tgoop.com/eltuz2022/32008
Last Update:
ШУБҲАЛИ ЭЪЛОНЛАРГА ИШОНИБ РОССИЯГА БОРИШГА ШОШИЛМАНГ
Ассалому алайкум,
турли эълонларга ишониб, Россияга келмоқчи бўлган ўзбекистонликларни огоҳлантирмоқчиман.
Ҳозирги кунда ижтимоий тармоқларда Ozon логистикада ишлашга чақирадиган реклама ва тарғиботлар авж олган. Илтимос, бундай эълонларга алданиб қолманг. Энг ёмони ишга Ўзбекистон меҳнат биржаси ҳам аралашиб келмоқда.
Ишга таклиф қилувчи фирмалар ва Ozon Job логистика бир-бирига умуман ўхшамайдиган, бошқача маркетинг сиёсатини юритади.
Ҳақиқатан ишлашни истасангиз, Play Market'да OzonJob дастури бор, шу дастур ёки компаниянинг расмий саҳифалари орқали бўш вакансияларга мурожаат қилишингиз мумкин. Ozon Job ойига 15 кунлик ишни таклиф қилади (2 кун иш, 2 кун дам).
Камчиликлар:
1. Иш шароити: Смена 11 соат давом этади. Фақат 30 дақиқа тушлик ва 15 дақиқадан икки марта танаффус бор. Бу иш катта жисмоний юкни кўтара олишни талаб қилади. 11 соатлик мунтазам ҳаракат ва сизга қараб турган минглаб камералар руҳан ҳам, жисмонан ҳам чарчатади.
2. Интизом: Чўнтагингиздан қалам ёки бошқа арзимаган нарса топилса ҳам, ярим ойлик маошингиз жарима қилинади.
3. Фирма орқали ишлаш: Ozon ходимлари фирма ишчиларига нисбатан кам ишлаб, кўпроқ маош олишади. Фирма орқали келганлар ойига 30-31 кун ишлашга мажбур бўлади.
4. Молиявий шартлар: Ҳужжат ва йўл харажатлари фирма томонидан қопланади, лекин бу сизнинг иш ҳақингиздан ушлаб қолинади. Ойлик иш ҳақи ишни бошлаганингиздан сўнг 45-50 кундан кейин берилади.
Ҳуқуқий муаммолар:
Фирмалар паспортингизни гаров сифатида олиб қўяди. Бу кўпчиликни саросимага солиб, руҳий босимга дуч келтиради. Ушбу ҳолат ва бошқа сабаблар туфайли фирмаларда кадрлар тез-тез ўзгариб туради.
Илтимос, ҳушёр бўлинг:
Ҳурматли ўзбекистонликлар, вазиятни яхшилаб тушуниб олиб, бундай хавфли ишларга алданиб қолманг.
Ўзбек ҳукуматига мурожаат: миллатимизни ғаразли фирмаларга қул қилиб топширманг!