tgoop.com/firyjgssMeropmm/6579
Last Update:
🔥اصدار حصري وجديد لطميه للخدمة الحسينيه (هالوعد واعدته يم احسيني) من ديوان محزوز الوريد 👈 ١ج 🔥تنقره حماسي او موشح حسب طور المله
هالوعد واعدته يم احسيني
بالخدامه اكضي كل اسنيني
➖➖➖➖➖➖
هالوعد واعدته لابن الطاهره
اضل خادم دوم اله والمنبره
اذكر امصابه وحزة منحره
افدي روحي وكل هلي وبنيني
➖➖➖➖➖➖
اضل خادم منبره طول العمر
الطم واقره ودكله الصدر
ندري هالخدمه تضل النه ذخر (ياحسين)
ادري ابو السجاد ميخليني
➖➖➖➖➖➖
وعد واعدته يبو سكينه الك
هالعمر اكضيه كله بخدمتك
شلون ننسه الشمر من حز ركبتك صيحي
ياحسين. ياحسين. ياحسين
صحت زينب خويه لتشوفيني
➖➖➖➖➖➖➖
اضل خادم الك يبن الطاهرين
كل حياتي الك فدوه ياحسين
بالخدامه ناذر اكضيها السنين
اعليك مايبطل دمع ياعيني
➖➖➖➖➖➖
اعليك مابطل الونه والنحيب
يمن جسمك ضل على الغبره سليب
نبض روحي حسين انت والحبيب
ملك ولله اسمك مخليني
➖➖➖➖➖➖
ارواحنه يحسين الك نفديها
هالخدامه نفتخر شو بيها
والخدم يوم الحشر تحميها
ادري حبك سيدي ينجيني
هالوعد واعدته يم احسيني
بالخدامه اكضي كل اسنيني
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6579