tgoop.com/dchhtg/5209
Last Update:
موشح للسيده زينب عليها السلام
ميته زينب والدمع بعيونهه
أخوانهه ماجولهه أيشيعونهه
✍✍🧿✍✍
ميته زينب والأهل ماجوهه
ولا نعش شالولهه أوشيعوهه
أوهاي أختهم ماأجوا شافوهه
أوبالمنيه رادت أيشوفونهه
✍✍🧿✍✍
رادت أيشوفون بت الطاهره
أشلون وياهه الدهر سوه أوجره
أمن الهظم خله الضلوع أمكسره
والحزن خله العقيله أشلونهه
✍✍🧿✍✍
والحزن خلاهه مهظومت كلب
أوياوسافه اليوم ماتت بالغرب
للكبر هليله بت حيدر تطب
أورادت الخوان أيلقنونهه
✍✍🧿✍✍
رادت يلقنونهه أم الصبر
والكبر همه يحفرونه الكبر
أومايخلون الجنازه تنتظر
أعله الثره أبعبايه أيغطونهه
✍✍🧿✍✍
الليله وحشه عالعقيله الصابره
هاي الضلت وحيده أوحايره
أبيوم العاشر وأخوهه أعله الثره
أونادت الأمهه أوعلي أيحظرونهه
✍✍🧿✍✍
أونادت الأمهه وعلي بذاك الضلام
بعد لا صيوان عدها أو لاخيام
أنه محتاره وشسوي للأيتام
ريت أتحظرون وتشوفونهه
✍✍🧿✍✍
أوعاتبت عباس هوه أبمصرعه
كتله كوم أوعوف ماي المشرعه
أعتذر مني الجفوف أمكطعه
أمصيبتي صعبه ولا تنسونهه
✍✍🧿✍✍
*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌
https://www.tgoop.com/dchhtg
BY الشاعرة الملة جنان الحسناوي
Share with your friend now:
tgoop.com/dchhtg/5209