⚡️⚡️⚡️Ўзбекистон ҳарбийлари нуфузли "Cambrian Patrol" мусобақасида кумуш медаль соҳиби бўлди

Ўзбекистон Мудофаа вазирлиги жамоаси Буюк Британиянинг Уэльс заминида ўтказилган нуфузли “Cambrian Patrol” халқаро ҳарбий мусобақасида иштирок этиб, юксак натижаларни қўлга киритди. Бу муваффақият миллий армиямизнинг жанговар салоҳияти ва дунёнинг етакчи ҳарбий кучлари билан тенгма-тенг рақобатлаша олишини яна бир бор исботлади.

Дунёнинг энг мураккаб ҳарбий-амалий мусобақаларидан бири ҳисобланган “Cambrian Patrol”да бу йил 30 дан ортиқ давлатдан, жумладан, Буюк Британия, АҚШ, Германия, Франция, Қозоғистон, Қирғизистон, Покистон каби мамлакатлардан 150 дан зиёд жамоа ўзаро куч синашди.

Мусобақа иштирокчилари жанговар шароитларга максимал даражада яқинлаштирилган бир нечта шартларни бажардилар:
- 70 км дан ортиқ масофага тўлиқ жанговар анжомлар билан марш югуриш;
- кимёвий ва биологик таҳдидлар мавжуд ҳудудда ҳаракатланиш;
- мураккаб табиий тўсиқлар ва сув ғовларидан ўтиш;
- ҳужум ва мудофаа бўйича тактик вазифаларни бажариш;
- нотаниш ва мураккаб ҳудудларда йўналишни аниқлаш.

Қувонарлиси, Ўзбекистон жамоаси ўта кескин ва муросасиз курашлар остида ўтган мусобақада ўз гуруҳидаги 26 та рақиб жамоани ортда қолдириб, биринчи ўринни эгаллади. Мусобақа якунида жамоамиз кумуш медал билан тақдирланди.

Мусобақани кузатиб борган британиялик ва бошқа халқаро экспертлар ўзбек ҳарбий хизматчиларининг юқори профессионаллигини эътироф этиб, уларнинг тайёргарлиги ҳамда жанговор шароитларда самарали ҳаракат қила олиш маҳоратини алоҳида таъкидладилар. Бу ютуқ Ўзбекистон Қуролли Кучларининг халқаро майдондаги обрўси ва салоҳияти тобора ортиб бораётганининг ёрқин далилидир.

📱 Каналга обуна бўлинг: @gayratkhodjasaydaliev

⚡️«Бирлик-2025»: Самарқандда беш давлат ҳарбийларининг халқаро ўқув машғулотлари старт олди

14–21 октябрь кунлари Самарқанд шаҳрида Ўзбекистон, Озарбайжон, Тожикистон, Қозоғистон ва Қирғизистон ҳарбийлари иштирокида «Бирлик-2025» ўқув машғулотлари бўлиб ўтмоқда.

Машғулотларнинг асосий вазифалари – қўмондонлик ҳамкорлигини мувофиқлаштириш, жамоавий ҳаракатларда амалий кўникмаларни ривожлантириш ва ўзаро тажриба алмашишдир. Ушбу тадбир минтақавий хавфсизликни мустаҳкамлаш ҳамда иштирокчи мамлакатлар армиялари ўртасидаги ҳамкорликни чуқурлаштиришга қаратилган.

📱 Каналга обуна бўлинг: @gayratkhodjasaydaliev