وادي كربله عدها خبر عنه
كل اولاد هاشم. مايسلمون
➖➖➖➖➖➖
كل اولاد هاشم تضل عالغبره
وحسين الولي ينكطع يانحره
والكافل يضل لايمنه لايسره
تضل وي ناس. كفره ومايرحمون
(المحزونه//من حكهه تون)
(ولياها//وتضيع بالطف)
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6607