tgoop.com/firyjgssMeropmm/6597
Last Update:
🔥 اصدار حصري وجديد لطميه لبدايه شهر محرم تنقرا بالطور الحماسي او الموشح حسب طور الملا🔥
اه وا ويلاه من هذا الشهر
حسين عالغبره يكطعوله النحر
➖➖➖💔➖➖➖
اه واويلاه من هذا المصاب
حسين عالغبره يضل اعله التراب
اه من هذا الشهر هم وعذاب
بيه زينب بيه تضل بس للكدر
➖➖➖💔➖➖➖
بيه زينب بيه تضل محيره
تفكد حسين ويكطعو منحره
وتفكد العباس سبع الكنطره
يضل كافلهه رميه اعله النهر
➖➖➖💔➖➖➖
يضل كافلهه يون بمصرعه
والجفوف من الزنود مكطعه
زينب اخلافه تضل شو ضايعه
يروح عزهه اوياه ويروح الخدر
➖➖➖💔➖➖➖
يااهلال تصيح زينب لاهله
تشوف اهات ومصايب كربله
تضل حيرانه وحيده بالفله
شكد مصايب تشبع اهممو وقهر
➖➖➖💔➖➖➖
شكد حزن والالام بيه للطاهره
تفكد اخوتهه يضلو عالثره
والدمع هاليوم من زينب جره
من لفه عاشور حست بالخطر
➖➖➖💔➖➖➖
من لفه عاشور ضلت للونين
تدري بيه راحت تضيع للحنين
عالرمح ينشال ياراس الحسين
بالحوافر ينكسر منه الصدر
تمت✍️ الشاعره والمله ام حسين العامري
من ديوان زينب والطفوف جزء ١٨ كتاب ناااار كلماته مفجعه وحزينه اااه 😭 يازينب
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له
اضغط على رابط قناة اليوتيوب اليصلكم كل جديد
👇👇👇
https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6597