tgoop.com/firyjgssMeropmm/6552
Last Update:
💞اصدار حصري وجديد مولد لعيد الغدير الاغر متباركين والثبات على الولايه ان شاءلله (هل امر من العالي) من ديوان افراح ومسرات ١ح 💞
هل امر من العالي.. هلا هلا
حيدر يصير الوالي.. هلا هلا
هل الامر ربنه صدره
الوالي هو حيدره
وبيه فرح دلالي... هلا هلا
➖➖➖➖➖➖➖
اليوم كلها معيده.. هلا هلا
بالولايه مأيده.... هلا هلا
هالعهد نجدده.... هلا هلا
بانت الفرحه علينا
يا هلا بحيدر ولينا
يبقى امير وغالي.. هلا هلا
➖➖➖➖➖➖
اليوم اله تعنينه... هلا هلا
وعا العهد نادينه.. هلا هلا
وبالورد هنينه.... هلا هلا
مبارك الليله نكول
يا علي فحل الفحول
بيك كل ا مالي..... هلا هلا
➖➖➖➖➖➖
نوقع وياه العهد... هلا هلا
والي يبقى للابد.. هلا هلا
حبه بالكلب انوجد.. هلا هلا
من الكلب هتفينه
حيدره والينه
غيره ما يحلالي.. هلا هلا
➖➖➖➖➖➖➖
الدنيا بيها منوره.. هلا هلا
والمحافل عامره... هلا هلا
بولاية حيدره... هلا هلا
تنادي كل الشيعه
نوقع لهالبيعه
حيدر يظل الوالي.. هلا هلا
➖➖➖➖➖➖
اليوم جت الشيعه... هلا هلا
نجدد احنا البيعه... هلا هلا
الامر كلنه نطيعه. هلا هلا
هل امر من القدير
حيدر يصير الامير
ونوره ظل يلالي.. هلا هلا
( من العالي// هالامر انطاه)
( والينه// حيدر يبقه)
( نجددله ا لبيعه //ونهتف باسمه جينه)
( انت القائد يا الكرار// وغيرك ما يحلالي)
تم✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6552