tgoop.com/dchhtg/8212
Last Update:
نواعي للسيده زينب عليها السلام
يالزهره العقيله كومي ليهه
ميته وأضن ماتدرين بيهه
بديج كومي أنتي أوغسليهه
والمغسله الأجتهه ساعديهه
لأنهه أتخاف من عدهه تعديهه
✍✍🧿✍✍
شافتهه المغسله أتخاف منهه
من شافت السياط اللي أبمتنهه
مرض حسبالهه وبعدت عنهه
كالت هالمره ما أغسلنهه
تعديني أبد ما أجيسنهه
✍✍🧿✍✍
مارضت المغسله تغسلهه
سمع العابد ودموعه يهلهه
يالمغسله على زينب يكلهه
تره من الهظم عمتي أجاهه أجلهه
مرض ماعدهه وحق اللي كفلهه
✍✍🧿✍✍
هذا البمتنهه تشوفينه
من كد ماظربتهه أعادينه
يمغسله عمتي الحنينه
ماتت على أفراكه ولينه
وضلمه أصبحت أخلافه المدينه
✍✍🧿✍✍
المغسله سمعته أوعلت أبجاهه
تلطم كامت أوتلعن أعداهه
يم الحسن كومي أوياهه
تره من أخوانهه محد أجاهه
للشام زينب وعتناهه
✍✍🧿✍✍
كومي أبسرعه يالزجيه
أوغسلي يم حسن الهاشميه
غريبه أو أفتهه المنيه
عكب الخدر بت علي هيه
كتلهه مصاب الغاظريه
✍✍🧿✍✍
*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌
https://www.tgoop.com/dchhtg
BY الشاعرة الملة جنان الحسناوي
Share with your friend now:
tgoop.com/dchhtg/8212