Senior bo'lish uchun talablar

Hamma shunaqa deydi: Kuchli mutaxassis bo'lsang, ish seni izlaydi. Ammo kuchlilarga qo'yiladigan talablar ham anchagina...

Bu talablar barchamizga yod bo'lib ketgan: til bilish, kompyuter ko'nikmalari, kreativlik...
Bularning qay biri muhimroq?

Keling, seniorlikka qarab yo'l xaritasini tuzamiz

1. Til o'rganing
Bor e'tiborni til o'rganishga qaratmasdan, sekin, ammo davomli tarzda til o'rganing. Til o'rganishda filmlar ko'ring, yengilroq kitoblar o'qing, she'rlar yodlang.

2. Soha bo'yicha bilimlar
3 ta quyonni 8 ta o'q bilan urishni istamasangiz, til o'rganishda marketing haqida filmlar ko'ring. Shunda o'q va vaqt tejaladi
*quyonlarni tejash shart emas

3. HH va Linkedin
Bu 2 platformada albatta bo'lishingiz kerak. Linkedin'da "katta bola"larga do'stlik yuboring, izohlar yozing. Sigiringiz egiz tug'sa ham ulashib boring. HH'ni esa to'ldirib qo'ying (to'liq to'ldirib qo'ying)

4. Qo'shimcha bilimlar
UX/UI ni bazaviy darajada o'rganib qo'ying, dizaynni ham. Oz-oz montajni ham o'rganing.
*Kopirayter eng kamida Figma'da ishlay olishi kerak

5. Blog yuritish
O'qituvchi dars o'tib o'rganganidek, siz ham blog yuriting. Tarjimalar va tajribalarni ulashib boring.

Bu 5 ta bosqichni 5 oyga bo'ling. 1-bosqichni 1-oktabrdan boshlang, 1-noyabrdan 2-bosqichni qo'shing va hokazo

6. Resursni to'g'ri ishlating.
YouTube'da Million, mittivayn, mol bozor, moshina bozor, ko'pkari, ko'k jiguli, masonlar, Kaniza, o'rmonda uy quradigan 2 ta malayziyalik odamcha, Ronalduni gollarini ko'rib o'tirmang
Bu bosqichni hozirdan boshlash mumkin.

Keyingi mavzu nima haqida bo'lishini istaysiz?

✔️@copirayt

Kreativ kreativ kreativ

Hammamizga kreativ yetishmaydi. Ammo uni qayerdan olish mumkin?

Kreativlikning klassik ta’rifi shunday: muammoni nostandart yo‘l bilan hal qiluvchi original g‘oya

Sal e’tiborni jamlaymiz. Original gʻoya…

Original…

Original…

Oʻzbekiston uchun kreativ qilish uchun oʻzbeklarni oʻrganaylik
Original oʻzbek qanday boʻladi?
Yigit doʻppi kiygan, qiz atlas koʻylakda?! Yigitni yelkasida ketmon, qizni qoʻlida kashta!?

Yoʻq, bu “original” Oʻzbekiston 24 xolos

Original oʻzbek soat 12:00 ga aytilgan joyga 12:40 da keladi. Original oʻzbek asabiy. Original oʻzbek ekologiya va sogʻlom turmush-tarzi bilan qiziqmaydi. Original oʻzbek jamoat transportida kattalar, ayollarga joy bermay qoʻyganiga ancha boʻlgan. Original oʻzbekda mehr, samimiylik juda kam qolgan

Kreativ gʻoyalar esa ayni oʻsha original oʻzbeklarning original hayotini koʻrsatib berishi kerak

Onasini emsin! Aytamizmi? Ha! Mana kreativ, 605 buni koʻrsatib berdi.
Yaqinlarimizga qoʻngʻiroq qilmaymiz, FCB Tashkent buni koʻrsatib berdi.
Indashmasa, haykalni boʻyniga reklama osamiz. LOKALS buni koʻrsatib berdi
Milliylik deb Yevropaga intilamiz. Sintez buni koʻrsatib berdi

Kreativ uzoqda, ofis yoki qir-adirda emas. Kreativ ayni hozir va shu yerda. Bizda, ichimizda. Boshimizni smartfondan koʻtarib, atrofga qarasak, hammayoq kreativ

✅️@copirayt

Yangi rubrika o'ylab topdik

GURUNG))

Taassurotlar?)

✔️@copirayt

Said aka til haqida post yozdi

Izohlardagi 90-95 % kishi ko'zimga tilimizni sevadigan bo'lib ko'rindi. Ammo...

Ammo yana bir omil bor. O'zbekistonning savdo aylanmasida (siyosatga berilmaylik) MDH davlarlarining ulushi juda katta. MDHdagi o'zaro til esa rus tili. Ishxonamizda ko'p gruzinlar bor, ularda ham nafrat yetarli. Ammo u o'zbek tilini bilmaydi, men gruzin tilini. Ruscha gaplashamiz.

Mening fikrim: rus tilini o'rganib, MDHdagi katta kompaniyalarda hal qiluvchi lavozimlarga qadar chiqish kerak. Shunda o'zimiz uchun foydali nimadir qila olamiz. Yandex: O'zbekistondagi eng katta tarmoqlardan biri. TOP managementga kirish uchun rus tilini bilish kerak. O'sha joygacha yetib bormasangiz, qanday qilib o'z manfaatimiz uchun xizmat qila olasiz

M: Hindiston, Britaniyaning sobiq mustamlakasi. Hindlar "faqat hind tili" demayapti. Ingliz tili orqali dunyoning TOP 10 kompaniyasida Gen. Directorgacha yetib boryapti. Til bilish hech qachon sizni xor qilmaydi.

Yana bir achchiq haqiqat
Ancha avval ko'chalardagi lavhalarni o'zbekchalashtirish uchun loyiha boshlagan edik. Hamma qo'llab-quvvatlashini aytdi, lekin harakat bo'lmadi.

Agar haqiqatdan o'zbek tilini sevsangiz, rus tili aralashgan lavhalarni (banner) suratga olib, shu post izohida qoldiring! Gapdan amalga o'tish vaqti keldi

*200 ta lavha suratini yig'sak, loyiha boshlanadi

✔️@copirayt

Til bayrami ham yaqin...

So'nggi paytlarda xalqimizda o'z tiliga muhabbat kuchaymoqda va bundan juda ham xursandman

Biroz avval Yaponamama brendi ijtimoiy tarmoqlarda tanqidlarga uchragan edi.
Obunachilar brendning ijtimoiy tarmoqdagi sahifasida o'zbek tilida kommunikatsiya qilish talabini qo'ygan edi
Va bu ishladi

Yaponamama o'zbek tilini hurmat qilyapti va bu orqali hurmat qozonadi

Shu o'rinda boykotda e'tibor berish kerak bo'lgan jihat: uni tartib bilan o'tkazish kerak. Talabni to'g'ri qo'yish kerak va haqorat qilmaslik kerak (to'g'ridan-to'g'ri so'kish, tahqirlash)
Sababi: siz Qonun bo'yicha o'zbek tilini talab qilsangiz-u, o'zingiz ularni so'kib, boshqa Qonunni buzishingiz to'g'ri emas

Bir muammo: negadir "qovun qovundan rang olmadi". Bu harakatdan keyin Bon! kafelar tarmog'i ham o'zbek tiliga hurmat ko'rsatadi deb o'ylagan edim. Men o'zbek tilida ham kontent yuritmagani uchun BON!'ni boykot qilaman

*iltimos, qaysidir brendga e'tirozingiz bo'lsa, haqoratga qilmasdan murojaat qiling

✔️@copirayt

Jiddiy qiyofa

Tasavvur qiling, yoshingiz 40 da va 2 mln $ lik kompaniyada marketologsiz. Kimni tanlaysiz @erkatoydizayner yoki @dizayner_valiyev?

Nafaqat kopirayting, balki butun sanoatda tashqi qiyofa yetarli rol o'ynaydi (tarmoq profillari, taxalluslar, rasmlar ham shu qatorda) Ammo ko'pchilik o'z egoizmi ortidan muvaffaqiyatni tutib qola olmaydi.

Jiddiyroq aytadigan bo'lsam, jiddiyroq bo'ling. 2 mln $ lik kompaniya marketologiga sizning erkatoyligingiz kerak emas (erkalikni boshqa joyda qilish kerak)))
"Menga shunaqa yoqadi" degan gaplar ham ham jiddiy menejerlar uchun ahamiyatsiz. Ular sizga nima yoqishidan ko'ra, kompaniyaga qanday foyda keltirishingiz bilan ko'proq qiziqadi. Qanchalik noodatiy bo'lmang, oddiy qoidalarga rioya qiling.

Ayrim hollarda siz uchun telefonda gaplashishdan ko'ra messenjer (telegram)da yozishish qulaydir. Ammo HR hech qachon CEO'ning oldiga kirib, "Nomzodga yozishish qulay ekan, sizga Telegram profilini tashlab qo'yaman" demaydi))
Professional bo'lishni istasangiz, moslashing. Onlayn suhbatlar, qo'ng'iroqlar, ofis uchrashuvlari hali ham amalda

Tavsiya: @momaqaymoq_kopirayter, @qirol_dizayner, qalbinozik_sardor kabi linklardan va shunga o'xshash niklardan voz keching (katta bo'ling)

*qachondir Z avlod CEO'ga aylansa, Telegramda yozishib ishga olishlar bo'lar. Ammo hozircha ko'p narsani kattalar hal qiladi)))

✔️@copirayt