tgoop.com/bsjejejjeb/78613
Last Update:
بعض الرجال والنسوان مهرتهم بتيه الحياه البعسسه واللقانه والتلخاق على الناس
بعض الرجال حين يسير عند. العرس
وقد الحريو مسكين بيحرم نفسه من اشياء ملان في نفسه عاسب يقوم يفعل عرس حناني طناني ويكون محاط بالناس اللي يحبوه ويحبهم يشاركوه فرحته ويكونوا حوله ..ويبذل كل جهده عشان يصنع لهم يوم جميل واجواء مريحة ..
وبيختارك انت من بينهم ويقدرك ويعزمك ويميزك وحضرتك توصل من حين تجلس وماقد ارتزحت وقد بداؤ يوو القاعه شمات
ماله لالفنان معه ثعلبه في راسه ماقدروش يدوا فنان احسن يععع والبيئه
يووو والعكاوه معاه ساع المشعبه حقنا..
ماله الحريو ارجله الثنتين يمين
ضعف يعلم الله ماله اكيد غصبوه بها غصب
ماهو هذا الماء ليش يدوا ماء صنعاء
ليش مايدوا حده ولا شملان نشتي بارد نشتي ثلج نشتي صبه ولما يدوا له صبه يقول اشتي دافي
قد تدين وباع مافوقه وما تحته عشان يعرس وعاده مسكين ملعون يخرجوا وهم يلعنوه
الله يلعنهم زيدوا. والا الله يلعنهم نقصوا
والنسوان والكل بعضهن مبعسسات اللي تراعي لوما يدخل الحريو قلبها بيفحرها تشتي تبسره ويبدا الحش. وتقل للي جنبها والله انو احلى منها مابسر فيها تيه يغ استعفر الله العظيم
يعوه ياتقيه ابسري هي اطول منه بخمسه اشبار
الحريو رمش مرتين بعد بعد شكلهم غصبوه
ابسري ابسري كيف فلت امه وجالس شقها ذيه العقعقي
ذيه الهدار كله وهي قد قامت تلبس وتتلفلف وتتستر وتقوم تخرج حواجبها وملاجعها ساع صياد ياسعم قد تلفلفت .. مابقي ي شيخه فمش غطيتيه اسالش بالله افتشيه بس عاسب يبسرش ويحمد الله على مرته .. سعليش والله لو قد يبسرش مايغثيها عمره عيفتجع لاترحلها ويدوله ساعش
عادهي قبل ماتضوي تطلع للكوشه وفي يدها مصحف مبرووووك ياحبيبتي ماوااااذا الحلاااااااااا
وتطرح يدها فوقه وتندع القسم الشوتري
ورب الكعبه المشرفه ومن خلقش وراس زوج عمتي ومرة خالي وابن بنت عمة ابي اننا فارحه لش فرح
وهي عادهي حشت عليها ماخلت حتى الكلى والكبد والبنكرياس حقها مافعلتش لهن اشعه وتضحوكت عليهن انهن في شق .
ايش تحسين لما تسيرين مناسبتها تحشين عليها وتعيبين فيها ايش عيوقع بكن لو سرتين بنفوس خفيفه لطيفه محبه للخير انبسطتين وباركتين لها ودعيتين لها بالسعادة وانقلعتين
المشكله ماقد بسرت واحده قمريه بتعيب فالخلق
ودااايما مايتفلسفين الا اللي وجيههن ساع الشرابة المقلوبه
امها حين تفكر تخطب لاخوها وتساله عن المواصفات اللي يشتي يقلها عاااادي يمه اييي شي المهم ما تكونش تشبه اختي ☺️😂
@ALFkamah
BY كلآ̀م̀ م̀ن̀ ذ̀ه̀ب ֆ ⚡️🔱ۦ
Share with your friend now:
tgoop.com/bsjejejjeb/78613