tgoop.com/faqdalmawsawi/1386
Last Update:
القصيدة : وليدي مات
الرادود : سيد فاقد الموسوي
كلمات : محمد النواس
♧♧♧♧♧♧♧♧♧♧♧♧
انا ودموعي التصب
بيا حزن لمك اطب
شرد اگللهة عليك
هنانة حرگان الگلب
علي بوية بيش احلفك خاطر ترد للحياة
اگعد وباوع لبوك بروح ابوك التوة مات
تعبتني الوينك وما ادري وين
عمري ما عيشاً جنت هذا العذاب
شايل اهدومك ودور بالطفوف
ورسم بطولك وگدر عالتراب
وليدي مات تعبتني الجلمة هاي وليدي مات
كاض گلبي من مشيت
الله يدري شگد بجيت
افتح عيونك لبوك
لا تشوف شلون اجيت
بلا عمامة الطف گضيتة
وضابغ رموشي التراب
ماكو ميت ما فتحت عيونة منا هاي الشباب
لحضة وحدة وجه ابوك نترس شيب
من لگيتك طايح وضليت اصيح
الهوة خلصتة على نحرك من اجيت
وشامة شامة افتر على خدودك واطيح
وليدي مات ياهو يدعيلي ارد اموت وليدي مات
ليش هيج وليدي ليش
وحدك والدنية جيش
شرد اعيش الذكريات
ساعة بعدك ما اعيش
وحشتك شربت عيوني
وعشت احضات احتضار
ورت اموت وجعني
اصورك المتروسة صار
من اجي تفتحلي جنت اثنين اديك
وانجوي بگد ما تجيني بملگة حار
واختلف من غمضت هذا الشعور
من طرف واحد علي مشابگنة صار
وليدي مات كضيت گلبي وگمت اصيح وليدي مات
شلون اشيلك للخيام
بيك شمسوية السهام
امنية جانت عند ابوك
انت تگعد وانا نام
طيح گبلي من ارد اشيلك وانا اطيح من السموم
گمت اگل لخيالي فدوة اطيني ايدك خل اگوم
گوة افتح عيوني اجيت من التراب
وداعت اخر ضحكة من عبدالله اخوك
وانا من گد العطش والركض ضال
حتة الشلونك ثگيلة بحلگ ابوك
وليدي مات وراح من ايدي الدلال وليدي مات
صحت ذاك اوليدي ذاك
يركض الذباح اجاك
ردت الحگ بيك اجيت
شال راسك گلي هاك
التمن عليك الحوافر خربن ذاك الجمال
دنگت عود ارد احبك ماكو لشفافك مجال
ياعلي اتگلب اجيتك من بعدي
بس شفت ذباحك براسك رجع
ردت اگول اسمك علي وغصيت بي
وروحي طلعت مني واسمك ما طلع
وليدي مات موش يتراوالي اشوف وليدي مات
صدگ مات موش يتراوالي اشوفً صدگ مات
♧♧♧♧♧♧♧♧♧♧♧♧
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1386