tgoop.com/firyjgssMeropmm/6364
Last Update:
🤲هوسات للجواد عليه السلام لقضاء الحوائج ان شاءلله 🤲
يالعدك الم والكلب كله اهموم
الباب الجواد اكصد وروح اليوم
حاشه مايردك طيب العلوم
(من بابه//تنول امرادك)
✍️ ام حسين العامري
➖➖➖➖➖➖
مدينه ادينه ونطلب أحنه مراد
يم بابك اجينه أكرمنه يالجواد
جود بينه ياكريم ابن الامجاد
(واليطلب // لاترجع ايده)
✍️ام سلام
➖➖➖➖➖➖
حاشه اترد ادينه يابن الأكرام
تبعنه كلوبنه والگلب مايلام
ماخذ هيبتك من جدك الضرغام
( الكاصد بابك /جاب امراده اوياه)
✍🏼ام حيدر الزاملي
➖➖➖➖➖➖
من ابو الهادي اريدن اطلب الحاجه
بابه واكفه سيدي ومحتاجه
تاخذها كبل لاتوصل سياجه
( ينطيها / الحاجه التطلب)
✍️ ام حسين الحجيمي
➖➖➖➖➖➖
مهضومه ونخيتك لاتخلني
مكسور الكلب مولاي تدريني
حشمت ونخيتك دمعتي بعيني
((يم بابك// هليت دموعي))
ام ايه العامري
➖➖➖➖➖➖
طلبتك سيدي يا ابو علي الهادي
اجيتك عندي حاجة ورايده مرادي
دخيلك لا تردني يبن اسيادي
( يمشكر / حاجاتي اگضيها )
➖➖➖➖➖➖
دخيلك لاتردني وحقق امنيتي
لابو السجاد اخدمه ويرتفع صيتي
والموت أذا اجاني وگربت امنيتي
(يم گبر حسين// يودوني)
➖➖➖➖➖➖
يبو الهادي طلبتي خدمة المظلوم
اخدمه العمر كله لحد ذاك اليوم
حته آخذ كتابي ابيمنتي مختوم
((حسين وعوده// ايوقع بي)
خادمة اهل البيت ام ابراهيم الحلفي
➖➖➖➖➖➖➖
تمت بأقلام شاعرات رابطة احزان العقيله
غير مبري الذمه من يحذف اسماء الشاعرات وينسب الكلام له
https://www.tgoop.com/wertyuippvvvfm
BY قناة الشاعره ام حسين العامري
Share with your friend now:
tgoop.com/firyjgssMeropmm/6364