tgoop.com/firyjgssMeropmm/6187
Last Update:
✏️هوسات ميدانيه للسبي ✏️
من ديوان زينب والطفوف 👈الجزء الرابع
صدك زينب هاي عا الناكه مشت
مشت حرمه بلامحامي ولامعين
صدك زينب رافكت خيل ورجال
يعني عباس الكفيل بلا يمين
صدك زينب مشت مجتوفه بحبال
يعني حامي اضعونهه ماعده عين
صدك زينب صعدوهه اعالجمال
يعني عالشاطي رميه يالحنين
صدك بيش يكوم ويحامي خدرهه
عالنهر عباس مكطوع الايدين
(بيش يحاميها//وطاح الجف عالشاطي)
🌼🌼🌼🌼🌼🌼🌼
صعبه ولله صعبه شلون حرمه بليه والي
شلون تكضي الليل زينب بالبراري
بيش تحمي شلون ياهاي الغوالي
اليوم حيرانه وتصد يسره ويمين
لامحامي تشوف يمهه ولامعين
صفت حيرانه وعله منهه الونين
(ضلو نومه اعالتربان//اسباع الجينه اوياهم)
🌼🌼🌼🌼🌼🌼🌼🌼
اريد ابجي واصيح بصوت وين البيهم امروه
اودي اعتاب للي خوته حلوه
عافانه برضاه عباس لو عافانه بالكوه
خويه اعتب والعتب هاليوم حكي
خولي وحرمله بالضعن يحدي
اصفيت حرمه محيره ويدي اعله خدي
(للعباس العافانه//اليوم اعتاب نودي)
تمت✍️ الشاعره والمله ام حسين العامري
من ديوان زينب والطفوف الجزء الرابع
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
خادم منبرك يحسين ماامل هيهات
يبقي القلم منذور ويخط هالابيات
اضغط على رابط قناة اليوتيوب ليصلكم كل جديد
👇👇👇
https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
https://www.tgoop.com/firyjgssMeropmm
BY قناة الشاعره ام حسين العامري
Share with your friend now:
tgoop.com/firyjgssMeropmm/6187