tgoop.com/beoxygen/6718
Last Update:
بوست للفايدة العامة ما فيهو حسابات وقروش ما تخافو
في ناس كتيرة بتستفسر وبتسال بدون ما يكونو عارفين هم دايرين شنو بالضبط
طيب البوست حا يكون للناس الداخلة على بناء وتايهة وما عارفة نفسها دايرة تبني كيف او شنو والمواصفات كيف
ومرات بتبدا وفجاة الشغلة بتجوط في النص وتبدا الخسارات البدون سبب والصرف في غير مكانو ويقيف المشروع او البيت في النص .
•اول حاجة انت لاذم تكون عارف داير تستخدم المبنى دا في شنو بالضبط
يعني بيت عادي- فيلا - مجمع شقق - مبنى تجاري سكني ودي بتفرق جدا في التكلفة يا اخوانا ....الخ
تاني لاذم تعرف نوع التاسيس الدايرو
لانو مثلا لو الارض كويسة وانت ما داير تبني طوابق كتير عادي ممكن تعمل احسن واسمح فيلا او بيت لود بيرينق
حا تقول لي يا زول فيلا عديل وتكون لود بيرنق ايوا ومودرن على الطراز العالمي حاليا كمان
بدل تخسر قروشك في هيكل خرساني ما منو فايدة
ليه لاذم تحدد مثلا ابسط شي انت في البيت العادي حتى لو كان طوابق وشقق سكنية ما محتاج بيزمنت (بدرون) الا يكون عندك ليهو غرض محدد مثلا استخدام تجاري كمخزن جراج ...وغيره
ما يجي واحد يقول ليك بينفعك وكويس في التاسيس والحركات دي ما عندو اي علاقة ..
دا داير يصرف قروشك في خرسانة واقفة بدون هدف
او ممكن تعملو جزئي زي في البرايفت فيلا جزء بسيط
يستخدم كمخزن وغرف كهرباء وغرف لي خزانات المياه بس
ومثلا تاني في مباني الهياكل ما تخلي المهندس او المقاول يرص اعمدة ساكت
معادلة بسيطة(اعمدة كتير= مباني قليلة اوفراغات صغيرة )تخت عمود ما شايل حمل وما عليهو اجهاد معناها خسرت مساحة +خسرت زمن+خسرت قروش
والابيام الما منها هدف يا ناس التصميم الانشائي لاااا الكلام دا لي ناس الابيام البتكون حايمة جوا ساكت
وااناس البتعمل سلالم ساكت بدون وظيفة محددة
ادي التسليح لي مهندس مدني شااطر واشرح ليهو انا داير اسبانات (مساحات) ظريفة وما داير اعمدة في نص الصالات وكدا وهو بيظبت ليك الكلام دا لو قال ليك ما بتتعمل دا كسلان اكسر حنكو😂
•تاني حاجة الخرطة الخرطة وتكون خرطة كاملة متكاملة ما ابو 10 ورقات 😅 وما الناقلنها من اي خرطة تانية لا لا عواليق نخليها يا اخوانا جد جد عواليق نخليها لانو بتتعبنا في التنفيذ والله🤦♂️
خرطة حقتك ركز في حقتك دي يعني فيها مطلباتك والحاجة المتخيل انك حا تكون مرتاح فيها لانو البيت للعمر ضرورية لانو الاغراض ما واحدة والمساحات والاستخدام ما واحد ومنها انت بتكون عارف البيك والعليك وحا تعرف انت كل جنيه حا تصرفو ماشي وين حرفيا بتخليك عارف كل جنيه ماشي وين
.
بتجيب الخرطة المصدقة وتبدا تشتغل عليها (بحيث انو مهندس الموقع او المقاول ما يحك راسو او يفكر انو الحديد دا حا اقطعو كيف ولا على كم والخلطة دي يا ربي حا اعملها كم على كم)
•حساب كميات ودا البيديك التكلفة الدقيقة لي المبنى حقك غير كدا كل البنقدمو دا اسعار متوسطة
وبيسمى حساب تكلفة مبدئي
بعد نهاية المشروع بيتعمل تاني حساب تكلفة نهائي لاختلاف الاسعار
سعر خرطة بالمستوى لا يقل عن250 الف في الوقت الراهن لي ابسط بيت
كتيرة؟ ولو قلت ليك كابسط تقدير ممكن توفر ليك 900 الف
•ثالث شي التفيذ
دايما بنصح الناس انو شغل التنفيذ دا يكون بي عقودات لو مع مكتب هندسي او مكتب استشاري او مكتب مقاولات او مع افراد مهندس _مقاول
وكل حاجة يتقدم ليك تقرير بي الطريقة الحا تتنفذ بيها مكتوب او مطبوع ليه لانو بتحصل غلطات كتير والبيتحملها المالك لانو صاحب الوجع
مثلا مقاول بدا عمل الحفر يدوي وبعد راجع الخرطة لقى مسافات القواعد قريبة قرر انو يحول لي الي ويحفر كل مساحة الاساسات ويفرشها كلها وبعدها يجي يصب القواعد
دي = قيمة حفر زيادة +قيمة اليات نقل انقاض+زيادة في كمية الفرشة وعمالتها + اجار فرم قواعد لو باجر لي تسليح القواعد
بالنسبة لي اعمال المقاولات بتختلف طرق الاتفاق فيها بس اكتر طريقتين شائعات حاليا
في مقاول بيقدم ليك اسعار متضمنه ارباحه
وفي مقاول بيقدم اسعار وبعدها بيقدم ليك نسبة مئوية 20% 25% 30% او ايا كانت من سعر المصنعيات ودي بتمثل ارباحه او فائدته
اي استفسار اتفضل ما عندك اي مشكلة
م محمد ابراهيم 0966846609
م عمر معتصم 0900061108
او علي الواتس اب
https://wa.me/message/ARFBWHGJWN3QF1
صفحتنا ع الفيسبوك .
https://www.facebook.com/mando.d.s11/
BY ᵒˣʸᵍᵉᶰ💙أُكسجيــــن
Share with your friend now:
tgoop.com/beoxygen/6718