tgoop.com/fifteenthnightoperation/81
Last Update:
完咗之後想同咁多位交代番少少野
首先想講句對唔住，行動失敗，而且據消息指有四個手足係因為月夕行動而被捕，真係好對唔住。
-
我想講嘅，活動取消唔關我個人情緒事，純粹見到街邊人數唔足夠，現場嘅哨都同我講班狗開始陸續趕到，所以我哋經過商議先決定取消。麻煩到大家唔好意思。
-
其實我呢個位置可以做到嘅，就只係揀一啲比較適合嘅時間同埋地點俾大家，但係有幾多人落嚟同埋落嚟肯做啲咩我一開始都講過我控制唔到，我亦都冇話好有信心，或者要求冇落嚟嘅人同我道歉，請大家唔好無中生有加鹽加醋🙏🏻
-
其實除咗人數之外當日發生嘅一切都喺計劃嘅預計之中，而完全跟足指示做嘢嘅人真係可以第一時間趕到，但係因為人數不足所以佢哋都做唔到啲咩，咁當然計劃一定唔會係完美，但係現階段來講，基本上可以做到最好嘅就係咁樣。如果其他人有更好嘅辦法請務必提出
-
至於我之前講過會透露成個計劃，考慮到自身安全唔自爆呢一個原則，同埋計劃仲有佢嘅價值，所以決定唔透露，但係有部份手足其實已經搵過我，我透露左少部份，佢哋都表示明白同埋支持。
-
想講返有人話我係冷氣軍師唔理現實情況，坐喺冷氣房推人去死，第一其實大家提出嘅問題係兩個月前我哋已經諗過所以計劃裏面有解決方案，第二當日我係有安排人手喺各區報告第一情況，絕對唔係靠估，最後其實我當日自己都係區內並唔係坐係冷氣房叫你地去死，而當我喺現場嘅時候就會有第二個Admin負責公布消息。
-
至於地點、時間、同埋目標，其實一早已經定好左，並唔係好似啲人無中生有咁樣講話係夠鐘就是但擇幾個點，如果我係是但嘅話好難講得出咁詳細嘅地方。
-
關於全黑豬嘴嗰度，其實我冇叫人着住全黑上豬嘴喺現場集合，我只係話當日如果有心帶嘢出嚟嘅手足最基本黑衫同埋豬嘴就可以。
-
關於15分鐘由元朗去到荃灣嗰個位置，其實都係又有人過分解讀曲解我意思，我公布詳細地點其實係for荃灣區或者葵青區比較近嘅手足集合先，佢哋打響頭炮陸續其他佢都會趕到。呢個位置延伸講到落去會透露到計劃嘅敏感部份，所以唔多講。
-
我叫人準備最後又不了了之？每一個行動都有佢嘅黃金時間，過咗就係過咗,根據現場嘅情況我認為唔適合叫佢哋落去所以我就取消，咁樣係基於佢哋嘅人身安全角度出發。
咁最起碼佢哋都只係執好野準備出門口，而唔係喺現場斷正。
-
成個計劃最致命嘅其實真係唔夠人，一嚟和理非去晒銅鑼灣上晒山頂，二來好多人喺消息發放後，其實仲喺上面個group度鬧緊交，冇辦法短時間趕到係正常，再次重申跟足指示嘅已經係預計嘅時間之內到達Stan by。呢一刻成個大環境我哋自己人嘅行動力不足，呢樣野係最需要改善，講到地下化其實人人都識講，但係咪真係咁容易？相信慢慢會做到，但係綜合而家嘅情況我可以做到最好就係得咁多，而參與者可以做到最好嘅就係跟足指示。
最後我想同沙田區成功做到嘢嘅手足講聲多謝，好對唔住我取消咗個活動令到你哋白費心機，但背後嘅原因即係手足嘅人身安全尤其重要，希望你哋理解🙏🏻在此我再次同當日出咗嚟Stan by嘅手足講聲對唔住，辛苦晒。
希望其他Channel或者其他人唔好再曲解我意思或者無中生有，我冇辦法講個計劃出嚟可能好冇說服力，但其實喺有心水清嘅手足已經估到少部份我嘅部署，消咗啖氣冇咁激動嘅時候再睇吓可能你會有新發現。講真，如果成件事你哋就咁睇都覺得好鳩冇可能成真嘅話，點解對面要出6000警力，點解對面要喺活動前幾日不停針對月夕行動公海拉人，仲要聲稱捉到個搞手？（上網查下6000警力係一個咩概念），對面都知道成件事冇咁簡單，所以先如臨大敵，當然係講緊如果成真嘅話，喺活動之前佢哋咩資訊都掌握唔到，佢地仲驚過我，哋，但無奈大部份自己人只係當笑話，或者食花生嘅態度去睇呢件事，可能呢一個計劃唔適合係呢一日出現，大部份人都未準備好，對方同我一樣都係高估左我哋陣營。
無論點都好加油💪
BY 月夕行動
Share with your friend now:
tgoop.com/fifteenthnightoperation/81