tgoop.com/faqdalmawsawi/1000
Last Update:
☜ بـسمـه تعـالى ☞
الـقصـيدة : مسلم يا حميدة اليوم
اداء : سيد فاقد الموسوي
كلـمات :
♧♧♧♧♧♧♧♧♧♧♧♧
مسلم يا حميدة اليوم جايبلج خبر منه
طاح وذبحته الكوفان نوحي وجري الونه
♧♧♧♧♧♧♧♧♧♧♧♧
جيت مگصر الخطوات امشي ومستحي من حسين
وجهي يصب عرگ خجلان واحچي النايبه يبا عين
گليلي يبنت الناس كونج للحچي تحفظين
حفظي الجايبه وسمعي وصعب بحلگي اگولنه
♧♧♧♧♧♧♧♧♧♧♧♧
صاحت يا رسول الشوگ جيتك موش جيت خير
چنك ما تريد تگول عندك ناگص التعبير
انه ابنت رسول الله عگلي موش عگل زغير
سولف للتريده وروح وانه العمي اوصلنه
♧♧♧♧♧♧♧♧♧♧♧♧
گلها يفتت الدلال حالف ما اگول شصار
من طبع العراقي يخون يهدم للأشراف ديار
مسلم حاوطوه الالاف برماح وسيوف وحار
وحبال وتجره الخيل والشمات تتعنه
♧♧♧♧♧♧♧♧♧♧♧♧
ردتك خانگه العبرات تتعثر بمشيتها
سدرت من ابوها اخبار والنسوان لاگتها
صاحت وين عمي حسين يحظر هاي ساعتها
عندي من الحچي المشكور بيه وما يسر چنه
♧♧♧♧♧♧♧♧♧♧♧♧
من مر الخبر الحسين رك حيله وهوى للگاع
اجهر بالدموع وصاح سيف من الهواشم طاح
يا نكبة بني عدنان مسلم للسفينه شراع
بيها نحار الريح وبيه بهر الضيج اطرنه
♧♧♧♧♧♧♧♧♧♧♧♧
صاحت ها يعمي حسين شنهي الخبر حاچيني
ترى اني نفت صميم حچاي واختلت موازيني
ابوي يرد بعد لو راح عني وصار ناسيني
اشوفك تمسح عن الراس عني وگاطع الضنه
♧♧♧♧♧♧♧♧♧♧♧♧
گلها من الصبر مريود ليچ وكفي الآهات
نوحچ وبعد ما يرجع ما يرجع بنوح المات
باچر عمچ تشوفين دمه مخضب الشيبات
وچفوف الكفيل تطيح بالدم غاد تتحنه
♧♧♧♧♧♧♧♧♧♧♧♧
موش اليوم اهمن بيچ باچر يا حميدة الخوف
عنهم لو على الحرم وعليچ لو طاح الگمر مخسوف
وانه مسيلب من الثوب وتطوف على جسمي سيوف
راسج من يمسحه وراح چف البيها امسحنه
♧♧♧♧♧♧♧♧♧♧♧♧
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1000