tgoop.com/botirziyatov/1342
Last Update:
Alisa endi o‘zbekcha gapiradi
✨🤖 Yandex Uzbekistan o‘zining yangilangan AI-yordamchisi — Alisani taqdim etdi. Endi u o‘zbek tilini ham tushunadi va unda gapira oladi. Foydalanuvchilar Alisaga erkin tarzda o‘zbekcha yoki ruscha murojaat qilishlari mumkin — assistent avtomatik ravishda tilni tanlaydi.
Bu nima degani? Endi Alisani kundalik vazifalarda yanada kengroq foydalanish: turli mavzularda suhbat qurish, eslatmalar va taymerlar qo‘yish, ob-havo haqida ma’lumot olish, musiqa tinglash, aqlli uyni boshqarish, bolalar uchun ertaklar eshittirish mumkin. Bularning barchasini endi o‘zbek tilida amalga oshiriladi.
Eng muhimi — Alisa o‘zbek tilidagi nutq va muloqot xususiyatlari inobatga olingan holda o‘qitilgan. Test jarayonida O‘zbekistonning turli hududlaridan foydalanuvchilar ishtirok etgan. Shuning uchun Alisaning javoblari tabiiy eshitiladi, nutqi esa milliy madaniyatimizga yaqinroq tuyuladi.
Hozirda ham Yandex Uzbekistan jamoasi Alisani o‘zbek tilida yanada yaxshiroq ishlashi uchun sinov va takomillashtirish ishlarini davom ettirmoqda.
🇺🇿🔃🇷🇺 O‘zbek tilini faollashtirish uchun: «Dom s Alisoy» ilovasiga kiring → «Virtualniy assistent» → «Yazik assistenta» bo‘limiga o‘ting → «O‘zbekcha + Russkiy» rejimini tanlang.
Bu o‘zgarish — O‘zbekiston uchun yana bir muhim qadam. Til to‘siqlari kamayadi, texnologiyalardan har kun foydalanish yanada osonlashadi.
BY Botir Ziyatov
Share with your friend now:
tgoop.com/botirziyatov/1342