tgoop.com/dchhtg/10659
Last Update:
لطمية للسيده زينب ع
زينب وين اهلهه خل يحضروهه
اتعالج بالمنية ليش ماجوهه
زينب وين اهلهه خل يجون ابساع
بالغربه تون وامدده على الكاع
وين اخوانهه البيهم امروه اسباع
خليهم يحضرون اويشوفوهه
✍️ جنان الحسناوي
💔💔💔💔💔💔
دير بعينها ومحد جه منهم
مريضه وبل فرش اليوم رادتهم
شعطلهم خوتي موش عادتهم
زينب بل غرب وتريد عوانه
***
ما نشدو عليه ماني خيتهم
ومايدرون بيه نتضر جيتهم
ختهم حايره چا وين همتهم
وعله جتافهم وتريد زدتهه
***
✍️ العلويه ام علي
💔💔💔💔💔💔
وين كافلهه يجي.ليهه بعجل
هاي زينب بت علي خير العمل
اتصيح وين اليوم ماجوني الأهل
بلكي صوت الطاهره ايسمعوهه
ام علي السماوي
💔💔💔💔💔💔
اتون ام الصبر ما گطعت الونه
تگول حسين والعباس اريدنه
گبل موتي الكفلني ريت اشوفنه
اختكم ناطره ياحنان الحگوهه
ام ستار الكعبي
💔💔💔💔💔💔
اختكم ناطره ماجيتو اعليها
كربان الاجل لحك يواليها
احضر للجنازه كوم امش بيها
شيعوها بعراضه اليوم شيعوها
✍️ ام حسين العامري
تمت بأقلام شاعرات رابطة قتيل العبرات
غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام لهhttps://www.tgoop.com/dchhtg
BY الشاعرة الملة جنان الحسناوي
Share with your friend now:
tgoop.com/dchhtg/10659