tgoop.com/faqdalmawsawi/1172
Last Update:
☜ بـسمـه تعـالى ☞
الـقصـيدة : گلبي مات
اداء : سيد فاقد الموسوي
كلـمات :
★★★★★★★★★★★★
ياهو مات .. ها عليمن راكضات
باوعت زينب وصاحت گلبي مات
باوعت زينب وصاحت گلبي مات
رايحات .. فاگدات
رايحات .. فاگدات
★★★★★★★★★★★★
اجفوف زلمتنا النحبهن طايحات
اعز واحد عندي طلعت روحه
اعز واحد عندي طلعت روحه
حتى ماتنشد واشد اجروحه
الله لاينطيهم مگطعين اخوي
عافيتنا مخضبه ومذبوحه
الآخ ما تنگال بس اعله الحسين
الآخ ماتنگال بس اعله الحسين
الآخ ماتنگال بس للفاگدين
★★★★★★★★★★★★
سالمين .. نايمين
عمت عيني اخوان گلبي مذبحين
سالمين .. نايمين
عمت عيني اخوان گلبي مذبحين
يل حنين .. نمشي وين
يل حنين .. نمشي وين
شنهي بالله الدنيا مابيها الحسين
شنهي بالله الدنيا مابيها الحسين
تدري خويه الگلب من يتوازه
لازم يقابل عيون اعزازه
والتكتلك هسه محتاره وشكول
مره اجنازه وتبجي فوك اجنازه
هسه جيب اليفض هاي السالفه
حسين مطشر بكل الطايفه
حسين مطشر بكل الطايفه
★★★★★★★★★★★★
شنستراح .. والرماح
بيهه ماكفه نحر عبد الله طاح
كلشي ناح .. والصياح
فوك ذبح اخواني ركضني الصياح
فوك ذبح اخواني ركضني الصياح
فوك ماتعبان وحنه انريده
شمرو بنص حضنه راس اوليده
توه راد ايئشر لزينب تعاي
والنذل شافه وكطع جف ايده
كون واحد ذابحين اشوالي
ابد ماخلو لزينب غالي
ابد ماخلو لزينب غالي
★★★★★★★★★★★★
ياسلام .. والهيام
لحد يكلي عزيزي التوه نام
يبجي كام .. جاه حرام
مايريد حسين يسمع بسم شام
مايريد حسين يسمع بسم شام
ياگلبي كون تعود الايام
كون ارجع من اليوم للعام
متعيني اذا طبيت للشام .. متعيني اذا طبيت للشام
★★★★★★★★★★★★
يبجي كام .. جاه حرام
مايريد حسين يسمع بسم شام
يدري هذا الدرب ضيمه ازياده
يدري نحره يفوت كبل اولاده
بعد والماينحجن يم الله هايه
ساعد الله اكلوبكم يل ساده
واحد يكتلون بهله وناسه
ويدري راح بسوق يفتر راسه
★★★★★★★★★★★★
تعبوك .. موتوك
تعبوك .. موتوك
بعد روحي تكوم وطيح عله اخوك
سلبوك .. غربوك
توني لميتك وركضو طشروك
توني لميتك وركضو طشروك
خويه حد للصبر والله اطانه
بس وحك عمامتك تعبانه
بعد شصبر ادري جاه كلبي شيصير
يباوع يسحكون فوك اخوانه
هذا حد گلبي وبعد مالومه
مات مظلوم وبقت مظلومه
……..
ياهو مات .. راكضات
ياهو مات .. راكضات
راكضات .. راكضات
★★★★★★★★★★★★
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1172