iTV platformasidagi katta kamchilik

Bironta faqat obuna bilan ko'rsa bo'ladigan kontent tanlaysan, "obuna sotib olish" tugmasiga bosasan va sening oldingda 3 xil obuna turi paydo bo'ladi.

Eng muhim joyi: men qaysi obunani xarid qilsam shu kontent ochiladi? Adashib qimmatini olib qo'ysamchi? User bu yerda o'zining intuitiv hissoyotlarini ishga solgan holda chuqur tahlil va tekshiruvlar o'tkazib topishi kerak. Va topolmaydi ham chunki interfeysda hech qanday ma'lumot yo'q.

Qanday qilsa to'g'riroq bo'lardi: aynan shu kontentni ochadigan minimal obuna turini ajratib ko'rsatib, unga urg'u berib, qolgan obuna turlarini iyerarxiyasini biroz tushirish.

Sizda qanday yechim bor? Izohlarda yozib qoldiring

@boburjon_mavlonov

Garmin Connect platformasidagi shu ikonka har safar meni chalkashtiradi. Men o'ylayman bu orqaga qaytish tugmasi deb lekin unday emas.

Nima deb o'ylaysiz bu tugmani bossa nima bo'ladi? Javobini izohlarda qoldiraman.

Samarkand Challenge'ga ham oz qoldi. 23-avgust, shanba kuni soat 7:00 da, inshaalloh, musobaqa boshlanadi. Bu mening 1-rasmiy triatlon musobaqam bo'ladi.

Men qatnashayotgan masofa - Sprint. Bu 750 metr suzish, 20km velo, va 5km yugurishdan iborat.

Nasib qilsa, payshanba kuni ishdan keyin Samarqandga qarab yo'lga chiqamiz.

Aytgancha, uzoq yillik qadrdon do'stim va kursdoshim Javohir va 3 yildan oshiq vaqt davomida birga ishlab kelayotgan birodarim Manguberdi bilan birga bu musobaqada qatnashamiz. Ularni ham aldab-suldab shu yo'lga boshlaganman )

Samarqand Challenge va Boku safaridan keyin endi yana qattiq mashg'ulotlarga qaytamiz. Bu haftalik mashg'ulotlar anchagina qiyin. Ertaga 15km lik yugurish. Shuni 10km si 5:30 tempda bo'ladi. 10km ga shaxsiy rekordimni yangilasam kerak.

Aytgancha, Boku safari haqida ikki og'iz. Muhammadaminning injiqliklari, Kaspiyning sassiq hidi, dim ob-havo, indamay ketvoradigan Yango taksistlari, loyqa sohillar va shialarning sajda qiladigan joyiga tosh qo'yib namoz o'qishidan hayratlanganlarimni hisobga olmasa yaxshi sayohat bo'ldi.

Bu sayohatdan olgan xulosam: 1 yoshlar atrofidagi bola bilan sayohatga chiqmagan ma'qul. Umuman olganda bola bilan chiqmagan ma'qul ekan. Aylanganday bo'maydi odam

1-marta CentrumAir da uchib ko'rdik. Umuman olganda yomonmas, alohida ajralib turadigan bir jihati ham yo'q. Odatiy aviakompaniya. Qanot Sharq dan deyarli farq qilmaydi.

Shef hali 1 yoshgayam to’lmasdan allaqachon 2 ta chet davlatida aylanib kelishga ulgurdi