tgoop.com/faqdalmawsawi/1036
Last Update:
❀ بـسمـه تعـالى ❀
الـقصـيدة : عباس اخوي وكفو
اداء : سيد فاقد الموسوي
كلـمات : محمد الموسوي
❀❀❀❀❀❀❀❀❀❀❀
عباس اخوي وكفو .. بس ضعني فاگد أخو
ليش الحسن مو بالضعن
ويسد مكانك منو … ويسد مكانك منو
❀❀❀❀❀❀❀❀❀❀❀
ها يخوي ولدي كلها عليك تنشد وينك
شرد اگول چم سنة مرت ولا ناسينك
نستراح مو تعب بس نوگف متانينك
چلمة الهم يلا محد گالها
وزينب مصدگة ترد حسبالها
وتگلي وين الحسن
شو ما لحگني الضعن
ضعن الاهل .. شو ما كمل .. ويسد مكانك منو
❀❀❀❀❀❀❀❀❀❀❀
ضعني راح واحد يباوع بعين ثاني
حيلي راح وسمعت منهم حچي بمچاني
شوف ابوي بس خطواتة مال متاني
بعيد صاروا غير جدمي يشيلني
جزو اخوية وگعدوا متانيني
مشتاگلك … وچبدي نمرد
ياحيرتي … وضعني ابتعد
اولهم انه جنت
واعليهم تعطلت
جدمي عثر .. ظهري انكسر .. ويسد مكانك منو
❀❀❀❀❀❀❀❀❀❀❀
يالحنين من مشينة ورفرفت رايتنه
انته وين اتذكرت كل الحچي البيناتنه مرة اجيت
وكلتلي نوصل كربلا ثنيناتنه
يبو القاسم هاي تاليها صدگ
عاد نوصل كربلا وخل نفترگ
اشتاگلك .. شوگ الزغر
يا عازتك .. ذلة وهجر
يالگلتلي اشيل اللوه
ونخلص الطف سوه
تغير شنو .. ها يالأخو .. ويسد مكانك منو
❀❀❀❀❀❀❀❀❀❀❀
بالله ليش محد يعذره ليفارگ غالي
وين اروك بكلشي وجهك گام يتراوالي
كون اموت ولا اضل ذكريات بالي
وداعة الخوة صدگ هجرك ثگل
الـدنيا باگت ضحكتك ماريد اضل
يا هيبتك .. لو بالخيم
يا عازتك .. حيلي نهدم
لو واصل الكربلا
تسمع حچي العايلة
نبلة وطفل .. چف وحبل .. ويسد مكانك منو
❀❀❀❀❀❀❀❀❀❀❀
حطلي راي يالحسن وحدي وحرمكم حايرة
حيرة هاي بالخيم بيك التهي ما صايرة
عالتراب بالي يمك والحوافر غايرة
طايح ومشتاگلك والخيل اجت
بالي يمك وهية سحگتني وجزت
يا خاطري … توه نكسر
يا روحي … شبعت قهر
بالخيل اذا نسحگ
أهون ولا نفترگ
ذكرك يمر .. مثل الجمر .. ويسد مكانك منو
❀❀❀❀❀❀❀❀❀❀❀
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1036