tgoop.com/cbs_help/4391
Last Update:
💪Як ЦБС дапамагае беларусам?
Адзін з ключавых кірункаў нашай працы — юрыдычная дапамога беларусам і ўкраінцам у Польшчы, якія былі вымушаныя пакінуць свае краіны з-за рэпрэсій і вайны.
🚀 Штотыднёвая нагрузка:
Нашы юрысты і юрысткі праводзяць каля 50 кансультацый кожны тыдзень.
За мінулы месяц больш за 40 чалавек атрымалі кваліфікаваную дапамогу ад нашай адвакаткі ў галіне сямейнага права.
⏳ Чаканне:
Сярэдні час чакання на кансультацыю да юрыста ці юрысткі — 3 дні. Мы стараемся, каб вы як мага хутчэй атрымалі падтрымку ў важны для вас момант.
🛑 На чым мы акцэнтуем увагу?
Мы аказваем кансультацыі па некалькіх ключавых напрамках:
🔹 Міграцыйнае права:
Легалізацыя знаходжання ў Польшчы, атрыманне міжнароднай аховы, перасячэнне межаў і візавыя пытанні, рэгістрацыя актаў грамадзянскага стану, рэгістрацыя шлюбу для ўладальнікаў міжнароднай аховы, атрыманне польскіх дакументаў для замежнікаў, супрацьдзеянне дыскрымінацыі і мабінгу з боку польскіх дзяржаўных органаў і працадаўцаў.
🔹 Сямейнае права:
Мы дапамагаем разабрацца ў складаных пытаннях разводаў, падзелу маёмасці, аліментаў і ўсталявання кантактаў з дзецьмі. Мы таксама дапамагаем замежнікам атрымаць доступ да сацыяльнай дапамогі ў Польшчы.
📅 Памятайце пра правілы:
- Калі вы не можаце прыйсці на кансультацыю, паведаміце нам не пазней чым за 4 гадзіны да яе.
- Калі вы два разы не змаглі прысутнічаць на кансультацыі і не паведамілі загадзя, магчымасць запісу да юрыста для вас будзе закрыта на два тыдні.
- Калі вы абражаеце, уводзіце ў зман, неэтычна ставіцеся да супрацоўнікаў ЦБС, пагражаеце або схіляеце да дзеянняў, якія з'яўляюцца неэтычнымі або супярэчаць закону, вы не зможаце больш карыстацца дапамогай ЦБС.
Важна памятаць, што кожная кансультацыя — гэта не толькі правы, але і адказнасць, таму мы просім падыходзіць да гэтага з усёй сур'ёзнасцю.
BY Цэнтр Беларускай Салідарнасці (CBS)
Share with your friend now:
tgoop.com/cbs_help/4391