tgoop.com/ebtacm/3825
Last Update:
السلام عليكم ورحمة الله وبركاته
شايفه منشورات بتتكلم عن #توبة_من_السحر.. ودي حاجه كويسه جداَ انه الناس بدت توعى وتعرف عن خطر السحر والسحرة..
انتو عارفين إنه مجرد الشخص يعترف بالسحر بكون السحر اتفك.. بس الاذى الجسدي البحصل مراحل بعيده احتمال تتلحق واحتمال لأ..
#على فكرة السحرة أخبث مما تتصورو.. فانتي لما تقطعي المسافات وتمشي تعملي سحر لاختك ولا صحبتك الساحر هو زاتو برجع بسحرك يا فن انتي ما تفتكري انه حيخليك.. حيسحرك عشان ترجعي ليه بقروش.. عشان تخسري اموالك كلها وتتدمري انتي زاتك.. اقل اثر ممكن يشيلو الساحر بعد تمشي درب النعال حقك.. واذا اداك موية شربتيه يبقى الفضلة بتاعة الموية.. دي اقل آثار تتأخد منك يا فاهمة.. عشان تاني تجري ورا الشيوخ وتتأذي انتي قبل العايزه تأذيها..
انتي مالك تخسري ربنا
تخسري صلاتك ٤٠ يوم
تخسري قروش
وتخسري نفسك في النهايه..
حتتدمري
والزوله الاذيتيها حتى لو ماتت هي ما عندها ذنب👀
اتخلعتي؟؟
ما تتخلعي حبيبه دي ما عندها ذنب خالص.. ولو مشت المسحوره لشيوخ دجل تاني عشان تفك السحر بسحر بكون حرام
#طيب_علاج_السحر
الحجامة الحجامة الحجامه.. ولازم تكون البتحجمك امراة عقيدتها سليمة من الصوفيه والعقائد الفاسده..
الحجامة أسرع علاج للسحر لانو بطلع بالدم.. والشيطان بجري مجرى الدم.. حتشوفي نفسك كويسه بسرعه شديده.. واوعك تقولي للناس اتحجمت وبقيت كويسه عشان تاني يجددو ليك السحر وانتي بتكوني غافله ونسيتي ايي حاجه ونسيتي انك ترجعي لربنا وتواظبي على الاذكار
#تعديل_لأيام_الحجامه
يوم ١٧ و١٩ و٢١ و٢٧و٢٩ من كل شهر هجري
يوم الخميس والاثنين والثلاثاء من كل اسبوع
یقال یوم الاربعاء ۔۔یوم نزل فیہ البلاء لسیدنا ایوب علیہ السلام فلا یحتجم فیہ
#العلاج_الثاني_للسحر
الرقيه الشرعيه بسورة البقرة والمعوذات وآيات الرقيه المعروفه
ما تحددي ايام معينه او عدد معين ارقي نفسك طوالي باستمرار
بطلع السحر في شكل استفراغ دم اسود او ماده سوداء.. او يطلع من جوه بطنك شعرات او حتلقي في البيت مكان يضايقك تبحثي عنه احتمال تلقي حاجه
#وصفة_ثانيه_للعلاج
السدر
تجيبي ٧ ورقات سدر يتدق بين حجرتين وتنقعي في موية وتغتسلي بيها.. ودي نافعة للسحر بإذن الله
#مصير الحاجه الحتلقيها او العمل
ما تحرقيها او تجدعيها في كوشه طوالي
امسكيها اقري فيها معوذات كتير بالنفث عليها.. وتحرقيها اخيراً.. وبكده بكون اتخلصتي من الأذى
#ملاحظه
حتي لو لقيتي حجابات او بخرات اعملي نفس الشي وحتتخلصي من الاذى تماماً.. وما تنسي عيالك تحصنيهم ولزوجك لو متزوجة
#استودعكم_الله
#بـَـــرَاءه 🌻 ✍️
BY 💕 ابتسم 💕
Share with your friend now:
tgoop.com/ebtacm/3825