tgoop.com/firyjgssMeropmm/6321
Last Update:
💔اصدار حصري وجديد نعي للعليله عليها السلام من ديوان محزوز الوريد ٢ج خاص للعليله 💔
ابوذيه
سرى ضعن الاهل للغرب... ونه
بقيت الوحدي وزاد الكلب..... ونه
اريد الدللاني اليوم وينه. ونه
من شال ومشه مارد اليه
➖➖➖➖➖➖
ولج ايسي يروحي من الاحباب
لامنهم خبر لانسمع اجواب
جفونه اهلنه وسدو الباب
➖➖➖➖➖➖
ايسي يروحي بعد منهم
وابعد. عليه. ياضعنهم
وبعيد عني يادربهم
ايسي يروحي وكفي العتاب
➖➖➖➖➖➖
بعدو عليه اعزاز كلبي
اعزازي مشو وبعيد دربي
حك الدمع هاليوم يهمي
➖➖➖➖➖➖➖
اعزاز من عيني مغيبين
هلي الدمع هاليوم ياعين
انه اسامر اوياهم بعد وين
➖➖➖➖➖➖
لامن نجيهم لايجونه
اعزاز اهلنه وفاركونه
اعزاز الكلب جنهم نسونه
احوووو صحت يعزاز كلبي
➖➖➖➖➖➖
هلي المدامع ياعيوني
اعزاز المشو لامايجوني
مدري التهو مدري نسوني
➖➖➖➖➖➖
عيني على الشالو اربيه
احن وشتاك كل صبح ومسيه
ماظن المشه يرجع اليه
احوووييمه... احووو ييمه
➖➖➖➖➖➖
ياماكضينه ايام حلوه
لفراكهم كلبي تجوه
صار الفراك اوياه كوه
➖➖➖➖➖➖
وين اليصل ياخذ كلامي
ويوصل اعتابي وسلامي
الكل اخوتي والكل عمامي
➖➖➖➖➖➖
بسكوت اجر ولله العبره
دمعي على الخدين يجره
وعزيز الكلب يامن يخبره
➖➖➖➖➖➖
نعي طور الفراق
هايبويه.... وين شايل بالضعينه
هايبويه... روحي مالومه وحزينه
هايبويه... اعليك كلبي جر ونينه
➖➖➖➖➖➖
يانزلكم.... خالي ويعميلي عيني
يانزلكم.... من اصداله يزيد وني
يانزلكم... هدم الحيلي وكتلني
➖➖➖➖➖➖
اعتاب ازيده... للابو المارد اليه
اعتاب ازيده... ودمعتي ضلت جريه
اعتاب ازيده.... للمشه وعاف البنيه
➖➖➖➖➖➖
ولله صعبه.... شلون عفتوني يهلنه
والله صعبه... بعيني اصد خالي نزلنه
والله صعبه... شال عني البيه محنه
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6321