الارض البقيع... باچـر نـجـي مـشايه
الارض البقيع... والمهدي بيده الرايه
غصباً عله النواصب. نجي وننصب مواكب
والمهدي بيده الرايه
****
باچر ابو صـالح يـجي وبيده يبني الـحضره
يبدي بگبر ام الحـسن ولـنـاس يكشف امـره
غصباً عله خشوم العده يرفع ضريح الزهره
بثارها ايطالب يضل والـعادي يـنـبـش گـبره

باچر يصيح.... من ينبش الظلموها
باچر يصيح.... ذوله الذي عصروها
حُكمه نضل نراقب. نجي وننصب مواكب
والمهدي بيده الرايه
******
الارض البقيع بكل الم يمشي ودمعته بخده
يوگف عله گبر الحسن ينعى ويـون الوحده
ويـنـادي ياعـالـم تـره بل سَم تـگـطـع چبده
هذا الحسن سبط النبي وحـته گـبر ماعنده
يبني الضريح.... ويرفع اله مناير
يبني الضريح... ويحيّ اله الشعاير
وعله اگبور الحبايب. نجي وننصب مواكب
والمهدي بيده الرايه
*******
من الگضه عـمره يـون يزيح التُراب بحرگه
زيـن الـعباد اللي نـضـر خيّاله ابوه اتسحگه
بذاك الضهر بعد الذبح خيام الضعن محترگه
عاش السبي وضيم الهزل وبحبال اديه متشبگه
عمره ينوح.... وســود دوم اثـيـابه
عمره ينوح.... ودموعه دم سچابه
الگلبه الحنين الذايب. نجي وننصب مواكب
والمهدي بيده الرايه
*****
عالبـاقر ايـصـب الـدمع فـوگ الـگـبر يـتلوّه
يذكر ركضته اعله الجمر ويه رقـيه اتـچـوّه
لاذ ابعبات ام الـخـدر ابـسـيل الـدمع يتـروّه
وفوگ الهزيله والشمـر ابسوطه علي يـتگوّه
بالحسره والآه... إمامي گضه عمره
بالحسره والآه... المهدي يبني گبره
نقره ودمعنه ساچب نجي وننصب مواكب
والمهدي بيده الرايه
******
رابع گبر يبنيه ذهـب لـصادق الضـم شيعته
ناشر عِلم جده عـلي رغم النواصب حاطته
عالطف يسولف كل وكت والزينب اتصب دمعته
ادموعـه تـنزل مـن دِمه لوجاب طاري عمّته
الجده الحُسين... ليليه يـنـصـب مـأتمـه
الجده الحسين... دموعه تجري من دمه
بساعة ضهور الغائب. نجي وننصب مواكب
والمهدي بيده الرايه
*******
خامـس گبر لإم الگـمـر ام الـبنـيـن ام الوفه
تستاهل مناراة اربعه بإسم الحسين امزخرفه
ايحـبـها ابوصـالح لإن عباس عـمّه امـخـلّفه
المرقدها اضن رايه يحط يكتب عليها ام الشفه
ام الكرامات... چانت گبل بدويه
ام الكرامات... صارت تره علويه
ومن كربله نواكب. نجي وننصب مواكب
والمهدي بيده الرايه
******
عمار حسن الدراجي....

نزله بحق الامام محمد الجواد ع

مات مسموم الجواد. وشيعته لبست سواد
اليوم شيعة حيدره ابونها تبات
******
للجواد الشــيعه تبچي ولاطـمه
اليـله بمـصـابه نواسـي فاطمه
انصيح واه ويلاه ياحمي الحمه
اتنوح لمصاب الجواد ارض وسمه
اليله حضرت بالعزاء. كل ملائكت السماء
عالغريب الفوگ سطح النايبات
اليوم شيعة حيدره ابونها تبات
*****
ضل ثلث تـيام جـسمه بلا دفـن
مثل جده حسين بجروحه يون
لچن موش بخيل صدره ينطحن
ولاخواته اسياط شـافن عالـمـتن
مشن عالنوگ الهزيل. بلاحمايه ولا كفيل
اليحدي بيهن حرمله وگوم الطغات
اليوم شيعة حيدره ابونها تبات
****
چبد ابو الـهـادي يـشيـعه مـنـمـرد
موسهم طايش اجه وصاب الچبد
سهم الامثلث حصـد چـبده حـصد
حسين من طاح وبگت زينب تصد
هجمت خيول الظلام. بنار حرگوها الخيام
وبالخيم عافت عِلاوي امخدرات
اليوم شيعة حيدره ابونها تبات
**
يالجواد ومن بـگـيت اعله السطـح
شلون حالك ونـته چـبدك مـنجرح
انته واسـيت الـذي انـشـال ابرمـح
راس جــدك والـدمـه مــنـه يـسـح
راسه ينشال برماح. وعالترب چم مرّه طاح
. اگبال زينب واليتامه اميسرات
اليوم شيعة حيدره ابونها تبات
*"*"***
مات مـسمـوم الـجــواد ابلا ذنـب
صـايـم ونار العـطـش تلهب لهـب
جـده عـطـشان وذبـيح ومنسلب
والشمر گاعد علا صدره ويسب
يسب ياوسفه الحبيب. وخده عالغبره تريب
وزينب اخيام العليها امحرگات
اليوم شيعة حيدره ابونها تبات
****
ابهالمصيبه اليوم نـذكـر كـربلـه
نذگر المـضلــوم نـايـم بـالـفــله
واه حُسين انصيح محد غسله
عاري عالتربان ابن عـقـد الوله
بالشمس وبلا ثياب. والچفن ذاري التراب
منذبح عطشان يم نهر الفرات
اليوم شيعة حيدره ابونها تبات
****
عمارحسن الدراجي..

... ياجواد العالمين....

يامولاي يبن الرضا. يامولاي يبن الرضا
***
يبن الرضا عنوانك..
ماتـنـغـلـق بـيـبانك
گالولي عطاي امراد
وامرادي كون احزانك

سائل واجيتك سيدي
ومديت الك اديه
امجدي اجيت ابمجلسك
رايد تحن عليه
ارزقني ياابن الرضا
حرگه لبو رقيه
ودموع ماتسكت ابد
ابچيها اله يوميه

دخيلك.... ياجواد العالمين
دخيلك... ياشفيع المذنبين
يامولاي يبن الرضا. يامولاي يبن الرضا
*****
ادخيل عتبت بابك
جبريل باس اعتابك
امراد ياخذ ويروح
للرضا ينعى امصابك

جبريل ماعنده ذنب
واذنوبي آنه اهوايه
اقبلني ياابن الرضا
وخليني اسوي اقرايه
خليني اوصل للحرم
وي طلعت المشايه
وارزقني اشيلن بالمشي
ابچفي وارف بالرايه

ارزقني... المدامع والانين
ارزقني... ياشفيع المذنبين
يامولاي يبن الرضا. يامولاي يبن الرضا
****
يبن الرضا دخيلك
مشاي اجي اعتنيلك
وشايل حزن عاشوراء
يل منمرد دليلك

يالگاضي عمرك بس تون
بالغربه گاضي اسنينك
تذكر غريب ابكربله
عايش مصاب احسينك
ابالك خيم متوجره
العمتك تزيد اونينك
مولاي چم لوعه عشت
سيدي الله اليعينك

ازورك.. اعله راسي والادين
ازورك..... ياشفيع المذنبين
يامولاي يبن الرضا. يامولاي يبن الرضا
****
تايه انه واجيتك
ولايذ انه بحميتك
عيشني احزان الطفوف
وگعدني مولاي بثنيتك

لفني ابعباتك سيدي
وطهر الي دليلي
اچويني من نار الخيم
واترس جمر شليلي
خليني ابچي من صدگ
خل يرتفع عويلي
عمتك سبيه ابكربله
وتنادي ياكفيلي

سبوها.... زينب والنساوين
سبوها.... ياشفيع المذنبين
يامولاي يبن الرضا. يامولاي يبن الرضا
*****
عاشور فاتح بابه
سجلني ويه احبابه
ويه خدام الحُسين
وخليني احيي امصابه

قربت ايام المصيبه
ونفتح باب العزاء
ويرتفع صوت الضماير
كلها تگصد كربلاء
العالم ابأسره ينادي
حسين سيد الشهداء
وبالسمه نشرو قميصه
ولچن ينگط بالدماء

ابعاشوره.... تصرخ الموالين
ابعاشوره... ياشفيع المذنبين
يامولاي يبن الرضا. يامولاي يبن الرضا
******
عمار حسن الدراجي..

(قصيدة الاصلاح گعديه)

حسين لجل الاصلاح ...ضحه بحياته
من اجلك واجل الدين...كل تضحياته
ضد الظلم واهل الجور
ويشهد اله يضل عاشور
ضحه بحياته
***1
صاحب الثوره العظيمه حسين مرجعنه الاساسي
المُصلح الضحه ابنينه وشاهَد انواع المآسي
ضحه بأعز ماعنده وحطم الرقم القياسي
بصدره يتلگه النبل
بجفه ذبحوله طفل
قربان قدّمهم لجل ...مايبقى كل فاسد سياسي
رادانه نصبح احرار ..انعيش بكرامه
ومانعبد احنه اشخاص ..تدعي الزعامه
خط النه اعظم دستور
ويشهد اله يضل عاشور
ضحه بحياته
***2
حسين عَبره حسين عِبره حسين خالد ماهو فاني
خرج طالب الاصلاح دينه ماطلب كرسي ومباني
حسين فك اقيود اديه عبد وبذبحه حرراني
والله لوما حسين روّى
بدمائه الطاهره وضوّى
فلس واحدنه مايسوه..وعبد يمكن هٍسه آني
وجا هِسه انته تنباع ...بسوگ النُخاسه
واليشترونك معلوم....اهل الرئاسه
حسين الاجلنه منحور
ويشهد اله يضل عاشور
ضحه بحياته
***3
حسين مني وآنه منه گالها طه الامين
يعني مايستقم ديني الاويذبحون الحُسين
فعلاً ومر الوكت وصارت الناس ابلايه دين
اسلام ضلو بس اسم
القرآن اصبح بس رسم
دين الله رادو ينهدم....والناس تمشي المدري وين
ومشه راعي الاصلاح ..بأهله وبنينه
الكربله يمشي اشهور...عاف المدينه
من غيرته دمه ايفور
ويشهد اله يضل عاشور
ضحه بحياته
***4
وگف وجيوش وعساكر منين ماتندار عينه
خيل وارماح وبواتر كلها ضده امحاوطينه
وابد ماهم ابجمعهم همًه كله اصلاح دينه
وگف وبنصهم خطب
خاطبهم ومنهم طلب
لنار لتكونوا حطب.. مصلح وروحه حنينه
الجيش ضده وحسين ...خايف عليهم
يدخلون حتماً لنار ...من فعل اديهم

ايقاتلهم اهنا مجبور
ويشهد اله يضل عاشور
ضحه بحياته
***5
رغم چان حسين بالطف الوحده ودمه ايتجاره
انتصر عالسيف دمه وبالدمه خط انتصاره
حسين ضحه وراد منه انعيش احرار وغياره
حسين جرنه من العدم
وسوّه لحبابه خيم
عالم الخدمه والخدم ..فوز مابيها خساره
دنيا وآخره تفوز ....بالخدمه هايه
عيش بخدمته ولتخاف..عُظم البلايه
من الظلمه جرّك للنور
ويشهد اله يضل عاشور
ضحه بحياته
***
عمار حسن الدراجي

فرض العشگ صلينه
للحومه من طبينه
ذوله احنه الانصار

*
حيى عله الحب الصدگ
من صلّه بينه ابو العشگ
ماردنه عنه نفترگ ...الا بذبحنه
هوّسنه يم رب الخيم
والكافل ابچفه العلم
استاذ بالحب والقيم ....نوّر گلبنه

مر اعله عابس العلم واعلن غرامه
شگگ ثِيابه من شهگ عطر الامامه
اعقل مجانين العشگ فاز بهيامه

حين الدخل للحومه
ذب الدرع واهدومه
ذوله احنه الانصار

***
بالواقعه حبنه كبر
من شفنه موتتنه فخر
نتسارع الگطع النحر...فدوه العشگنه
هوه العشگ رايد دمه
وكون الحبيبه ايقدمه
واحدنه گلبه سلمه.......لمن شبگنه

چاغير الحسين العشگ وابن الرساله
لازم نموت ابهل مسه كلنه ابداله
بعيون ابو اليمه ضَهر نور الجلاله

لازم نضحي دونه
فدوه الجمال اعيونه
ذوله احنه الانصار

*
شاف الحقيقه ونعجب
عاف المسيح ولن ذهب
وبعشگ ابو اليمه انصلب ..وهب الكُلابي
وحر وزهير وعوسجه
من سيوفهم محد نجه
من طب حبيب الكل اجه...الاكبر صحابي
يدرون ابن ظاهر شهم والكل تهابه
تربات حيدر والنعم حسبو احسابه
شايب وماينگدر شنهي ابشبابه

من عشگه من حميته
بالدم صبغ لحيته
ذوله احنه الانصار

**
المعشوگنه انطينه عهد
ويعرفنه مانخلف وعد
شنريد من عنده بعد ... فادي حياته

ارماح وبواتر من تسل
بصدورنه انصد البل
بس كون ابو اليمه عدل.... ويتم صلاته
خلص صلاته واشتعل طف المنايه
وصار طوفان الدمه بحبه ضحايه
آيات طحنه اعله الارض آيه اعله آيه

وحسين شن الغاره
واخذ ثار انصاره
ذوله احنه الانصار

**
بس العشگ ماينتهي
وياكم اشگد نشتهي
بهاي الخدامه نلتهي....ونحيي مصابه
واعله المنابر ننتچي
وبحسين مَخلص الحچي
نلطم سوه ونشبع بچي...الشيبه وخضابه

نتمنه وياكم نجي ابجو الخدامه
وندخل ابنص العزه ونصير لطامه
هنايله كلمن النذر عمره الامامه

هالخدمه اكبر نعمه
والخادم اكبر زلمه
ذوله احنه الانصار

***
عمار حسن الدراجي

موشح للامام الكاظم ع

جمره الك ماتنطفي يابو الرضا
شما يمر يومك يوج بينه الغضه
**
جمره الك ماتنطفي طول العمر
مثل عاشوراء يومك من يمر
تشبه السجاد بگيود اليسر

الساگ من گيد الحديد امرضرضه
جمره الك ماتنطفي يابو الرضا
****
اعليك يالكاظم تون كل شيعتك
يم جسر بغداد تنعى امصيبتك
ليش ثلث الليال ضلت جثتك

ابلا دفن مطروح والموعد گضه
جمره الك ماتنطفي يابو الرضا
****
ياغريب الما حضر واحد الك
من اهل بيتك اجاك وغسلك
ابعيد عن ولدك قضيت وعن هلك

وجفن عينك سيدي مَن غمضه
جمره الك ماتنطفي يابو الرضا
**
بيد غربه جنازتك تچوي الگلب
موحش التشييع لو كلهم غرب
وساكن اخريسان دمعاته تصب

راح ابوه الغالي بيش ايعوضه
جمره الك ماتنطفي يابو الرضا
***
فاطمه المعصومه يالكاظم تون
اعليك يابوها غدت سود الجفن
هناك بالغربه الحزن زاد الحزن

اعليك يابوها غدت متمرضه
جمره الك ماتنطفي يابو الرضا
*****
اعليك يامولاي دمع الحب نزل
ياشمس بغداد تضوي من الازل
ياطبيب الروح تشفي وكل علل

ريت سم الصابك بچبدي مضه
جمره الك ماتنطفي يابو الرضا
****
ها يشيخ الساده يا تاج الفخر
وين سجانك صفه بيه الدهر
وين صار الطاغي ماضله اثر

وهاي گبتك طخت اعنان الفضا
جمره الك ماتنطفي يابو الرضا
*****
عمار حسن الدراجي

في حق مسيرة الركب الحسيني ع

مسافرين.... والمنايه تحدي بيهم
مسافرين.... الكربله گاصد وليهم
وبمحطات السفر. ينصب اخيامه الگمر
مسافرين. مسافرين
****
مسافرين وراية الـ كافل عله اضعونه ترف
افياي صارت عالمحامل ثابِـته وماتنحرف
گاصـدين اديـار غــــربه وابـد مابـيها عرف
اهناك يتلگه الضعينه حرمله وشمر الصلف

كربله مابيها امان. تنتضر ذبح الحنان
ناشره اسهام ورماح. عدو متروس المكان

مسافرين.... الموت يتماشـه بميشهم
مسافرين.... وبهـمس اصبح حچيهم
ولوطفل منهم عثر. ينصب اخيامه الگمر
مسافرين. مسافرين
******
مسـافـرين اعيال طه اعليهم ابعيد الدرب
التحدي بضعون الهواشم اهله موتحدي غرب
ماكو سوط ولاهـزايل لاشـتـايـم لا ضـرب
لاخـيام امـحرگات ولاجـثث فـوگ الـترب

هنا علاوي امدللات. هسه بخيمهن تبات
حارس ضعونه الكفيل والروايه امنشرات

مسافرين.... وكربله گـربـت عـليـهـم
مسافرين.... والذبـح شمره ويجيهم
گبل ليحين الخطر. ينصب اخيامه الگمر
مسافرين. مسافرين
******
حَسـبْت ايـام وضـعـنـهم يدخل ابطف كربله
وينصب اخيامه گمرهم وبيده يسگي العايله
اهنا رقيه بحضن ابوها بحضنه تغفه امدللـه
بـعـد ايام الــمـصـيـبه تـحـيـن ويـصــير البله

آه مـنـها كربلاء. اطوف باچر بالدماء
بياوضع باچر تكون. امسلبه باچر نساء

مسافرين... كربله صارت قريبه
مسافرين... الوادم وديره غريبه
ومن يگربون النهر. ينصب اخيامه الگمر
مسافرين. مسافرين
***
مسافرين وماكو راحه بنينوى الراحه ذبح
باچـر ايِوكر ضـعـنّهم ليـله ويصير الـصبح
الـنهــر باچـر عـلـيهـم ايگطعه ملعون وگبح
وزينب اتشاهد اخوها يـنرفع راسـه بـرمح

روس باچر عالرماح واليتامه تصب جراح
تحترگ باچر خـيام. باچر ايـصــير الـنياح

مسافرين.... يرتاح كـون الـي يسـافر
مسافرين.... مو يدوس بصدره حافر
مشي بالهيمه شهر. ينصب اخيامه الگمر
مسافرين. مسافرين
******
وصلو الوادي المنايه والحچي اصبح همس
زينب اتشاهد اخوها حسين مومثل الامس
البسمه راحت من شفاها خطربعيونه تحس
السمه صارت حزيـنه وغيّـمت حته الشمس

وگّف اضعونه الامام هاهُنا نصبو الخيام
كربله يـعـنـي قـتـال حرب مابيها سـلام

مسافرين... ونگطـع درب المديـنه
مسافرين... كفار ذوله امحاوطينه
انشوف باچر يادهر. ينصب اخيامه الگمر
امسافرين. مسافرين
*****
عمار حسن الدراجي محرم

غيرك منو الي. يابويه ياعلي
بيتي بعد طفه يعني گضو هلي
*****
ياسگف بيتي ومن رحت البيت ضل ابلا سگف
يالعاطفي مثلك فلا نلگه ابو ينگّط عطف
يابو الكرم ليش ارحلت الخير ابوجودك مايجف
بعدك عطش بينه يمر نگضي عطاشى ودم نزف
فگدك فتح جرح. من الهامه لرمح
بعدك انه انتضر. ولي يلحگ ولي
***
فگد الابو ماينحمل اوجود الابو كلش مهم
ونته الضوى يابو الضوى دونك الظلمه تعم
دونك تره بيتي يضل بيتي خالي من الزلم
يگضون بعدك يالابو بيتي بمحرم ينهجم

شهم يتبع شهم. الكفو منهم والنعم
بعاشر محرم الضهر يمشون همه وكافلي
***
بعدك يبويه شأنتضر اول اخو ينسم غدر
بهذا الطشت چبده يصب وبالشام هم طشت انتضر
مو هسه آنه اتيتمت آنه يتيمه من الزغر
يعني العمر اگضي حزن چا شنهي هذا من عمر
شفت امي والضلع. منهه انشلع شلع
ازغيره وشفت حضن دم امي ممتلي
***
بعدك يبويه بالگلب نار المصايب تشتعل
باب الهضم من ينفتح بچف الدلال يشد حبل
من نوگ هودجهن عرش يبدلوهن بنوگ الهزل
من الاميرات الخلگ لشام يحدوهن كتل
من الخيمه والخدر. للهيمه والقصر
وبالسوگ يوگف الضعن يابويه بيهن ابتلي
**
ياعلي وباچر من يجي خالي المهر يم خيمتي
معناهه ابقى الوحدي خلصو ذبح كل اخوتي
معناهه اخوي اعله الترب مذبوح عزي وهيبتي
عالغبره نامو والشمس تحرگ اعزازي ومهجتي

اصبر عله. الجره. والبعده ماجره
النار تبقى اموجره. وبيتي يضل خلي
***
يابويه موعدنه يضل ليل اهدعش يترسني الم
لا اخوّه لاكافل بقى بالهيمه ابات ابلا خيم
آنه ويتامه النه اشكثر اطفال تتباچه وحرم
تحرسنه اريدك ياعلي حارسنه طاح اويه العلم
تحضرني يافحل. من وحدي اضل
ابقى انتضر تجي. غيرك منو الي
****
عمار حسن الدراجي
١٦رمضان/١٤٤٤ه‍

(مولاتي العليله واحزانها)

اخذوني بضعنكم من ترحلون
وياكـم اروحـن ويـن تمـشون
محد گال تمشين.     بقيت بحسره وونين
اخذوني بضعنكم.      اخذوني بضعنكم
***
يتركوني هلي ماچنت اضنهم
ومحد جااب الي اخـبار عـنهـم
احب الناعي من ايگول عني
(آنه اجويعده وحمّل ضعنهم)

اناطر دگت الباب.       عندي احباب غياب
عنهم انشد الناس.      محد جاب الي اكتاب

وسايل باليّرحون ويردون
وياكم اروحن وين تمشون
اخذوني بضعنكم.      اخذوني بضعنكم
**
راحو كل هلي وضليت وحدي
واتمنى عفت عبد الله عندي
عندي اگماط اله واتسلـّه بي
اشم اگماطه والدمعه اعله خدي

عزيز وصعب فرگاه .    اموت بحسره وب آه
بويه حسين وياك        گتله وماخذاني وياه

صييحت اشكثر بس مايردون
وياكم اروحن وين تمشون
اخذوني بضعنكم.      اخذوني بضعنكم
***
لاطارش لفه منهم واجاني
والجيّت علي الاكبر اتاني
محتاره واون بعتبة الدار
ابداري الخاليّه ضليت اعاني

حگها تهمل العين        غير امفارگه حسين
ابوي وسلوة الروح.      اضنن حاله مو زين

يالوعة حسرتي وهاي الاضنون
وياكم اروحن وين تمشون
اخذوني بضعنكم.      اخذوني بضعنكم
***
روحي تختنگ كل مغربيه
تجي ابالي العزيزه اختي رقيه
مشغول اشكثر بالي عليها
احسّن شوبعد متعود اليه

وصِدْگت ذيچ الاضنون.   ماجت ويه الاضعون
دفنوها بغربة الشام        عليها لعمي الاعيون
وماردّت اليه ويه الاضعون
وياكم اروحن وين تمشون
اخذوني بضعنكم       اخذوني بضعنكم
**
من رد الضعن لارض المدينه
لا رايــه ولا  حـامــي  الـضـعــينه
متغيره اشكر عمتي العقيله
وبالگوّه اعرفت اختي سَكينه

عادن لارض الاوطان.   لارايه ولا خوّان
بديهن طبع الاحبال.    الهسه باقي نيشان
والوادم عله اعماي ينشدون
وياكم اروحن وين تمشون
اخذوني بضعنكم           اخذوني بضعنكم
**
راح الغالي ما عاد بسلامه
طاح بديره ما تعرف مقامه
ضيف بكربله والعرب ذبحوه
وسلبو عيلته وحرگو خيامه

طاح ابين عدوان.       ابوي انذبح عطشان
فوگه تصعد الخيل.   وعمتي اتشوفه عريان
المصاب حسين افرح من تلطمون
وياكم اروحن وين تمشون
اخذوني بضعنكم      اخذوني بضعنكم
**
عمار حسن الدراجي

فرض العشگ صلينه
للحومه من طبينه
ذوله احنه الانصار

*
حيى عله الحب الصدگ
من صلّه بينه ابو العشگ
ماردنه عنه نفترگ ...الا بذبحنه
هوّسنه يم رب الخيم
والكافل ابچفه العلم
استاذ بالحب والقيم ....نوّر گلبنه

مر اعله عابس العلم واعلن غرامه
شگگ ثِيابه من شهگ عطر الامامه
اعقل مجانين العشگ فاز بهيامه

حين الدخل للحومه
ذب الدرع واهدومه
ذوله احنه الانصار

***
بالواقعه حبنه كبر
من شفنه موتتنه فخر
نتسارع الگطع النحر...فدوه العشگنه
هوه العشگ رايد دمه
وكون الحبيبه ايقدمه
واحدنه گلبه سلمه.......لمن شبگنه

چاغير الحسين العشگ وابن الرساله
لازم نموت ابهل مسه كلنه ابداله
بعيون ابو اليمه ضَهر نور الجلاله

لازم نضحي دونه
فدوه الجمال اعيونه
ذوله احنه الانصار

*
شاف الحقيقه ونعجب
عاف المسيح ولن ذهب
وبعشگ ابو اليمه انصلب ..وهب الكُلابي
وحر وزهير وعوسجه
من سيوفهم محد نجه
من طب حبيب الكل اجه...الاكبر صحابي
يدرون ابن ظاهر شهم والكل تهابه
تربات حيدر والنعم حسبو احسابه
شايب وماينگدر شنهي ابشبابه

من عشگه من حميته
بالدم صبغ لحيته
ذوله احنه الانصار

**
المعشوگنه انطينه عهد
ويعرفنه مانخلف وعد
شنريد من عنده بعد ... فادي حياته

ارماح وبواتر من تسل
بصدورنه انصد البل
بس كون ابو اليمه عدل.... ويتم صلاته
خلص صلاته واشتعل طف المنايه
وصار طوفان الدمه بحبه ضحايه
آيات طحنه اعله الارض آيه اعله آيه

وحسين شن الغاره
واخذ ثار انصاره
ذوله احنه الانصار

**
بس العشگ ماينتهي
وياكم اشگد نشتهي
بهاي الخدامه نلتهي....ونحيي مصابه
واعله المنابر ننتچي
وبحسين مَخلص الحچي
نلطم سوه ونشبع بچي...الشيبه وخضابه

نتمنه وياكم نجي ابجو الخدامه
وندخل ابنص العزه ونصير لطامه
هنايله كلمن النذر عمره الامامه

هالخدمه اكبر نعمه
والخادم اكبر زلمه
ذوله احنه الانصار

***
عمار حسن الدراجي

تنوح مولاتي الرباب اعله الولد
مگابله الكاروك وتهز بالمهد
*****

چني بم عبد الله يم مهده اجت
ويمها نسوان الهواشم چوچبت
وشكو حرمه بالخيم الها بچت

اعله ابنها المات ضامي وما ورَد

****
آه ياحزن الرباب اعله الرضيع
عمره ست شهور والمنحر گطيع
الخريف يعيش ويموت الربيع

يا ربيع الروح ما ترجع بعد
***
يا ربيع شلون تعطش ما يصير
تخلي ابوك حسين بعيونه يدير
هاي اول مره اشوفنه يحير

ماي يطلبلك واحس گلبه انمرد
****
ماي راد يشربك وما صح اله
راد ماي وسهم صابك حرمله
كربله اشخلت عليه كربله

دگت بنص گلبي يايمه وتد
*****
بياذنب ذبحوك يمه بياذنب
ونحرمت شلون من ماي الشرب
انتم اصل الماي كله والعذب

بيا شرع ذبحوك وبيا معتقد
***
ياونيس حسين ياعطر الخيم
گلب ابوك اعليك يايمه انثلم
بذبحتك يايمه كل حيله انهدم

حين جابك ضل يون وماركد
*****
ريت ميته ولاشفت دمعه جره
ونار گلبه من العطش متوجره
شفت دمك صبغ شيبه ومنحره

شنهي حاله وكل هله بساعه فگد
تنوح مولاتي الرباب اعله الولد
***
عمار حسن الدراجي

ليلة الوداع موشح

الليله آخر ليله ويصير الفزع
وعالرماح الروس باچر ترتفع
******
شلون ليله يشيب من عدهه الجنين
لـيلـة اوداع وحـــزن يـامـسلـمـيــن
كـل بنـي هاشـم اجـو مـتـجمـعـيـن

بخيمة الحوراء زينب تنجمع
اليله آخر ليله ويصير الفزع
******
زيـنــب تـنـادي يـلـيلــي لا تــروح
من يطر فجرك علي تبدي الجروح
ارد اودع اهلـي وعيـوني سـفـوح

ارد ودعهم ونه سفوح الدمع
الليله آخر ليله ويصير الفزع
****

يـا رزيـه باچــر اعلـيهــم تـحـل
تنـذبـح شـبان بـسيـوف ونـبـل
والرباب تشوف عبدالله الطفـل

بيد الحسين وتشوفه بياوضع
اليله آخر ليـله ويصـير الـفزع
****
شلون باچر لو يضل بالطف وحيد
الچتل ابو السـجاد ملـتمه العـبيـد
يشاهد انصاره ضحايه اعله الصعيد

يصيح هل من ناصر ومَن يستمع
الـيله آخـر ليلـه ويـصـير الـفـزع
****
يصيح هل من ناصر ومحد يجيب
وزينب تشاهد اخوهه الضل غريب
يدير عينه اعله الخيم يسمع نحيب

يگلهه زينب لاتجيني من انصرع
اليله آخـر لـيلـه ويصـيـر الـفـزع
****
لاتـجيـنـي لـوتـشـوفيـن الشـمـر
غطـي عينـچ گاعـد بنحـري يكـر
خـويـه زينـب ماتـحـملينـه الامـر

اجت امي ولزمت گبالي الضلع
اليله آخـر ليـله ويصـير الفـزع
****
دگله خويه شلون امشي بلا كفيل
بس حـرم وايـتـام وبـنك العـليـل
من يرچبـني عله النـوگ الـهزيــل

وبحبل مشدوده اديه واندفع
اليله آخر ليله ويصـير الفـزع
**
الشاعر عمار الدراجي...

گعديه ليلة الوحشه (طور ياليل طول ساعاتك)

يحسين .....حرگو خيماتك
يحسين.......وين ابنياتك
بالهيمه اليوم تنام.........ماضلت عدهَا اخيام
****
خيّم الليل بظلامه ونامت الاطفال بدمعهَا
بلاخيم هاي الفواطم الليله متغيّر وضعهَا
وزينب تصلي جلوساً حسين بُمصابه فجعهَا
صلّة الليل بكل ألم
مكسوره والحيل انهدم
الليله ماعدهَ خيم......تنوح بس محد سمعهَا

ويلاه....زينب ضلموهَ
ويلاه....لا مارحموهَ
وشگد عدهَ ايتام...............ماضلت عدهَا اخيام
***
من صلاة الليل زينب خلصت وللحومه راحت
ادوّر اعله حسين اخوهَا واعله جِثة حسين طاحت
شمّته وضلت تنادي بصوت مبحوح صاحت
حسين هايه جثّتك
الخيل اشكثر داستك
وينه خنصر يمنتك ..اعله اخوهَا ام عون ناحت
وتنوح....يم نحره الطاهر
وتنوح....من شافت حافر
فوگه ومتروس اسهام.....ماضلت عدهَا اخيام
***
تسولف اويه حسين اخوهَا وهيچ يتراوالي چنهَا
عالرباب ادگله خويه امخليه الاگماط بحضنهَا
ورمله بالهيمه عفتها تنوح عالعريس ابنهَا
حيره يخويه حيّرتني
بهالضعن من كلفتني
حسين والله عذبتني....وضلت اتنوح بحزنهَا

وتصيح.....يم جثته وتنعه
وتصيح....مامنك رجعه
ضليت بيد الظلام. ....ماضلت عدهَا اخيام
***
آه يحسين الفجيعه من طحت والگوم اجتنه
هجمت اعلينه الاعادي وبالمشاعل حاوطتنه
حرگت اعلينه المُخيم وبالبراري. طشرتنه
حفاي نسحگ عالجمر
وبسوط يضربنه الشمر
عدوان يحسين وكفر.....واعداك وليه ولتنه

ياخوي... ماضلت خيمه
ياخوي...نركض بالهيمه
ولو اعتب ماالّام..........ماضلت عدهَا اخيام
****
خويه راح امشي وعوفك ابلادفن غصبن عليه
خويه بسكوت آنه اجيتك الشمر مايدري بيه
راح اروح وخاف هسه گعدت ابنيتك رقيه
باچر امن يطر الصبح
راسك اشوفه اعله الرمح
ياريت وياك انذبح...ولاروح عالهزله سبيه

للشام....باچر يسبوني
للشام... غربه اليحدوني
ويلاه يادرب الشام..........ماضلت عدهَا اخيام
*****
عمار حسن الدراجي

فزاعيه

يمه الخيل داسنه.  
شحچيلچ بعدعنه
***
حسين وياشريچ الروح.......يمه الخيل داسنه
عمت عيني الاخو مذبوح
ضل اعله الثره مطروح

بس اونينه اسمعنه
يمه الخيل داسنه
**
يمه اگبالي من ذبحــوه
وراسه اعله ارمح خلوه
وعالغبره الجسد شمروه

وكديشات اليسحگنه
يمه الخيل داسنه
***
حسين موسد التربان
مذبوح الولي عطشان
مسلوب الرده وعريان

كون بروحي اضمنه
يمه الخيل داسنه
****

شفت اعمامة الغالي
مصبوغه ابدمه الوالي
هذا حسين ابو اعيالي

راح منين اجيبنه
يمه الخيل داسنه
****
يمه ضلوعه مطشره
خياله الاجت عـشره
ريتچ شفتي يالزهره

بحوافرهن يگطعنه
يمه الخيل داسنه
**
حسين وياضوه عيني
گبل حينه ردة حيني
شفته مگطع احسيني.   

كون بروحي المنه
يمه الخيل داسنه
****
لخيامه يصد عينه
چنه ينادي يسكينه
وگطعو خنصر ايمينه

يومي بأيده انضرنه
يمه الخيل داسنه
**
رقيه تصيح يايابه
شافت ينزف اصوابه
وتشوف مشگگه ثيابه

ماگدرن يودعنه
يمه الخيل داسنه
**
عمار حسن الدراجي..

قڨويلاه زينب ويلاه

هجمت الخيل اعله الخيم
چن دگت الساعه صِفر
خلّصن دوس من الولي
وغارن عله اخيام الخدر
من الحافر الحد السرج
منهن دِمه حسيني يخر
فرهود صاحوا عالحرم
والراس بچفوف الشمر
ويلاه زينب ويلاه
****
بالهيمه رگضن الحرم
والـتوکع اطگها الفرس
والدنگت من الضرب
گول انگطع منها النفس
حفاي ركضن عالجمر
طف كربله اطفال انترس
زينب مِن الخيمه اطلعت
شافوها ياوسفه الحرس

ويلاه زينب ويلاه
**
من لخـيل تشـرد الحرم
محتاره لـو من الزلم
ياوكت ينشاف الخدر
وچماله سَمعوهن شتم
ازغار حيل اعله الركض
والتوگع ابسع تنلزم
وارقيه ماتدري اشحصل
ماتدري المن تنهزم
ويلاه زينب ويلاه
*
العاشر امـصـابه كلـف
ويـلاه من ذاكه الضهر
صارت مناحه بالخـيم
لمـن رجع خالي المهر
مامش كفيل اعله الحرم
لاحامي عدها من الكفر
بس العليل اويه الضعن
لوگام لحضه وينهطر

ويلاه زينب ويلاه
****
عالتله صعـدت الشمس
بغيـمت حزن متگبعه
لحسين اخوها عاينت
بالهيمه جثته اموزعه
من الخيل لو من الطعن
جِثتْ العِزيز امگطعه
والهيمه من دم الولي
حمره اصبحت وامنگعه
ويلاه زينب ويلاه

*****
نسوان واطفال اشكثر
ويطيحـن ابرگبت مره
زينب كفيله الاصبحت
بهاي الضعينه امحيره
ومن صاحو اعليها الكفر
هالعيله كلها اميسره
صاحت وكلها خورست
زينب انه بت حيدره
ويلاه زينب ويلاه

**
عمار حسن الدراجي

من البحر مشينه. الى النحر اجينه
كل سنه وكل عام تنطرها خدام
حسين اربعينه. حسين اربعينه
******
من البحر الى النحر .. ..نمشي قوافل
هذا الدعم. وشد العزم.. .من ابو فاضل
طول الدرب. تارسنه حب.. للخدم كافل

كافل اميرات الخدر كافل خدمتي
حزمني امشي الكربله ورايه بيمنتي
شاغلني حب هذا الدرب ماعوفه والله
ازيارة وخدامه والمشي دين برگبتي

عين ابو فاضل ترعانه وجوده يروينه
بلطفه واحسانه ابو الغيره يمشينه
فدوه لعيونه ومن دونه محد يلفينه
خيره غطانه وخلانه خدام لحسينه

الرايه بيميني. وناذر سنيني
اعميها لو يوم. ماتبچي عيني

اجي أنه ودمعتي. وفلا اترك لطمتي
امشيله لطام. تنطرها خدام
حسين اربعينه. حسين اربعينه
*****

ارجع وارد. واحسب واعد. يوم الزياره
يمته يجي. واطلع مشي. ويه الغياره
دمعي يهل. مرات امل. من انتضاره

مشتاگ اله شوگ الشجر للغيمه والماي
عطشان انه مومي عطش عطشان مشاي
اليوم اليمر اشطب رقم هاگد بعد صار
حاسبله من عام المضى وحاسب الى الجاي

روحي مشتاگه وملهوفه اليوم ازيارته
الجنة ادروبه امشيله وارفع رايته
الحرگو اخيامه ونهبوهه وسلبو عيلته
حسين لمانه وسوانه وضمنه بخيمته

الكعبة غرامي. امشي بهيامي
ودخلها ملهوف. حضرت امامي

حبي الصدگ لگيته. عفت الوهم وجيته
ماضلت ايام. تنطرها خدام
حسين اربعينه. حسين اربعينه
***
نصبوا خيم. اهل الشيم. طول المسيره
تنادي هلا. الحد كربلا. التحيي الشعيره
خير ونعم. راعي الهمم. تارسنه خيره

تارسنه حب وعاطفه وبلهفه ماشين
اشما بعد بينه الدرب يحله ويالحسين
خير ابو اليمه ترس چف المعازيب
محتاج ماخله احد غطه الملايين

الدنيا غطاهه بخيامه كهف البريه
تارس الدنيا حنيه والد رقيه
زلم سوانه ونطانه غيره وحميه
احنه من خيره ومعروفه انقيم العزيه

العالم يشاهد. بالخيره زايد
هاي الملايين. ماجاع واحد

عدنه الكرم وراثه. العراقي ابو الاغاثه
شدو اله حزام. تنطرها خدام
حسين اربعينه. حسين اربعينه
****
الدرب العشگ گلبي يدگ. ليله ونهاره
مامستقر. ماينتضر. مل اصطباره
الرايه ترف. فوگ الچتف. هذا قراره

يوميه ينشدني الگلب يمته نسافر
من البحر للي انذبح ضامي نهاجر
للضل غريب الوحده وماصحله ناصر
للحرگوا اخيامه ورفس بضلوعه حافر

وركضت ايتامه بالهيمه وطشن بناته
وحرگو اخيامه وسلبوهن ويلي خواته
وليه ولوهه وخذوهه الچانت حياته
راحت اسيرة الاميره ويه الشماته


سهم بدليله. واخته العقيله
مسبيه وتروح فوگ الهزيله

باچر لَمن تجيله. بجرحها تشتكيله
من تجي من اشام. تنطرها خدام
حسين اربعينه. حسين اربعينه
*****
ام الحسن. للي مشن الگبر ابنها
ولي بچن. اعله الضعن. واسن حزنها
الكل مره. تمشي تره. الزهره حصنها


تحفضكم الزهره يمن رحتو تواسون
زينب اجت من اليسر وياها الاضعون
كلنا انتلگاها ونون يم صحن الحسين
وحته ملائكة السما ويانه يونون


انفرح الزهره والعتره بهذا مشينه
انجدد البيعه من نمشي يوم اربعينه
باچر اتعاود ونواسي زينب ولضعينه
ندخل اوياهه ونتصارخ ونعلي بچينه

يوم اربعينه. ترد الضعينه
ابلا رقيه. ماتت حزينه

برض الغرب رقيه. ماتت تره سبيه
متروسه آلام. تنطرها خدام
حسين اربعينه. حسين اربعينه
***
عمار حسن الدراجي