tgoop.com/firyjgssMeropmm/6498
Last Update:
💔اصدار حصري وجديد لطميه ثكيله للاحباب ليوم العيد💔
عيد المبارك عليكم هايهلنه
اليوم صبحنه يهل ليكم دمعنه
الروح ليكم فرفرت... للمكابر شو اجت
عيد المبارك عليكم هايهلنه
➖➖➖➖➖➖➖
عيد المبارك عليكم وين ماجان
جينه نصبح عليكم هايالاحنان
الروح مالومه تون والكلب حزنان
الكلب بالنار شاجر... عيدنه بارض المكابر
عيد المبارك عليكم هايهلنه
➖➖➖➖➖➖
جيت ملهوفه ودمعتي وسط العيون
جيت اعايدكم يهلنه ماتكعدون
بصوت ناديت وصحت بس ماتسمعون
كعدو يعزاز الكلب... كافي من نوم الترب
عيد المبارك عليكم هايهلنه
➖➖➖➖➖➖
جيت ملهوفة كلب والدمعه بالعين
جينه نتعايد اوياكم يالعزيزين
ليش بركان المكابر ليش بانين
جيت ليكم ناحله... والمدامع هامله
عيد المبارك عليكم هايهلنه
➖➖➖➖➖➖➖
صبحت مالومه روحي ودمعي يجري
مبعد اعليه النجف يابعد دربي
عيوني اعله الباب ضلت يهلي تربي
جيتكم وبكلبي ونه... نومه شو يهل المحنه
عيد المبارك عليكم هايهلنه
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6498