tgoop.com/firyjgssMeropmm/6305
Last Update:
💔اصدار حصري وجديد نعي مفجع وحزين ااه يازينب😭 للهلال من ديوان محزوز الوريد ١ج ديوان🔥🔥
الف لا حول ولا قوه الا بالله العلي العظيم وسيعلم الذين ظلموا ال بيت محمد اي منقلب ينقلبون والعاقبه للمتقين اعوذ بالله من عين لا تدمع وقلب لا يخشع وصوت لا يرفع واذن لا تسمع على مصابك يا ابا عبد الله
المصاب الذي بكت له الارض والسماء مصابك لا مر ولم يمر على الكون ياحسين من مثلك انحزت اوداجه من القفا وصدره بحوافر الخيل ترضرضا احباب كلبي تعرفون حوافر خيول الاعوجيه يقال عشر خيول لقد رضت صدر الحسين عشرة خيول وكل حافر من تلك الخيول يعادل تسعمية طن من الحديد الحافر الواحد وهن عشر خيول رض صدر الحسين روحي له الفداء لقد طحنت اعظامه طحن لقد توزعت اعضائه في البيداء ويقال ان امامنا زين العابدين عليه السلام لما اتى يوم الدفنه لدفن الاجساد لم اعضام الحسين بحصيره ليش لان كل عضامه مطشره وجسمه مقطع اربا اربا لان هاي الحوافر ثقيله واخذت تدوس على اعضاه اي وامصيبتاه رحم الله من نادى وااماماه. واحسيناه
اي مصاب هذا واي فاجعه
لقد تهزهز الكون لمصابك ياحسين
مولاتنا زينب عندها خبر بهذا اليوم وهذا المصاب وللي يجري عليها في كربلاء يقول عندما رات هل هلال شهر محرم زينب خافت على اخوتها من هذا الشهر الاليم الشهر الحزين حست بالخطر والحزن والخوف على اخوانها عندما نظرت للهلال دمعت عينها وجرت انينها ونحن نهل دمعتنا وانجر ونتنا وي زينب وننادي
حسين ياحسين حسين يااااحسييين
ابوذيه
اهلال الكدر هاليوم. شفتاه
شفت عجبة مصايب بيه.. شفت اه
نظرت حسين تذبل بيه. شفتاه
شفت جم ضيم بهلاله ورزيه
➖➖➖➖➖➖
يهلال لاتجبل عليه
بيك اشبع هضم وشكد اذيه
ويروح مني ابن الزجيه
➖➖➖➖➖➖➖
يهلال شوفك يخمش الروح
جايبلي الحزن والدمعه والنوح
اشوف حسين عالتربان مذبوح
➖➖➖➖➖➖➖
يهلال عنك عندي اخبار
اخواني تضل عالغبره طشار
ورد حرمه وسبيه بيد كفار
➖➖➖➖➖➖➖
شتريد يهلال النوايب
من شوفتك ضل كلبي ذايب
كلبي يون اعله الحبايب
➖➖➖➖➖➖
اعزاز الكلب كلهم يروحون
مطاعين عالغبره يضلون
وحسين الولي راسه يكطعون
➖➖➖➖➖➖➖
هل الشهر هلت. الدمعه
وكلبي نصدع هاليوم صدعه
كلبي على اخواني تكطعه
➖➖➖➖➖➖➖
يهلال الكدر ريتك ولاجيت
هل الدمع بس يوم هليت
لاوالي يضل عدي ولابيت
➖➖➖➖➖➖
كل اخوتي يرحون مني
يزيد الهضم يكثر يوني
واهل المرجله يشيلون عني
➖➖➖➖➖➖➖
افكد اخيي وهيبتي اوياه
عالتربان اخوي تنام عيناه
اهلالك بالسمه ريته ولشفناه
➖➖➖➖➖➖➖
حسين منه يكطعو الراس
عالشاطي تضل اجفوف عباس
ورجع سبيه بيد الارجاس
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
ديوان رووعه وقوي بقمة الحزن مو حابه تعازين وتواسين الزهره اقري بديوان محزوز الوريد نعي بعدة اطوار مع الاحاديث وكل مايخص المجلس متوفر في الديوان 🔥🔥🔥
مو مجرد اعلان الله شاهد انما هاي الحقيقه ديوان رووعه لقد نال صدى واعجاب ماشاء الله له الحمد والشكر على هاي النعمه
توجد لدينا خدمة توصيل لجميع المحافظات العراق وبسعر مناسب جداً ٥ الاف فقط ويوصلكم الطلب للبيت بدون تعب ولامعاناة وفرنا لكم وسهلنه عليكم الطريق
للحجز ولاستفسار راسلو عالرقم
٠٧٨٦٣١٥٥٦٦٦
مع تمنياتنا لكم بالتوفيق واحياء الشعائر الحسينيه
وااماماه. واحسيناه
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6305