tgoop.com/dhwalaloo/2899
Last Update:
Takka takkaa, durii gaaf durii
Aadaadha taphanna
Seenaadha odeeysina
Ollaa wal barsiifna
Maatii walitti finnaa
Seenaan yoo gad laalan
Tapha keeysa jirtii
Akka arraa mitii
Bara interneetii
Takkiyyee fi lamiyyee
Ashangidoo laga arbaa
Wayin onnetti si darbaa
Asiin nabaasaa fii shirgiggoo
Tiilleen taableen fii tayoo tayi
Tokkoo lamaa mitii
Yoo jettaan lakkaayii
Utaalloo haadaa fii
Okkol okkol saree
Baallaa shimbirroofii
Shantee faatu jiraree
Jarrin ammaa yaame
Dhaalmaya abbaa kheenyaa
Kan durirraa dhaalle
Aadaa warraa kheenyaa
Isaaniin waa barraa
Hiriyaan wal garraa
Waan durii abuurraa
Ammammoo deebinee
If duuba dachaanee
Gufannee dhamaanee
Garuu bar...
Durillee tan jirtu
Tan ambarraa dhaalle
Biimoorii fii khoorkii
Walaamboo kubbaa
Maarrabee fii goommaan
Duruu ni argamaa
Tan ammaa tun baasa
Joolleen gaafa olkaatu
Halluu tam dibannaa?
Eeysatti qamaanaa?
Eenyu xabbasannaa?
Waan akkasiit yaaddii
Seenaa tam nuu bartii
Kanaafuu akkaan je'ee
Itti fufa barraa'ee...
Shamil Nasir Mohammed
~~
@dhwalaloo
@sammuukeef
BY Dirree Aartii
Share with your friend now:
tgoop.com/dhwalaloo/2899